رتبها

🟣قدمت على وظيفة وما انقبلت وقدمت على الثانية والثالثة وشروطهم صعبة ومبالغ فيها ..
لا تتحطم بعطيك أقصر طريقة كيف ممكن تصنع لنفسك مصدر دخل بشكل ذاتي🚩ومجاني وبدون ما تحتاج لشهادة او تخصص معين ..
الثريد سرد لتجربة شخصية يمكن تلهمك أو تساعدك ✨..

خلي في بالك، كل الناس مرت بظروف .. أي شخص مهما تشوفه ناجح لازم مر بمرحلة بحياته صعبة، وكان يعتقد انها مارح تنتهي ولكن بالفعل انتهت وتجاوزها وصارت ذكريات، وهاذي الحياة مهما تشتد لازم تنفرج ..
بسرد لك طريقة أو خطوات انا رتبتها بمثابة تجربة يمكن تفيدك أو تساعدك ..

قبل لا نبدا انا قبل 5 سنوات كنت شخص عاطل كنت اشتغل اي شي بمرسول وغيرها واقدم على وظايف وما انقبل ..
ثم بعدها تعلمت مهارة تعلم ذاتي وبدورات اون لاين واحترفتها وأثبت نفسي اني اعرف وفاهم في السوشل ميديا وجاتني عروض وظيفية كثيرة على مستوى الخليج بسبب المهارة اللي تعلمتها ..

أولاً :
كل شخص عنده موهبة ومميزات لكن المشكلة في ناس اكتشتفت موهبتها واستغلتها وفي ناس ما ساعدتها
الظروف انها تكتشف مواهبها ..
لذلك أول شي تسويه الان حط في عقلك أنه لازم تسوي شي لنفسك لازم تتعلم شي لازم تشوف مهارة
تتخصص فيها وتتعلمها بشكل صحيح ( تحفيز للعقل ) ..

ثانياً:
ابدا فكر ايش الشي اللي تحبه وودك تسويه من زمان ..
ادخل تويتر شوف الناس اللي شغالة بشكل حر وتابعهم شوف ايش بيسوو يمكن في شي انت تحبه يصير تتعلمه زيهم وتسويه بطريقتك، والسوق يستوعب الكل محد يقول ذا زحمة المجال او شي، الرزق مكتوب محد بياكل رزق أحد ..

ثالثاً:
اختار شي تشوف انه تحبه بعطيك امثلة مختصرة وبعدين انت ابحث بشكل فردي لان لازم تتعلم مهارة البحث من الان
( التصميم، الكتابة، إدارة حسابات المتاجر والشركات، التصوير، صناعة المحتوى، التسويق، التجارة الالكترونية، إدارة الأعمال،.. )
وغيرها كثيرة مرة ..

رابعاً:
بعد ما اخترت شي تتعلمه تبدا تبحث عنه في اليوتيوب وفي المواقع بتحصل ناس كثيرة تعلمك كيف تدخل المجال ( رح تستغرب، تقول هما ليش يعلمو الناس مجاناً ،مو مجاني هم يكسبون مشاهادات وهاذي تجيب لهم فلوس فهم يضربون عصفورين بحجر )

طيب تبدا تتعلم وتثقف نفسك وتبحث وتتابع ناس بنفس المجال بتويتر وبكل منصة سوشال ميديا تستخدمها وتسأل برضه اللي عندهم حسابات، حالياً كل الناس تحب تساعد وتقدم،لان معروف أي خير نسويه بيرجع لنا أضعاف ..

خامساً:
بعد ما تتعلم وتتثف بشكل تحس انه صرت ملم بالموضوع،كذا تصير تعلمت الأساسيات بس ناقصتك الخبرة،وأنت اذا وصلت للمرحلة هاذي خلاص نفسيتك بتتغير ورح تحب الشي ذا ورح تطوره ورح تبتكر ..

وفي نقطة حطها في بالك اي شي تتعلمه وتحترفه وتصير خبرتك فيه اكثر من 5 سنوات تقدر تقدم دورات مسجلة على النشاط وبتحصل في ناس تبغا تتعلم خبرتك وتشوفك قدوة وهاذي فيها فلوس كثيرة ..

سادساً :
طبعاً لازم تكون عند حسابات شخصية او بإسم حركي وتكون بديت فيها تعرف بنفسك وتثف الناس وتبين للناس انك تقدم ذا الشي وانت فاهم فيه، وغيره من الحركات التسويقية .. وبكذا تبدا تصنع خبرتك ..

في البداية رح تكون تقدم خدماتك بسعر رمزي الين ما تثبت انك فاهم وتكسب عملاء، بعدها ترفع سعرك لانك صرت خبير وبرضه اذا كان المردود عليهم بيعوضهم اللي بيدفعونه ..
وبس انت كذا دخلت طريق مستقيم وواضح ورح تبدا تتطور بشكل تلقائي.. وبتلاحظ بتجيك فرص مرررة كبيرة وصفقات مع تجار ..

اخيراً:
حاولت اختصر واختصاري ما يدل على السهولة، فيها تعب لكن تعب ممتع لانك بتصنع نفسك ..
وحط ببالك مافي شي مستحيل مهما تشوفه صعب حط في بالك الجبل من الحصى الصغيرة انت اذا كل يوم تحط حصى فوق بعض بعد سنة تحصله جبل والناس تقول اوف كيف ذا الجبل شوف شكبره وهو كله حصى ..

فأنت تقدر بخطوات مستمرة بشكل يومي تصنع جبال مو جبل .. لكن لازم تقتنع ان كل شي سهل ويصير بس لازم الاستمرار الاستمرار الاستمرار، واذا تتعب ارتاح وبعدين ارجع كل الناجحين كذا اذا تعب يرتاح وبكرة يكمل ..

في النهاية بقولك هاذي تجربة شخصية وبإذن الله تقدر تطبقها على نفسك طالما في احد غيرك قدر يطبقها ..
وبرضه في ناس تقدم خبراتها في المجال المتخصصين فيه اذا وضعك يسمح تاخذ دورة عن أي شخص تشوفه ناجح وبكذا تختصر على نفسك خطوة كبيرة ..

بعطيك أكثر حسابات ساعدتني في الفترة الاخيرة وتعلمت منهم الكثير .. تقدر تسألهم وما يقصرون ابد يساعدون اي احد ..
@iFrhan
@iBsnsa
@ali1_balawi
@I_Alhudaithy
@iHamadFahad7
@EcoOneE
@fatemahbusiness
وغيرهم الكثير والله ..

المزيد من هذا الكاتب

مواضيع ذات صلة

الأكثر اعجابا

المزيد من هذا الكاتب

مواضيع ذات صلة

الأكثر اعجابا

فك الثريد