كحدا درس في ايطاليا بلغة البلد وقعد ٦ سنين فيها، بودي قول انو جورجيا ميلوني ليست اليمين الأوروبي الانعزالي التقليدي أو حتى القريب من روسيا، في ايطاليا كان في تنين عم يدعو لعدم ارسال السلاح لاوكرانيا، ماتيو سالفيني من الليگا وماتيو كونتي من الخمس نجوم، ميلوني عنصرية ناتو وهبلة.⬅️
جورجيا ميلوني بلشت تاريخها بالحركة الاجتماعية الايطالية في القرن الماضي والتي هي وريثة الحركة الفاشية الايطالية، وعلى الرغم من انها قالت عدة مواقف بالسنوات الماضية عن الأسد، روسيا والحزب وشككت بالاتحاد الاوروبي ولكنها كلها كانت مواقف بيع حكي وانتخابية سرعان ما تراجعت عنها ⬅️
والتزمت بخط امريكي مية بالمية، هي صح فهمانة اللعبة، انو القرار ليس في بروكسيل ولكن في واشنطن. مارين لوبان بفرنسا وڤيكتور اوربان بالمجر مواقفهم أوضح بكثير بقصص العلاقات الخارجية وبيحكوا منطق نفعي بحت، وهو شي جيد. ميلوني بس بتسب بالمهاجرين يلي هني اخر اسباب المشاكل وفي نفس الوقت⬅️
مجرد ما يجي الأمر من واشنطن لا تنتظر أي لحظة للتنفيذ. اليوم كنت بحكي انا وصديقي الايطالي عن الموضوع، وفعليا الانتخابات انعملت هلأ قبل ما تبلش توصل فواتير الغاز والكهربا تبع الشتاء كرمال الناس ما تنتخب حدا ضد ارسال السلاح لاوكرانيا ومع سياسة محايدة أكثر بالصراع. ميلوني يعني ناتو⬅️
مش متوقع تكفي كثير بحكمها بس اذا قدرت تشكل حكومة، الوضع الاقتصادي خرابة الآن، وما في حدا من الاحزاب السياسية أصلا من مصلحته يحكم، اصلاح الوضع أكبر من مجرد قرارات سياسية وادارية، في كرة ثلج اقتصادية تستمر بالتدحرج الآن ولا أحد مستعد يضحي بحاله ويوقفها.
جاري تحميل الاقتراحات...