كل سنه و مصر كلها ب الف خير بمناسبه السنه المصريه الجديده 6264 تاج الاعياد (رن بت) و دا يعتبر أقدم تقويم ف التاريخ و دا بيحسب بعد عهد الاسرات مش قبله لان لو قبله هايبقي الرقم الخاص بالتقويم اكبر من كدا بمراحل و كان بيتحسب ان للسنة الشمسية 365 يوم، و5 ساعات، و49 دقيقة، و45 ونص
ثانية، بفارق يوم كل 127 سنة، وحددوا بداية السنه ببدايه الفيضان، وسموه «التقويم التحوت» نسبة ل الاله «تحوت» إله المعرفة ف الميثولوجيا المصريه القديمه و بالمناسبه هي هي السنه القبطيه و ف عندنا ايام النسيء ف السنه الكبيسه اللي فيها خمس ايام زياده بسبب التوقيت و دوران الشمس
و كان اسمهم ديو هرو حر رنبت و اول يوم فيها اسمه فونا بيت و يعتبر شهر توت هو اول السنه المصريه و توت هو مستوحي من اسم تحوت و يعتبر توت أول شهور السنة المصرية و بدايه الزراعه و طالب النائب المصري احمد بلال البرلسي عضو مجلس النواب عن حزب التجمع، عن دائرة المحلة الكبري، بمحافظة
الغربية، باقتراح برغبة إلى رئيس مجلس النواب، موجه إلى الدكتور مصطفى مدبولي، رئيس مجلس الوزراء، لإعادة الاحتفال برأس السنة المصرية واعتباره عيدًا قوميًا وكذلك اعتماد التقويم المصري رسميًا، وذلك ترسيخا لمفهوم الهوية الوطنية
وقال البرلسي في مقترحه الموجه إلى رئيس مجلس الوزراء: "إن التقويم المصري هو أول تقويم عرفته البشرية، وعليه اعتمدت حضارات العالم في صنع التقويم الخاص بها، ورغم اعتزاز هذه الحضارات بالتقويم الخاص بها، والاحتفال به سنويًا، نجد الأمر مختلف تمامًا في الدولة التي اخترعت التقويم نفسه
وقسمت العام لفصول وشهور، ونظمت بذلك حياة شعبها وحياة العالم. ومعه بدأت مصر في كتابة تاريخ العالم بدءًا من 1 توت قبل 6264 عامًا" #نسرين_العيداروس
جاري تحميل الاقتراحات...