*التوبة ..💙
*التوبة مش انك تقول انا تبت ومش هعمل كدا تاني التوبة مش كلام لأنك كدا بتضحك علي نفسك انك خلاص وتلاقيك رجعت تاني للذنب .!*
*التوبة انك تشوف الذنب وتستحقره وتندم علي انك عملته في يوم ,التوبة انك قلبك يوجعك انك عملت ذنب في حق ربنا وهو لسه بيعطيك نعم وبتدعي وبيستجيب.

*التوبة انك لما الشيطان ييجي علشان يضعفك علشان ترجع للذنب تاني تغلبه يعني مترجعش بل تقرب من ربنا أكتر وتقوم تصلي ركعتين شكر أو ركعتين لله أو تقرء في المصحف
والشيطان طبعا هييجي يقولك ربنا مش راضي عنك لأنك عملت ذنب كبير وربنا مش هيغفر لك ابدا دا جاي علشان يضعفك ويرجعك الذنب تاني

*شوف ربنا بيقولك أي*
*« قل يعبادي الذين أسرفوا علي أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم »....*
*لا تقنطوا من رحمه الله لان ربنا بيغفر الذنوب جميعا يعني ربنا مستنيك تتوب وترجع وانت لسه بتفكر هيغفرلك ولا لا

ربنا مستنيك أرجعله قبل ما تروح عنده قبل ما تتوب ووقتها مش هيتغفرلك إلا برحمته لأنه عطاك فرصه دلوقت أرجع بقي قبل ما الفرصه تروح وتصحي وانت في قبرك....💙
أذكرونى بدعوة فضلاً 🙏