عمركم سمعتوا عن قوميه اسمها مصرين البلقان و كمان معترف بيهم ك قوميه ف كوسوفو والبانيا و مقدونيا 🤷🏻♀️ تعالوا كدا نعرف عنهم لان الموضوع واعر يابو عمو 🥸الناس دي مصرين هاجروا وقت اتساع الامبراطوريه المصريه ف عهد رمسيس الثاني وقتها كانت مصر تحت حكمها دول كتير ف اسيا و ع سواحل المتوسط
و افريقيا و البحر الاحمر كمان و وقت اتساع الامبراطورية ف عهد رمسيس التاني راح مصرين هناك و استقروا ع حسب روايتهم الي بلغ عددهم حاليا حوالى 87 ألف فى كوسوفو و 3.843 ألف فى مقدونيا و معتزين جدا ان اصولهم مصريه الالبانين فيهم ناس فعليا من اصل مصري اكتر من ادعاء البعض
ع ان المصرين اصلهم الباني و الديباجه اياها و اللي بعد التحاليل الجينيه اثبتت فشلها😂😂 المهم أغلبية المصريين في البلقان تعترف بهم دولة كوسوفو تحت اشراف الأمم المتحدة على أنهم من القومية المصرية رغم اننا مش معترفين بيهم 🤷🏻♀️ لان ببساطه مفيش دليل يأكد صحة أنهم مصريين لكن ف اتصالات
بينهم و بين مصر للاعتراف بيهم ك اقليه مصريه و حصولهم ع الجنسيه و الجدير بالذكر أن مصرين البلقان ليهم ممثل سياسي فى كوسوفو ، اللي هو الحزب الليبرالي المصري و هو الحزب الممثل داخل البرلمان ، و شعار الحزب ألوان العلم و الاهرامات و عشان كدا يتم الاعتراف بالمصريين دستوريا و
تاريخيا ف كوسوفو يعني المصرين او اللي من اصول مصريه هناك متواجدين ف بلجراد ف صربيا و سلوفانيا و ف منهم ف كرواتيا يعني من الاخر هويه معقده و عزله طيب الناس دي راحت ازاي هناك شوف يا سيدي بيقولك انه ف عصر كل من رمسيس التاني و سيتي الاول امر الجنود بعمل زي رحله كدا
استكشافيه ل البلقان و فرض السيطره عليها عشان ياخدوا منها احتياجتهم من المعادن زي الحديد و دا ف القرن ال ١٣ق م و لقوا احتياجتهم ف الضفه التانيه من البحر المتوسط في البلقان ولكن بعد ما خلصوا ف منهم ناس ما رجعتش و اتجوزت من ع الجزيره 🥸 و دول بقي احفادهم ببساطه 🤷🏻♀️
الفكره بقي ان اللي اتجوز و عاش هناك من المصرين القدامي احفاده حاليا بيتكلموا لغات محليه بألسنة مختلفة زي الألبانية واليونانية والصربية والتركية والمقدونية و طبعا بح الراينكيمي
و يعتبر تاريخ 24 يونيو1990 عقد أول اتحاد للمصريين، واعتبروا اليوم دا يوم دولي لمصرين البلقان. و طبعا قلدهم ناس تانيه و عملوا منظمات و احزاب السياسية، و عندهم حاليا أكثر من 10 منظمات وحزبين اتنين لكن للاسف أكبر مشكلة تواجه الاقليه المصريه في كوسوفو هي البطالة
و دا بناءً على إحصائيات البنك الدولي، إذ تبلغ نسبة البطالة في كوسوفو 40٪ لكن تصل إلى 90٪ بين مصرين البلقان الفكره ان رغم هجرتهم من العصور السحيقه الا انهم معتزين جدا انهم اصحاب اصول مصريه بالمناسبه محمد علي ف مذكرات له كتب انه من مصرين مقدونيا و انا لا اعلم مدي صحه دا لكن
من الامانه اني اقولكم انه اتقال كدا المهم لو حابين تعرفوا اكتر عنهم ممكن تكتبوا مصرين البلقان هاتلاقوا معلومات كتير جدا عنهم #نسرين_العيداروس
جاري تحميل الاقتراحات...