رتبها

كلنا سمعنا قصة ابتكار ستان لي لسبايدرمان
لكن هل ستان بيقول الحقيقة كاملة ؟ هل سبايدرمان ابتكار من الأساس ام انه اقتباس؟
تابع معايا الثريد وهعرفك الحقيقة الكاملة لظهور سبايدرمان

تعالوا الأول نرجع بالزمن لما قبل السوبرهيروز والكوميكس حتى عصر "البولب فيكشن"
البولب فيكشن هو فن أدبي قديم كان عبارة عن روايات أو قصص قصيرة بيكتب على ورق "البولب" بأغلفة مرسومة وملونة
البولب فيشكن قدم شخصيات عملت ثورة في الأدب ويمكن من اشهر شخصيات البولب هو زورو المعروف للكل

لكن البولب كان له شخصية رائدة وعملت ثورة ضخمة في الفن كله واللي هو The Shadow
نجاح The Shadow واقبال الناس الضخم عليه كان له أثر على صناع تانيين ألهمهم انهم يقتبسو من The Shadow ويعملو شخصياتهم الخاصة و أبرز اسمين حااب اذكرهم على المثال دا هما Doctor Savage و The Spider

بالمناسبة The Shadow و Doctor Savage تم اقتباسهم في وقت لاحق لباتمان وسوبرمان لكن دا موضوع تاني لوقت تاني

نرجع لموضوعنا
زي ما قلتلك فالواضح ان القصص اللي كانت منتشرة ومحبوبة بين الناس هي قصص البولب و دا وجه اغلب الشركات الناشرة للقصص للنوع دا من الفن القصصي

لكن الامور لم تكن وردية و ايجابية مع كل الشركات و خاصة شركة Atlas حيث ان قصصها مكانتش اكتر قصص بتبيع و عليها اقبال

أطلس وجهت نظرها على شركة "دي سي" ولاحظت ان مجال الكوميكس وخاصة السوبرهيروز وتحديدا سوبرمان عامل نجاح كبير و عليه اقبال
وهنا قررت شركة Atlas انها تاخد منحنى مختلف وتتحول الى Marvel Comics وتم تكليف ستان لي بأنه يبتكر شخصيات أبطال خارقين تنفع الشركة

ستان لي كان شايف شغله كويس بمساعدة أسطورة الكوميكس Jack Kirby وابتكرو الفانتاستيك فور و كابتن أميركا
واللي معروف نجاحهم وشهرتهم للكل

نرجع تاني للبولب فيكشن , فاكر The Spider اللي قلتلك عليه؟
بالظبط انت كدا فهمتني , في نصف القرن ال20 قررت واحدة من اكبر شركات الكوميكس انها تعمل شخصية مشابهة ومقتبسة لThe Spider
والشركة دي هي ....

دي سي , وقامت بابتكار شخصية Tarantula
لكن الحقيقة هي ان الشخصية فشلت وبصراحة طول فترة بحثي عن السبب مالقتش غير ان الناس كانت بتكره العناكب و ان الشخصية ماقدمتش اختلافات كتير عن The Spider غير البدلة لكن كل دي مازالت افتراضات وليست حقائق

المهم نرجع لمارفل , في بداية ستينات القرن الماضي ابتكر "ستيف ديتكو" تصميم جديد لبطل جديد وعرض الفكرة على ستان لي
ستان أعجب بالفكرة و قرر انه يخلي البطل دا اول بطل شاب و ستيف ديتكو كان حابب انه يخليه بطل عنده مشاكل خاصة وهنا بدأ العمل من الاتنين على باقي جوانب الشخصية

اثناء عرض ستان الشخصية على الادارة تم رفضها ووصفها بأنها فكرة فاشلة لأسباب مشابهة لنفس فكرة فشل تارنتولا من دي سي "الناس تكره العناكب" و اسباب زي ان فكرة البطل الخارق اللي عنده مشاكل كانت جديدة وغريبة على وقتها

ولكن بعد اصرار من ستان و ستيف قررت مارفل في 10 أغسطس 1962 انها تنشر اول عدد للشخصية Amazing Fantasy 15 وتنجح الشخصية وتلاقي اعجاب وقبول من القراء