حرب أذربيجان أرمينيا بدأت تاني ليه ؟ محدش عارف ، أذربيجان بتقول انها بترد ع التخريب اللي حصل ع حدودها من أرمينيا ،اللي هو ايه التخريب ؟ مقالوش ،لكن الواضح إن رد فعل أذربيجان عنيف جدا و مترتب له من فترة لأن الهجوم بمدفعية و طيران مسير و صواريخ وكل ده في وقت واحد يقولك أنه متحضر له
واضح إن تحريك جبهة أذربيجان مرة تانية أمر مقصود ، لانها لو قدرت تاخد الجزء الصغير ( ممر لاتشين) هتقدر تربط بينها و بين تركيا و تقطع بين أرمينيا و إيران ، وده هيشكل كارثة علي إيران بتطويقها من أذربيجان اللي لإسرائيل فيها ٣ قواعد جوية عسكرية بالاتفاق مع أذربيجان
ممكن نقول إن تحريك الحرب الأذرية الأرمينية جاء متزامن مع بداية اعلان نهاية مسار التفاوض في الاتفاق النووي مع ايران ، للتذكير ، توجد عرقية اذرية في إيران تقدر ب ١٣ مليون اذري ( اذربيجاني يعني ) و دول اللي وقفوا الدعم الإيراني لارمنيا في حرب ٢٠٢٠ لما خرجوا مظاهرات
طبعا ده جزء من أهداف تحريك الحرب تاني ، جزء تاني إن حدود روسيا مع أذربيجان تتمثل في الشيشان و داغستان و اي احتكاك هناك يفقد روسيا المقاتلين الشيشان و الداغستان في حربها مع اوكرانيا و دول مهمين جدا ل بوتين لأنهم حققوا لها انتصارات كبيرة منها ماريوبول مثلا
فده بردو يحط بوتين في موقف محرج للمرة الثانية مع أرمينيا لما اجبرها توقع هدنة حرب و تسلم كاراباغ ل أذربيجان بعد ٣٠ سنة من استيلائها عليها ، خصوصا أن روسيا بموجب معاهدة الأمن الجماعي مضطرة تتدخل في الحرب مع أرمينيا لكنها المرة الأولى فضلت الضغط علي باشينيان بقبول الهزيمة
عموما فرصة كبيرة لاذربيجان أنها تاخد ممر لاتشين في ظل ظروف روسيا الصعبة الحالية في اوكرانيا ، العقل بيفرض علي بوتين عدم التدخل لكن من الصعب القول إنه راح يستخدم العقل خصوصا مع تزايد الضغوط عليه
بشكل عام عودة الحرب دي تاني للساحة ضرره اكبر من المرة اللي فاتت علي روسيا و إيران
بشكل عام عودة الحرب دي تاني للساحة ضرره اكبر من المرة اللي فاتت علي روسيا و إيران
بدأت ارمنيا طلب الدعم من أعضاء معاهدة الأمن الجماعي اللي علي رأسهم روسيا، ننتظر الرد منهم
الخبر رسمي ، بطلب أرمينيا من دول معاهدة الأمن الجماعي تفعيل بنود المعاهدة و التدخل المباشر في الحرب مع أذربيجان ، ضغطة كبيرة قوي علي روسيا بوتين
هل يستجيب و يوسع دائرة الحرب ولا يرفض و يترك أرمينيا تواجه مصير مرعب ؟
هل يستجيب و يوسع دائرة الحرب ولا يرفض و يترك أرمينيا تواجه مصير مرعب ؟
جاري تحميل الاقتراحات...