القصص الشخصية
الصحة
تجربة شخصية
الصحة العقلية
تطوير الذات
هوية الجنس
قضايا LGBTQ+
قضايا الشذوذ الجنسي
تجربتي كعابرة جندريا "متحولة جنسيا" في مجتمع عربي..
للي ما يعرفنيش انا هيام يوسف، ٣٦ سنة
اتخرجت من هندسة طيران في ٢٠٠٩
اشتغلت شوية عند الناس بس طول عمري مش بحب فكرة اني اشتغل عند حد. في ٢٠١٢ قررت اغير حياتي واعمل اكتر حاجة بحبها وهي الالكترونيات وبالذات شركة ابل ففتحت بيزنس لنفسي
للي ما يعرفنيش انا هيام يوسف، ٣٦ سنة
اتخرجت من هندسة طيران في ٢٠٠٩
اشتغلت شوية عند الناس بس طول عمري مش بحب فكرة اني اشتغل عند حد. في ٢٠١٢ قررت اغير حياتي واعمل اكتر حاجة بحبها وهي الالكترونيات وبالذات شركة ابل ففتحت بيزنس لنفسي
والحمد لله استمر لمدة ١٠ سنين وكنت ومازلت جامدة جدا في اللي انا بعمله...
مع بداية ٢٠٢٠ ابتدت اعراض ابتدت اعراض اضطراب الهوية الجنسية اللي عندي من صغري توصل لمراحل متقدمة جدا وصلتني لافكار انتحار، قررت اخد خطوات تجاه الموضوع وابتدي العلاج النفسي...
مع بداية ٢٠٢٠ ابتدت اعراض ابتدت اعراض اضطراب الهوية الجنسية اللي عندي من صغري توصل لمراحل متقدمة جدا وصلتني لافكار انتحار، قررت اخد خطوات تجاه الموضوع وابتدي العلاج النفسي...
مع اواخر ٢٠٢٠ اخدت القرار اني مش هفضل مكملة في اللي انا فيه ده واني هبتدي خطوات العبور الجندري بالذات ان المخدرات -اللي كنت بستخدمها للهروب من الواقع- دمرت حياتي و خلصت كل فلوسي وبقيت لانا عايشة كولد فايق عارف يمشي في الحياه ولا انا عايشة كبنت زي مانا نفسي طول عمري.
قررت انها حياه واحدة وغلط اعيشها زي ما الناس عاوزيني اعيشها لازم اعيشها بالطريقة اللي تريحني
من هنا بتبتدي مراحل المعاناه اللي بيعانيها/بتعانيها كل عابر/عابرة في مجتمعنا الكريم.الاهل وما ادراك ما الاهل بكل الضغوط النفسية اللي بيمارسوها علينا. بعديها يجي الصحاب اللي ٩٥٪ منهم بيمشو
من هنا بتبتدي مراحل المعاناه اللي بيعانيها/بتعانيها كل عابر/عابرة في مجتمعنا الكريم.الاهل وما ادراك ما الاهل بكل الضغوط النفسية اللي بيمارسوها علينا. بعديها يجي الصحاب اللي ٩٥٪ منهم بيمشو
الازمة في الموضوع انهم بيقى عندهم اصرار تام اننا ما عندناش مشاكل اصلا وان ده دلع وان ده حرام واصل الناس هتقول ايه. الازمة انك مهما شرحتي ومهما جبتي تقارير طبية بيفضل العقل الجمعي المجتمعي مأثر على تفكير وردود فعل الناس اكتر من قدرتهم على التعاطف مع الحالة الانسانية اللي قدامهم
البنات والولاد.
عن تجربتي الشخصية اقدر اقول لكم ان الذكور اللي اعرفهم تقبلوني بنسبة لا تتخطى ال ١٠٪. الذكر العربي صعب عليه الموضوع بشكل لا يوصف وبيفضل مش مصدقين ان ممكن ذكر عاقل يقرر ينزل من مرتبة الذكورة السامية لمرتبة الانثوية الاقل منه.
عن تجربتي الشخصية اقدر اقول لكم ان الذكور اللي اعرفهم تقبلوني بنسبة لا تتخطى ال ١٠٪. الذكر العربي صعب عليه الموضوع بشكل لا يوصف وبيفضل مش مصدقين ان ممكن ذكر عاقل يقرر ينزل من مرتبة الذكورة السامية لمرتبة الانثوية الاقل منه.
الاناث بقى نسبة تقبلهم ليا كانت ٩٥٪. اللحظة اللي بيعرفو فيها الموضوع ويسمعو تفاصيله قبل ما نخلص كلام الضمير بيتحول لضمير المؤنث والاسم على التليفون بيتغير وبيبتدو يعرضو كل اشكال والوان المساعدة.
طول الوقت كنت بقول ان تجربتي في العبور بالمقارنة بتجارب الناس التانية اللي اعرفها هي رحلة لدريم بارك لاني محظوظة اني انسانة كبيرة وعندي بيزنس خاص بيا وعندي شقة ملك بس مش موضباها وقاعدة في ايجار جنب الشغل لمجرد الرفاهية والحمد لله عندي عربية مش افجر حاجة بس بتجيبني وتوديني.
بس كل ده ابتدى ينتهي واحدة ورا التانية وابتدى بان صاحب العمارة قرر يمشيني طبعا عشان مش عاجبه اللي بقيت فيه. بس قلت الحمد لله وخلاص هاخد قرض واوضب شقتي وانقل فيها واديني بشتغل وبجيب اللي يكفيني ومش عاوزة حاجة من حد.
شوية وابتدينا مرحلة ان صاحب المحل اللي انا فيه بردو عاوزني امشي.
شوية وابتدينا مرحلة ان صاحب المحل اللي انا فيه بردو عاوزني امشي.
فجأة بقيت بلا شغل وبلا مدخرات و كمان عليا قسط بنك لمدة ٣ سنين. قلت عادي الحمد لله وقدر الله وما شاء فعل وماعنديش مشكلة ابتدي تاني من الصفر وهنزل اشتغل مع اي حد صاحبي اوفر على الاقل اكلي وشربي وقسط البنك.
كل الدنيا بتحاربني في كل مكان عشان مانزلش اشتغل مع اي حد رغم ان معظمهم كانو يحلو بس زمان اني اعدي عليهم في محلاتهم مش اني انزل اشتغل معاهم.
قلت خلاص مش مهم زبايني كده كده لسه بيكلموني وباخد الحاجة اعملها في البيت عندي واديني بطلع اي قرشين وهدور على اي شغلانة اونلاين حتى لو كول سنتر او دعم فني بالانجليزي لان انا الحمد لله الانجليزي بتاعي حلو جدا.
انترفيو في التانية في التالتة في الرابعة في الخامسة لحد ما بطلت اعد. نجحت في اكتر من شركة بس بمجرد ما اقول في الاخر اني عابرة جنسيا هوووب Rejected رغم اعتراهم الكامل اني جامدة واني مناسبة للشغلانة جدا الا ان مجرد كوني عابرة جنسيا كان سبب كافي لكل الشركات دي انها ترفضني.
الملخص بقى رغم كل ده الا اني بردو شايفة ان انا محظوظة واني عندي سقف فوق راسي ومش مرمية في الشارع ولسه حواليا ناس بتحبني وبتساعدني ولسه عندي زباين واثقة فيا بتديني حاجتها اعملها في البيت.
بس كل اللي بيجي في دماغي، طب وغيري من العابرين والعابرات اللي مرمين في الشوارع و كل الناس بتحاربهم في سكنهم واكل عيشهم لمجرد انهم مختلفين مع قرار هم اخدوه بكامل قواهم العقلية يعملو ايه؟؟!!
وفي الاخر يرجعو يقول لك بص!!! اهم كل العابرين والعابرات بينتحرو او بيشتغلو في الدعارة كلهم كده وكلهم وحشين. وبينسو تماما ان المجتمع حاربهم في كل حاجة من مسكن لملبس لشغل لاندماج في المجتمع.
بس هي الجملة دي اللي بتخلي افراد المجتمع يقدرو يرجعو بيتهم مستريحين وينامو على سريرهم حاسين انهم صح وان ده مصير كل حد بيخرج عن السرب وانهم مالهمش يد في كل جه وان ده اختيار مجتمع العابرين والعابرات.... ودمتم..
جاري تحميل الاقتراحات...