لو ليك صحاب وبعاد عن ربنا وأنت زعلان علشانهم ونفسك يقربوا ..
هقولك حاجة نفعت معايا الحمد لله.
(1)ادعيلهم كتير بالهداية.
(2)اهدى بس كدا وبلاش تدخل فيهم شمال ودا حرام وأنت كدا هتدخل النار ، ادعيهم بالحكمة والموعظة الحسنة بأسلوب جميل.

(3) من خلال تعاملاتك وأخلاقك وثباتك قدامهم ورفضك للحرام وإقبالك على الحلال وطبعاً النية خالصة لوجه ﷲ ، مع الوقت هيحترموك ويحبوك جداً وخلي بالك في البداية هتاخد كمية تريقة وعم الشيخ والمتشدد وغيره من الألفاظ اللي بتتقلنا

(4) أما يبقى تعبان أو في مشكلة أول واحد هيكلمه أنت ويشكيلك والوقت دا تقوم بدورك يا معلم فتدعوه إلى ﷲ وتجبر بخاطره وتساعده يقرب لربنا.
وإن شاء الله ربنا يجعله في ميزان حسناتك ويبارك فيك ويحفظك من الفتن ويثبتك ويزيدك من فضله.

_ ملحوظة مهمة جداً : مش بقولك اتنازل أو تمايع قدامهم وتخلي عن أمور دينك علشان تبقى كويس وميقولوش عليك متشدد ، أنا بقولك إلتزم قدامهم وهما يبقوا بالنسبة لك صفر على الشمال لو هيجروك لمعصية أو يبعدوك عن طاعة ولكن بقولك بلاش تعنيف وتدخل فيهم شمال اصبر على تريقتهم اللي في البداية

وقول آيات من القرآن وأحاديث تبين إن أنت صح بس من غير غلط.