المكان:الضاحية الجنوبية/ مركز لمساعدة المرضى
٧-٩-٢٠٢٢
حاجة جاي تقدم طلب مساعدة لزوجها عنده عملية خطيرة كلفتها ٥٥٠٠ $ بيسألها اللي عم يعبي الطلب قديش معكم من المبلغ ، طلعت كيس صغير فيه ذهب، وقالت له: هول الذهب كل اللي منملكه انا وبناتي بيطلع حقهم ٢٠٠٠ دولار بيبقى ناقصنا ٣٥٠٠ $👇

قال لها الاخ تفضلي رتاحي لنعمل الطلب
نفس المكتب عند نفس الاخ بنفس الوقت بيوصل الدور لاخت عندها عملية
تفضلي يا اختي شو عندك؟
عندي عملية نسائية كلفتها ١٥ مليون
قديش معك منهم؟
ولا الف.
ايمتى الدخول؟ اليوم لازم ادخل
قال لها الاخ نحن بدنا يومين اقل شي لندرس الطلب وتجي الموافقة👇

ما فينا نوافق بنفس الساعة
هون تدخلت الحاجة اللي جاي تقدم طلب لزوجها، شالت من الكيس قطعتين ذهب واعطتهم للاخت المريضة وقالت لها روحي بيعي هول وادفعي المبلغ المطلوب وبس تجي الموافقة بترديهم اذا قدرتي
وانا مسامحتك اذا رديتيهم او لا .
الموجودين استغربو انو الحاجة زوجها بحالة خطرة👇

والمبلغ عندها ناقص كتير بتقوم بتدفع منهم لتعالج امرأة مريضة..
نعم بكينا جميعاً من هذا الموقف الرائع المشرّف
من شجاعة هذه الام ام المجاهدين وام الابطال وامنا جميعا..
قالت وهي مبتسمة الله سخّرني لساعدها وعندي كل الثقة انو ربنا ما بيتركني ولا بيترك حدا..مش هو بيقول انه 👇

اقرب الينا من حبل الوريد؟
مع ضحكة عريضة وعطاء من كل القلب..
هذه البيئة وهذا الفكر وهذه الطيبة هي التي انتصرت على اعدائنا قبل ان ننتصر بالمواجهات..
فعلا اشرف الناس