اللي ناويين يسافرون قطر ويشرفونا، للعلم انها تغيرت تغير جذري آخر سنتين، بحط لكم في هالثريد اهم واحلى الأماكن عندنا من مقاهي ومناطق ترفيهية ومولات ويامرحبا بكم في بلدكم الثاني .. 
⚠️ اغلب الصور من تصويري
فضل التغريدة وارجع لها وقت ماتحتاجها..
⚠️ اغلب الصور من تصويري
فضل التغريدة وارجع لها وقت ماتحتاجها..
1- اكيد سمعتوا عن مول الحزم، باختصار لو تدخله تحس نفسك فعالم آخر، مجمع مكيف بالكامل فخامه واضواء ومطاعم، انصحكم تكون وجهتكم الاولى، من وجهة نظري هذا افخم مول
2- اللؤلؤة، كانت بحر وتم دفنها وبناء مدينة كاملة على الطريقة الايطالية، تقريبًا كل الاوربيين فقطر ساكنين هنا، المهم انها وجهه مهمه لكل سائح، تبي تحس نفسك فاوروبا؟ زورها
3- كتارا، تبي تشوف الشعب القطري عن قرب؟ تعال هنا، احلى شي المقاهي والمعارض اللي تتنظم فيها، جو ثقافي بحت وممتع بنفس الوقت
4- مشيرب قلب الدوحة أول مشروع مستدام لتجديد وسط المدينة في العالم حيث يعيد إحياء المنطقة التجارية القديمة في الدوحة بأسلوب معماري جديد. والله العظيم تصميم هالمدينة ولا بالاحلام، شي مو طبيعي مابي اكثر كلام زوروها وحاسبوني لو ماعجبتكم
5- مكتبة قطر الوطنية، اتوقع هذي افخم واكبر مكتبة بالشرق الاوسط، اي كتاب في بالك بتحصله هنا، منظرها واجوائها يخلونك تحب تقرأ غصب، ياعشاق الكتب والرويات لاتفوتكم وتقدرون توصلونها بالمترو.
6- متحف قطر الوطني، تصميمه مستوحاه من زهرة الصحراء نادر ورهيب بنفس الوقت، اي شيء متعلق بالتراث بتحصله هنا، مكان رائع ويستحق الزيارة
7- لوسيل، ايضًا مدينة جديدة فخمة وفيها " بوليڤارد لوسيل " ومطاعم وقهاوي فخمه وبعضها مطلعه على البحر خذ فرتين فيها واضمن لك نفسيتك بتتغير ١٨٠ درجة، كل شي فيها فخم
8- افخم المولات عندنا بالترتيب
-الحزم مول
-فستفال سيتي
-قطر مول
-طوار- جلف- ازدان مول
-الحزم مول
-فستفال سيتي
-قطر مول
-طوار- جلف- ازدان مول
9 - بلاس فاندوم جوهرة منطقة الترفيه بامتياز، يستوحي مول “بلاس فاندوم” تصميمه من روعة شارع التسوق الراقي الشهير في باريس “رو دو لا بيه” وجهة عائلية واحدة مطلّة على شاطئ البحر ، وفيه أفضل محلات الماركات والشركات الرسمية مثل متجر Apple
10- جزيرة البنانا ، جزيرة مصغره او تقدر تقول شاليه، فيها كل شيء وياخذك قارب من الدوحة لين هالجزيرة، صراحه ممكن تقضي فيها أجمل الليالي في حياتك 👍🏻
11- ممشى لوسيل، مكاني المفضل لرياضة المشي، من ناحية المنظر والأجواء والناس وخصوصاً في الشتاء
12- ملاعب كأس العالم 2022
- استاد خليفة الدولي
- استاد لوسيل
- استاد البيت
- استاد الجنوب
- استاد خليفة الدولي
- استاد لوسيل
- استاد البيت
- استاد الجنوب
13- منتجع سلوى، افخم منتجع في ٢٠٢٠ صمموه على الطريقة اليونانية ، صراحه للحين ما زرته بس مخليه ضمن الاولويات فالمستقبل، شي رهيب ومختلف
14- جامع الامام محمد عبدالوهاب، أكبر مسجد في قطر وهو جامع الدولة ، تصميمه جدًا مبهر، دعوه للطمأنينة
15- سوق واقف ، غني عن التعريف ومن افضل الأسواق الشعبية على مستوى الخليج يستحق الزيارة
16- مشروع جزيرة المها 🎡🎠
"الدوحة ونتر وندر لاند"
وهي مدينة ترفيهية مساحتها 93 ألف متر مربع ، وهو على شكل مستوحى من جزيرة ميكونوس ، تضم أشهر المطاعم مثل "زوما" و "بليونير"
سيتم الافتتاح في 1 نوفمبر 2022
"الدوحة ونتر وندر لاند"
وهي مدينة ترفيهية مساحتها 93 ألف متر مربع ، وهو على شكل مستوحى من جزيرة ميكونوس ، تضم أشهر المطاعم مثل "زوما" و "بليونير"
سيتم الافتتاح في 1 نوفمبر 2022
طبعاً اللي يتواجد في قطر ومايبغي يطلع من المكان اللي هو فيه يطلب اي شي من الجمعية او مطعم او صيدلية ، يطلب عن طريق تطبيق سنونو وهو قاعد في بيته او الفندق ويوصل لين عنده 24 ساعه ، التطبيق الأفضل في قطر بالنسبة لي
apps.apple.com
apps.apple.com
جاري تحميل الاقتراحات...