هل يسمحلى فخامه الرئيس السيسى فى شرح قضيه المعاشات لان واضح ان الناس اللى بيستشيرهم اجبن من ان يخبروه بالحقيقه وبيضللوه وبيقولوا الى عاوز يسمعه مش الحقيقة
اولا يا ريس قرار الحكومه ايام مبارك فى سحب 400 مليار جنيه من اموال المعاشات وضخهم فى بنك الاستثمار القومى مكنش غلط ولا حاجه
اولا يا ريس قرار الحكومه ايام مبارك فى سحب 400 مليار جنيه من اموال المعاشات وضخهم فى بنك الاستثمار القومى مكنش غلط ولا حاجه
بالغكس ومعاليك رديتبنفسك على الى بيقول الحكومه سرقتهمايام مباركلانهم مش اتسرقوا بل الحكومه اخذته للاستثمار فى مشاريع حكوميه ستثماريه كان ممكن تستلفهم من اى بنك خارجى بالدولار ساعتها زى ما معاليك بتعمل الان وقطعا كانت راح تكون مجبره تردهم بالفوائد فالفكره كانت وليه نستلف من بره ؟
ما نستلف من وزاره التضامن وبفايده اكبر من فوائد البنوك المحليه ونشتغل بيهم ويبقوا دين على الموازنه ونسددهم بالفوائد للناس على فترات واستخدم جزء فيهم فعلا فى البورصه واشتروا اسهم فى شركات كبيره والسهم ايامها كان ب10 جنيه الان وصل ثمنه ل100 جنيه واكثر يبقى معاليك الحكومه ملزمه ترجع
ترجع فلوس اصحاب المعاشات مضروبه فى 10 لو حسبنا التعويم والتضخم الى حصل من سنه ما الحكومه اخدتهم زائد الارباح يبقى ال400 مليار دول الى معاليك اخذت قرار تردهم للوزارة واعلنت ده على الهواء لانك عارف انهم موجودين فين وكسبوا كام بس معاليك حبيت تردهم 400 مليار زى ما هما وكده الحسبه غلط
لا معاليك والحكومه ملزمين تردوهم مضروبين فى 10 يعنى 400 مليار فى 10 يساوى 4 ترليون جنيه ؟ بس كده والوزاره بقى تحط ال4 ترليون دول فى البنك بفايده 14 فى المائه بس يا ريت الوزاره تحطهم بالدولار علشان التضخم ما يكلهمش وتدفع معاشات زى الناس لاصحابها واحنا متشكرين جدا للحكومه
وبعدين يا ريس فخامتك اكيد عارف ان فلوس اصحاب المعاشات دى ملكيه خاصه مش عامه والدوله امينه عليهم وفيه وزير وطقم مستشارين بيقبضوا فلوس بالهبل علشان يستثمروا الفلوس دى ويكبروها ويحافظوا عليها من التضخم فمينفعش يحطوها فى البنوك وينتظروا فوائد وهما عارفين كمان ان هناك قرارات بالتعويم
ومش ذنب اصحاب المعاشات انهم مامنين الحكومه على فلوسهم وماينفعش نقول شغلانها وخسرت والا كده الحكومه تكون بتشتغل شغل المستريحين؟ يعنى مثلا انا لو وزيرالتضامن اخذ المليارات دى وابنى عمارات ازرع ارض فى الصحراء ادخل شريك مع مطورين عقاريين فى الاداريه بنصفها على الاقل ابقى ضمنت حمايتها
ووزير التضامن السابق جوده عبد الخالق الى معاليك رديت عليه علشان قال ما ينفعش ازود اصحاب المعاشات 7 فى المائه والتضخم السنوى 15 فى المائه عارف كويس الكلام الى انا بقوله ده وعارف ان فلوس المعاشات دين على الموازنه العامه لانها اموال خاصه اى حكومه ملزمه تردهم وبالارباح وبحساب التضخم
طبعا ان اسف انى رديت على فخامتك وعارف ان ردى مش راح يعجبك بس الامانه اقتضت انى اشرحلك الامر وفخامتك قلت فى قضيه تيران انك ما بتاخدش حاجه من بتاعتك ورديتهم للسعوديه فطبعا نتمنى ترد كمان فلوس المعاشات لاصحابها بما يرضى الله ونبطل نعاير كبار المواطنين بملاليم بيقبضوها علشان العلاج
جاري تحميل الاقتراحات...