هدي ملهاش صورة معايه قبل العمليه، مكنش ينفع نتصور و لا نعمل اي حاجه تخفف من حدة التوتر علشان هدي كانت زعلانه من الدنيا جامد و الدموع في عنيها طول الوقت و متضايقه طول الوقت و مكنش ينفع تحاول اقناعها او حتي تتكلم معاها… علشان ببساطه كانت زعلانه من الدنيا…
كان عندها تشوه رهيب و دي كانت الاشعه اللي ممكن تفسر موقفها و كان عندها قصة معانآه رهيبه و دخلوها العمليات قبل كدا و خرجوها بدون عمليه نظراً للخطورة الشديده و الدنيا كانت مقفله كل الابواب…. المهم عملتلها العمليه من ٦ شهور و ربنا اكرمنا جامد و اصبحت هدي واحدة تانيه خالص …
زارتني الاسبوع دا و معرفتهاش خالص و كانت هدي مبتسمه و مبسوطه و قالتلي عايزه اتصور معاك مجهزه للصورة دي…
بعد ما مشيت هدي قعدت اشوف الصور و لفت نظري جامد تيشرت هدي مكتوب عليه Life is really good … مين بيقول كدا… طالما هدي اللي بتقول يبقي لازم نسمع منها…
بعد ما مشيت هدي قعدت اشوف الصور و لفت نظري جامد تيشرت هدي مكتوب عليه Life is really good … مين بيقول كدا… طالما هدي اللي بتقول يبقي لازم نسمع منها…
يمكن تكون هدي لابسه التيشرت بالصدقه لكن معرفتي بهدي و كيف كانت و كيف اصبحت وصلي احساس خاص جدا صعب وصفه🙏
جاري تحميل الاقتراحات...