لمن يهمه الأمر 😊
هتفضل منتظر يوم القيامه ليه؟
عشان يحصل ويحصل وتتفرج ويعدوا حسناتك وتتخض من سيئاتك .. ماتقوم دلوقتي وتخلص .. عارف الحركه الي بيعملها الدب لما بيخرج من الميه عشان ينفض الميه من على جسمه .. هي كده 👌
هتفضل منتظر يوم القيامه ليه؟
عشان يحصل ويحصل وتتفرج ويعدوا حسناتك وتتخض من سيئاتك .. ماتقوم دلوقتي وتخلص .. عارف الحركه الي بيعملها الدب لما بيخرج من الميه عشان ينفض الميه من على جسمه .. هي كده 👌
لو نوينا نقوم أو حتى نوينا نحاول نقوم دلوقتي هتقع حاجات كتير من على كتافنا .. ناس كتير حصل معاها كده صدقني .. والوهم بيقع من على كتافهم .. يمكن مش كله بيقع آه ، بس الخفه حلوه قوي برضه مفيش كلام .. وتستاهل
متفضلش منتظر .. هتشوف ايه في الجنه ولا هيحصلك ايه في النار .. ده وزن تقيل محدش أمرك تحطه على كتافك .. انت الي حاطه بنفسك .. ويخليك قرفان من نفسك وحالك ومتشتت لأنك باصص على حاجه مش هنا ، وعمرها ما هتيجي عشان انت دلوقتي ..
يا صديقي .. هل تعتقد أن "إِنَّا لِلّهِ وَإِنَّـا إِلَيْهِ رَاجِعونَ" دي ساعة الموت والقيامه بس .. دي أولها "إنا لله"..يعني محدش لا راح ولا جه .. لولا بس شوية الحُجب اللي مخليانا نشوف اننا لسه هنروح .. ماحنا رايحين في كل لحظه ..
إفتكر الدب وهو بينفض نفسه .. قوم اعمل كده لو تقدر .. وقّع من على كتافك الناس والكلام والحوارات وتحليلات الماتشات والمنافسات والنظريات وشكلك وحتى عِلمك وعَمَلك ولونك وسنك وأشياءك اللي مكلبش فيهم دول .. وقوم .. متستناش حاجه .. مفيش حاجه ..
حد هيقولي يعني بتقول مفيش حساب وبعث وجنه ونار .. هقولك هتشوف اللي انت عاوز تشوفه طول مانت باصص عليا أنا وسايب المعنى .. واستناني انا مش جاي 😄
#إكسر_الحلزونات وإعمل زي الدِبه وهي خارجه م الميه
#إتنفسوا
#لا_تسألني_من_أنا
#إكسر_الحلزونات وإعمل زي الدِبه وهي خارجه م الميه
#إتنفسوا
#لا_تسألني_من_أنا
جاري تحميل الاقتراحات...