حوار مع النفس ..
- انت اتغيرت كده ليه ؟
= لا انا متغيرتش ..ليه بتقول كده ؟
-اصلك ساكت ومبتحكيش زي الاول ..
= لا عادي ..بس مابقتش بحب اتكلم كتير واقول اللي جوايا
- ليه دا احلي حاجة فيك التلقائية وانك علي طبيعته

= ومين كان قدر دا .. علي العموم انا زي مانا بس بقيت بحافظ علي نفسي مش اكتر
- لا انت طيب ومش بتعرف تكسف حد
= لا متخافش مفيش سذاجة تاني ..والطيبة خليناها للي يستاهلها
- بس انت مكنتش كده وكنت بتثق في الناس بسرعة

= وكانت ايه النتيجة !!.. بس خلاص الحمدلله بطلت اتسرع في حكمي علي الناس
- ايه كل دا .. وحد الله مفيش حتي كلمة حلوة
= لا اله الا الله ..لا في اكيد ..بس كلامنا الحلو ومشاعرنا الحلوة شلناها للي يصونها وميشوفش نفسه بيها علينا
- كل ده و متغيرتش! .. بقولك ايه ..انا ماشي احسن..

=تمام ..اتفضل
- اتفضل! ..دا بدل ما تمسك فيا!!
= لا ماهو مكنش ينفع اصلا اطلب من حد عايز يمشي انه يستني ..اللي عايز يمشي يمشي واللي عايز يفضل اهلا وسهلا انا خلاص مش هكون تاني الطرف الضعيف اللي بيتمسك بالناس ويتعب في الاخر

- خلاص براحتك ..طالما انت شايف كده ..
= اه شايف كده و الحمدلله بقيت راضي ومتصالح جدا مع نفسي .
منقول من
حوار مع النفس