بخصوص حريّة المرأة بالغرب اللي يتكلمون عنها بعض النسويات ويحسبون إن المرأة هناك تشتغل وهي سعيده وعايشه حياة وردية بنبهكم على شي ، المرأة عند الغرب لا يجب على زوجها ان ينفق عليها فتروح للعمل مضطرة عشان تصرف على نفسها وغير كذا المرأة في الغرب تأخذ راتب أقلّ من الرجال بكثييير!

ولكن المرأة المُسلمة يجب ان ينفق عليها زوجها وهنا لا تُجبر على العمل مع ان اسلامها اتاح لها ان تعمل ( بالتزام الضوابط ) لكن فيه فرررق شاسع بين اللي تشتغل بارادتها وبين اللي تشتغل وهي مغصوبه عشان تنفق على نفسها.

مطالباتكم بمثل حياة الغرب يعني جهل حياتهم الحقيقيه!
الزوجة هناك يجب عليها ان تدفع كما يدفع زوجها في مصاريف البيت حتى مصاريف الاكل والشرب.

الحممد لله على نعمة الاسلام اللي يكرم المرأة ولا يسمح لها بالاهانه وان تشق نفسها بالعمل وهي مجبورة مثل الاجانب تلقين بعضهم من العمر ١٨ سنه وهم توهم بالجامعه ولكن يشتغلون عشان ينفقون على نفسهم ويدورون الاكل!

وأزيدكم من الشعر بيت أكدت وزارة العمل الامريكية ان ٩٧٪ من المناصب العليا هي للرجال!
أين المساواة اللي تتكلمون عنها اللي بامريكا؟ متخيلين بس ٣٪ من النساء مناصبهم عاليه؟
الحمد لله ان الاسلام يعزز حرية المرأة في العمل بإرادتها أو البقاء في البيت بإرادتها.