رتبها

🔗 • انجازات الإهلي بفضل لاعبي الإسماعيلي؟ هل الأهلي بيفرغ الإسماعيلي من لاعيبته؟ كم عدد اللاعبين اللي جم من الاسماعيلي للاهلي والزمالك؟
🎙✨ - يلا نكسر الوهم والنظرية الوهمية ل لطميات شركاء الوطن
📝 - ثــريد :

اولآ هو ليه اعتبار إن الأهلي لما بيتعاقد مع لاعب من نادي ما بيعتبر إن دا تفريغ للنادي .. يعني مثلا هل الأهلي ف كل موسم بيروح جايب لاعبي الاسماعيلي يمضيهم وعافيه.
هل الأهلي مثلا بيبقي الاسماعيلي لعب موسم كويس ف يلا بينا نفضي الإسماعيلي؟

وفلنفترض يا سيدي إن الأهلي بيشرتي لاعيبتك هل دا بيتم من غير مقابل؟ يعني مثلا اللاعيبة دي مش بندفع فيها مبالغ خرافية لو نادي تاني مش هيدفعها؟ وبالفلوس دي تقدر تجيب صفقات ولاعيبة تانية وتصرف علي اللاعيبة كمان.

1- محمد بركات في موسم 2002 انتقل الي الأهلي السعودي من الاسماعيلي لعب موسم هناك وبعدين راح العربي القطري موسم وفي 2004 الأهلي اشتراه من العربي.
فين الإسماعيلي هنا في قصة بركات؟ ده انتقل ل 2 اندية بعد الإسماعيلي ملوش دخل أصلا بالحوار ف انت حاسبها بس أنه لعب معاك؟

عماد النحاس.. اولآ عماد النحاس مش أبن الاسماعيلي وابن مغاغة وراح اسوان ثم الإسماعيلي ثم الأهلي القطري ثم جه الأهلي يعني برضو الإسماعيلي ملوش دخل بالقصة ولا بالتفاوض أنا اشتريته من قطر وانت بعته

أحمد فتحي أبن الإسماعيلي جاله عقد احتراف في شيفيلد يونايت بكام بقي ب مليون يورو وقتها علي حسب ترانسفير ماركت يعني الاهلي ملوش حوار بالقصة هتقولي كوبري هقولك يعني الاهلي مجنون عشان يعمل كوبري للدوري الانجليزي؟
واشتري فتحي من شيفيلد ماله بقي الاسماعيلي؟

سيد معوض من أبناء الإسماعيلي وراح طرابزون التركي من الاسماعيلي ب 600 الف دولار والاهلي اشتراه ب 750 الف دولار والاسماعيلي مكانش طرف في القصة أصلا.

إسلام الشاطر راح الزمالك من الاسماعيلي مباشرة والاهلي تعاقد معاه بعيد خالص عن الإسماعيلي.
ايه الزمالك كمان هيعمل كوبري للاهلي؟ 😀

شريف عبد الفضيل أول صفقة تيجي مباشر من الاسماعيلي بكام بقي ب 7 ونص مليون جنية 2009 كانت تجيب 4 لاعيبة يعني دا ابو تريكة كان بياخد 9000 الف جنية.
ولاعب إضافي

التعيس 2010 الأهلي تعاقد معاه مباشرة من الإسماعيلي تحت رغبة اللاعب واصرارة علي اللعب للاهلي بمبلغ 800 الف يورو حسب ترانسفير ماركت

حجازي احترف في فيرونتينا ثم بيرويجا ثم عاد من الإعارة قعد 3 سنين في الاحتراف والاهلي تفاوض معاه ورجع الأهلي فين الإسماعيلي هنا؟ ولا ليه علاقة بالقصة اطلاقا

السولية كان راح الخليج في الشعب الإماراتي وقعد سنة معاهم والاهلي تفاوض مع الشعب وخلص الأهلي الصفقة وكسبنا السولية.
وطبعا متولي جبناه مباشر من الاسماعيلي ب 15 مليون جنية

شوف كام لاعب كان مؤثر جبناه من الإسماعيلي مباشر هتلاقهيم معددودين عالصوابع وفي 20 سنة هتلاقي اللي نجحو معانا يتعدو عالصوابع يعني فتحي سيد النحاس إسلام السولية السعيد شريف متولي 8 لاعيبة في 22 سنة انت متخيل؟

أصلا بص علي آخر سنتين واحنا بناخد دوري الأبطال مرتين شوف كام لاعب من الاسماعيلي في البطولة؟ عمرو السولية فقط ومتولي لو هنحسبه موجود مثلا.
2005 و 2006 كان بركات والنحاس والشاطر ولو اعتبرناهم جايبن من الاسماعيلي

15 لاعب من الاسماعيلي في 15 سنة عموما شوف كام لاعب نجح منهم