وش بنستفيد لو حطينا مُوسيقى بحساباتنا؟ ولا شي ..!
حالات الوفاة كااااثرة هذي الايام وممكن حنا نكون بعدهم فا راجعوا حساباتكم ، ليش نوصل نفسنا لمرحلة اننا نخلي أهلنا يدورون طرق لحذف حساباتنا؟

لا تحطون أهلكم وأحبابكم بهذا الموقف يتعذبون وهم يشوفون مقاطعك تنتشر وذنوبك تكثر ويدرون إنك بالقبر تتعذب بسبب هذي المشاهدات! 💔

ليش ما نبادر الان ونحذف الموسيقى؟ بسواءً بتويتر أو غيره ، حنا لما نسمع بخبر ان صاحب الحساب الفلاني توفى سرعان مانهرع ونلقي نظرة على حسابه ندور أي أثر حسنه له!
فكيف لو لقينا كلّه موسيقى؟ بنطلع من الجساب وقلوبنا تتحسر على الذي شاهدناه وفاقدين الأمل اننا ممكن نقدر نساعده.

بعكس لما نشوف شخص ينشر تغريدات صالحة ويترك أثر طيب بالمواقع الاجتماعي فلما يأتينا خبر وفاته على طول ذكرة واسمه ينتشر بكل مكان اللهم بارك وهذا من عمله الصالح وأثره الذي تركه في دنياه!

انتم لكم الخيار إمّا ان يكون أثرك صالح ينفعك في دُنياك وكلّ ما تُقدمه تؤجر عليه وإذا أحد أخذ من منشوراتك تؤجر أضعاف مضاعفة وإمّا ان تنشر أشياء لن تفيدك لا في دينك ولا في دنياك!