بمناسبة تعليق سياته على اداء اللجان وكدة.. من شوية كنت بافكر ايه هي انواع اللجان الموجودة؟
١- اللجنة الصريح: اللي هي ايوة انا لجنة وايوة باقول اي كلام وباطبل وباخترع حاجات وهمية
والحقيقة دول بينفعوا قوي مع الناس اللي خايفة وعايزة حد يكدب عليها ويقولها ان كله تمام وهي عارفة انه كداب وموافقة. والناس دي كتير على فكرة
والحقيقة دول بينفعوا قوي مع الناس اللي خايفة وعايزة حد يكدب عليها ويقولها ان كله تمام وهي عارفة انه كداب وموافقة. والناس دي كتير على فكرة
٢- اللجنة الترند: ودول غالبا بيكونوا اشخاص مشهورة او شبه مشهورة بيطلعوا يعملوا حاجة غريبة او يقولوا كلام غريب، فالناس تنشغل بيهم وتتكلم وتنخانق وتنسى حدث كارثي حصل أو هيحصل.. طبعا الأمثلة الشهيرة مدام رانيا ومدام سمية والاستاذ مجانص والسيد قفة والكثير والكثير
٣- اللجنة الحويط: وده شخص بيمثل انه مش مؤيد وساعات يعمل معارض، ويمشي يرمي كلام حلو خنا وهناك ويصاحب معظم الناس على تويتر خصوصا المؤثرين منهم، بس وبعدين يجي في موقف معين كدة يكتب كلام عايم مش تأييد صريح لكن تشكيك في المنطق المعارض.. حبايبنا دول يتفرد لهم كتب ومجلدات
بيتكشفوا من المواقف العايمة دي وبيكشفوا بعض من شبكة العلاقات اللي بينهم.. اللطيف فيهم هو بجاحة الاستمرار بعد كشفهم وطبعا أفة حارتنا النسيان وكدة.
٤- لجنة قول وانا أرد عليك: ودول يقعوا تحت لجنة الترند أحيانا ولجنة الحويط في أحيان أخرى بس اللهب هنا ثنائي، يعني قفة او مجانص يقول فمنتصر أو عيسى يردوا عليه.. وبعدين منتصر يقول، فقفة يرد وهكذا.. والناس بقى تاخد حزب ده شوية وحزب ده شوية وينشغلوا بالسجالات الوهمية التافهة
٥- لجنة خوفهم لا يكونوا نسيوا: ودي بيتربع على عرشها مجانص وبعض الاكاونتات الوهمية بأسامي "اسلامية" عجيبة، ودول طبعا بيطلعوا بآراء دينية شديدة الغرابة والشذوذ، فالناس تخاف يحصل أي فوضى في البلد وأمثال هؤلاء يحكموا ويسيطروا فيتكتموا بقى ويحطوا في بقهم حاجة وما يعترضوش على حاجة.
٦- لجنة الأرقام والحقائق: ودول بيكونوا غالبا متخصصين في مجال بيعنه ويكلمك بالأرقام والمقارنات اللي بتديهم مصداقية عالية، لكن طبعا بيحطوا استنتاجات مغلوطة ومع التدقيق بتطلع الأرقام والحقائق نفسها مغلوطة، بس اللي شاف الكلام وصدق مش شرط يشوف الرد عليه واللي عايز يطمن نفسه هيصدق.
جاري تحميل الاقتراحات...