منه كانت اخر واحده في عمليات النهارده
لما شوفتها لقيت عندها اعوجاج كبير بقول لوالدها ليه كدا متأخرين كل دا …قالي كنا مرعوبين علشان قالولنا حالتها خطيره و ممكن يحصلها شلل و بقالهم ٥ سنوات في حالة يأس… بقوله طيب ايه اللي فكركم تاني بالموضوع دا… قالي انت… ازاي يا ابو منه …
لما شوفتها لقيت عندها اعوجاج كبير بقول لوالدها ليه كدا متأخرين كل دا …قالي كنا مرعوبين علشان قالولنا حالتها خطيره و ممكن يحصلها شلل و بقالهم ٥ سنوات في حالة يأس… بقوله طيب ايه اللي فكركم تاني بالموضوع دا… قالي انت… ازاي يا ابو منه …
قالي في اسبوع واحد لقيت ناس متعددة ميعرفوش بعض و متكلموش مع بعض و كمان منهم اللي مكلمنيش بقاله سنوات و لقيتهم كلهم بيكلموني و يقولولي روح لدكتور هاني ممكن يشوف حل ل منه و الراجل بيتكلم كأن فيه معجزه حصلتله و حالي بسببها، ايوه والله …قولتله طيب ان شاء الله محلوله…
المهم حددت موعد العمليه و بعد يوم واحد الاقي والد منه بيكلمني و منهمك في البكاء … خير يا ابو منه … قالي منه مش قادره تمشي خالص و بنشيلها نوديها الحمام و مش عارفه تحرك رجليها… ازاي انا لسه شايفها امبارح و كانت كويسه … طيب دا عرض خطير جداً … هاتها اشوفها تاني …
شوفت منه لقيت فحصها كويس… عملت اشعه جديده برضه كويسه… منه تقريبا فكره انها خلاص هتعمل العمليه البعبع اللي خايفه منه بقالها سنين و ممكن تعملها شلل خلت الاعراض تجيلها فقط من الخوف… طمنتها و كان باقي ٣ ايام علي العمليه و قولتلها كل يوم تكلميني .. و كل يوم كانت بتقولي انها احسن…
المهم عملية منه كانت النهارده و كانت بتعيط قبل العمليه فقعدت جنبها و اتصورت معاها و مع اختها بعد ما مسحنا الدموع … الاهم بقي ان بفضل الله منه اصبحت واحده تانيه خالص و هي نفسها مش هتعرف نفسها
جاري تحميل الاقتراحات...