عارف انت لما تقول جملة "هو ازاي عمل كده؟"
هو ازاي واحد عاقل يعمل الذنب ده !؟
كان عقله فين وهو بيعمل كده !؟
وبعد زمن ليس ببعيد تقع انت شخصيا في الذنب ده احساس بشع لمجرد انك تعمل حاجه كنت بتنهي الناس عنها صدق المولى عز وجل حين قال

"أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ ۚ أَفَلَا تَعْقِلُونَ"
فعلا الايه معبره جدا وكفيله تبين اد ايه ان معظم افعلنا وارد جدا يكون فيها نفاق
ودا كله يندرج تحت بند الستر لما حد يعمل معصيه ويتفضح متشمتش لان انت شخصيا ممكن تعملها..

دا اذا كان مبتعملهاش اصلا فبلاش نضحك على نفسنا ونعيش في وهم ان احنا ملايكه ومبنغلطش ولا بنذنب لا عادي جدا وطبيعي جدا انك تغلط وتذنب بس اللي مش عادي انك تتمادى في الذنب والمصيبه الاكبر انك تضحك على نفسك وتفتكر انك مش هتعمل الذنب ده .
صدقني متختبرش نفسك ومتختبرش شهواتك
معبره اوي..

جملة "الحمد لله ان مبادئنا لم تختبر"
لان لو اختبرت هتكتشف ان انت ضعيف واقل من الضعيف .
ف اللهم انا نعوذُ بِكَ ألفَ مرة، أن نقع في ما كُنَّا ننهى النَّاسَ عنه🤲