قبل كم سنه كنت في اوبر وجاني طلب الساعة ١٢ الليل في عزز البرد يوم رحت لقيت وحده معها بنت صغيرة دقت تتاكد اني راعي السيارة وركبت وكانت خاايفه وترجف توقعت انها بردانه المهم مشيت ورحت على اللوكيشن شوي ويدق جوالها وكان الوضع هدووء وصوت اللي يكلمها عالي فكنت اقدر اسمع ان اللي يكلمها..

جالس يهاوشها ويبغى منها تجيب شي وهي متوتتره وفي نفس الوقت مستحية مني عاد قفلت وقالت لو سمحت اخوي ممكن توقف عند مطعم بروست قلت ابشري فقالت ممكن تنزل تطلب .. عاد كنت محزن عليها المهم نزلت اطلب يوم رجعت لقيتها تبكي وضامه بنتها قلت عسا خير ان شاء الله قالت لا مافيه شي ..

عاد حسيت شكلي غلط وانا اسأل وحده ما اعرفها ، المهم رحت للوكيشن وكانت مستعجله وخايفه في نفس الوقت قالت كم حسابك قلت ٢٥ عطتني ٥٠٠ قالت اصرفها وبعدين اتصل عليك اخذ الباقي
انا انصدمت وش هالثقة اللي خلتها تضمن اني ما اسرقها..

عاد نزلتها ومشيت وجلست تدق علي بعدها يوم كامل لكن معاد رديت وال ٥٠٠ للحين معي
حبيت اعطيها درس في الحياة