إياك تعتقد ثم تعتقد إن ضربة المريخ #المائي واضحة وصريحة، إياك تتصور ان سكوت المريخ المائي ضعُف والم، ثم إياك تعتقد إن المريخ المائي نسى سواد وجهك في حياته، إياك تنخدع بهدوء المراريخ المائية في الخلافات، لأن هذا مايعني انهم مكبرين راسهم هذا يعني ان الجاي مايسرك.
المريخ المائي مُخطط بارِع و حامي أسرار فضيع وخبير في التلاعب وإخفاء الحقائق، ايضًا هو شخص قارئ للنقاط الضعف في الآخرين بمهارة تفوق التصور، ودايمًا ضربات المريخ المائي تكون مفاجئة، غير متوقعة، مزلزلة، تعرف لمن تنضرب بس ماعندك دليل على انك متضرر؟ لكنك عارف غريمك؟ هذه مهارتهم.
مستحيل يتركون ادلة على اي شيء يسونه، هذا الشيء اللي يخلي المريخ المائي اكثر مهارة من العطاردات القوية مثل الجوزاء والعذراء واكثر حيلة من المراريخ العطاردية، المريخ المائي يتعامل بمبدأ "سلامتي أولًا" لذلك نادر يحط اشياء تدل عليه وهو منتقم شديد، التسامح في شريعته هو برد الصاع.
ماراح تعرف حقيقة المريخ #المائي في حياتك إلا بالنهايات نظرًا لكون عنصر الماء جدًا غامض ومتكتم ولمن يسقط في المريخ يعطينا شخص يخبي رغباته ودوافعه وغضبه ومشاعره ويخفي افعاله والأشياء اللي يسويها، هو ابدًا مو مهايطي او شخص عفوي، غلطان لو تعتقد ان المريخ المائي عفوي! هذا تمثيل عليك😂
مريخ #السرطان هو المائي الوحيد اللي ممكن ينفعل بوجهك ويعطيك ردة فعل سريعة وممكن يطلعك من حياته فورًا لكن مريخ الحوت والعقرب بيخلونك قريب منهم وبيىىممونك بدون ماتحس، مو لأن ماعندهم شرف او مبادئ بس لأنهم يعاملون بالنوايا، وسهل يقرون نواياك.
شيء يفشل فيه المريخ المائي وهو المواجهة، لكن هو ممكن يواجهك في حالة واحدة إذا كان ناوي ينهي المهزلة اللي صايرة أو حتى اذا يبي يهينك ويستنقص منك، لأن المريخ المائي مريخ يعشق الحر ب الباردة، يعشق الصراع الغير معلن، ممكن العقرب اكثر مريخ يميل للمواجهة لأنه اقوى ويحمل صفات المريخ.
يمكن أكثر شيء يخليك عدو لأي مريخ مائي هو المشاعر، انت ممكن باعتقادك البسيط تعتقد انك تقتدر تستدرجه بالمشاعر وتخفي كراهيتك له او حتى انك تحاول تستغل مشاعره بس حرفيًا انت احمق لأنك تلعب بالىّار، المريخ المائي ما يتساهل في الإستهانة بالمشاعر حتى لو ماحس فيها!
هو مجرد انك فكرت انك تزيف شعور او تستغل شعور او تخدع بالمشاعر هذا الشيء بيخليه يزدريك ويشحن طاقته ناحيتك في رد الصاع صاعين، بس هو ماراح ينتقم مشاعريًا، هو مريخ ذكي نفسيًا بيمسكك من اليد اللي توجعك، عشان كذا العب بكل شيء الا هذا الشيء، بيخليهم اشرار فعليًا وشياطين في انتقامهم.
جاري تحميل الاقتراحات...