رتبها

النهاردة الساعة 8 بليل وكالة #ناسا هتتطلق رحلة #آرتيمس 1 وهو البرنامج اللي بتعمله ناسا عشان ترجع الإنسان للقمر من تاني ..
ليه امريكا عايز ترجع القمر بعد نصف قرن من رحلة ابولو 11 ؟ وايه علاقة ده بالصين ..
#ثريد عن الحدث اللي مستنيه العالم النهاردة وشويه معلومات عنه وعن القمر

اسم آرتيمس أسم ملكة يونانية قديمة ابنة ملك الآلهة زيوس والملكة ليتو، لكن المهم انها الأخت التوأم للملك والاله أبولو- اسم رحلات امريكا للقمر في القرن 20 -
ابولو اسم ملك واله المستعمرين و آرتيمس هي ملكه و إلهة الصيد والبرية، وحامية الأطفال

اختيار الاسم مش بس لأنها الأخت التوأم لأبولو لكنه اسم سيدة،الرحلة دي هيبرز فيها عنصر النساء . لانهم 30% من القوة العاملة في غرفه اطلاق الرحلة ، بعد ما كان عددهم ست واحدة بس في مهمة "أبولو 11". واللي هتدي الاشارة أول مديرة لعمليات الإطلاق في وكالة "ناسا"، تشارلي بلاكويل تومسون

الرحلة دي هي آرتيمس 1 في حال نجاحها هيبقي فيه رحلة "أرتيميس 2"ودي هيبقي فيها رواد فضاء 2024 هتسافر للقمر بس من غير ما تهبط علي سطحه. وأول هبوط لمهمة مأهولة سيحصل لطاقم "أرتيميس 3" في 2025 وفق المخطط. وتسعى "ناسا" إلى إطلاق مهمة واحدة سنوياً بعدها.

مهمة Artemis I هيقوم بيها الصاروخ SLS وده اختصار Space Launch System ومعناه "نظام الإطلاق الفضائي" فكرته ابتدت 2012 وقتها تم حساب تكلفته انها ممكن توصل 6 مليار دولار، و كل رحلة للصاروخ تتكلف مبلغ 500 مليون دولار. لكن الصاروخ وصلت تكلفته لأكثر من 20 مليار دولار

ومش بس تكلفته اللي حصلها تضخم لكن تكلفه الاطلاق كل مره زادت من ٥٠٠ مليون دولار ل ٤ مليار دولار في كل مرة وقال المفتش العام لناسا:" أرتميس اتكلف 40 مليار دولار لحد دلوقتي ،وناسا تتوقع انه هيوصل تكلفته 93 مليار دولار لحد نزول الإنسان مره تانيه علي القمر .

صاروخ SLS:
يصل ارتفاعه ناطحة سحاب بارتفاع 322 قدماً = ١٠٠ متر ، وزنه 2850طن وينتج ما يصل إلى 4 مليون كيلو جرام من قوة الدفع وده اقوي بـ 15% من صواريخ Saturn V اللي ودت الانسان للقمر في القرن 20 أربع محركات RS-25 تعمل بالوقود السائل، بالإضافة إلى زوج من معززات الصواريخ الصلبة

مقارانات بين طول صاروخ SLS وتمثال الحرية وبين قوة الدفع بين وبين صاروخ رحلات ابولو وبيحتوي علي ايه

الكبسولة أوريون:
صاروخSLSدوره انه يحمل الكبسولة أوريون مكان جلوس رواد الفضاء اللي هيروحوا القمر
أوريون كلمة ف الأساطير اليونانية وترمزلصياد عملاق وضعه الإله زيوس بين النجوم.في العربي بتتسمي كوكبة الجباروهي أشهر الكوكبات واللي بيتقال ان اهرامات الجيزة مترتبه بنفس ترتيب حزام الجبار

كبسولة أوريون هتشيل 4 رواد فضاء في مهام تصل مدتها إلى 21 يوماً مصممة لتحمل الظروف القاسية للطيران في الفضاء السحيق.
وبعد الإطلاق، يتم تزويد أوريون بالوقود والدفع بواسطة وحدة الخدمة الأوروبية، التي بنتها وكالة الفضاء الأوروبية وإيرباص.

في رحلة النهاردة هيكون جواها بدل رواد الفضاء ا دمية تسمى (Moonikin Campos) مثبتة في مقعد القائد مرتدية بدلة ناسا الجديدة عشان تسجل التسارع والاهتزازات اللي بتحصل وهيتم وضع دميتين أخريين بالداخل، هما ( هيلجا - زوهار). وتم تصنيعهم من مواد تحاكي العظام و الأعضاء البشرية

ترتدي هيلجا سترة إشعاعية، لكن الدميه الاخري زوهار مش هتلبس السترة الاشعاعية دي عشان ال Sensors تقدر تقيم مستويات الإشعاع في الفضاء البعيد عن الارض جدا ،لان مستوي الإشعاع هناك أعلى بكتير، ولتقييم الحماية اللازمة لرواد الفضاء

اوريون هتشيل كمان ١٠ اقمار صناعية لاغراض بحثية وغيرها (CubeSat) وهي اقمار صناعية صغيرة الحجم حوالي ده علبة كان البيبسي جاكوب بليشر، رئيس خدمة الاستكشاف البشري في وكالة ناسا، أن هذه "المركبات الفضائية الصغيرة" ستنفذ "مهمتها العلمية الخاصة". ما نوع الصخور أو الجليد الموجود؟

وفيه منهم قمر صناعي هيقوم بالهبوط على سطح القمر لفهم وتحليل البيئة والطقس، بالإضافة إلى اختبار أنظمة الدفع.

الإطلاق:
هتم محاولة الاطلاق النهاردة الساعة 8بتوقيت القاهرة من مركزكينيدي للفضاء ف فلوريدا،لو تم الاطلاق بنجاح بعد دقيقتين أجهزة الدفع هتسيب الصاروخ وتقع في المحيط الأطلسي.وبعد8دقائق هتنفصل الطبقة الرئيسية وبعدحوالى ساعة ونص طبقة الدفع الأخيرة هتقوم بوضع الكبسولة في طريقها للقمر

الرحلة للقمر هتاخد عدة أيام حسب ظروف الرحلة نفسها
والمهمة هي في الاساس هدفها اختبار الدرع الحرارية للكبسولة وهو الأكبر على الإطلاق (قطره 5 أمتار)، واللي هترجع للغلاف الجوي للأرض بسرعة 40 ألف كيلومتر في الساعة، ودرجة حرارة توازي نصف حرارة الشمس 2800 درجة

سيتم إبطاء المركبة الفضائية إلى 480 كم/ ساعة بواسطة الغلاف الجوي، ثم 32 كم/ ساعة بواسطة سلسلة من المظلات، حتى تهبط قبالة مدينة سان دييغو في كاليفورنيا..

رحلة آرتيمس 1 غير ان ليها اهداف علمية زي جمع معلومات عن بيولوجيا الفضاء من خلال نقل البذور والفطر والخميرة والطحالب على متن السفينة، وسيتم تحليلها عند عودتها، لتحديد مدى حدوث الإشعاع عليها كل حاجه في سلسلة الرحلات دي مختلف حتي بدل الفضاء

بدلات الفضاء المستخدمة خلال مهمات أبولو كانت غير مرنه تقريبا خالص
وقال رائد فضاء ناسا، مايك فينك: "عندما سار رواد فضاء أبولو على القمر، لم يتمكنوا من الانحناء والتقاط صخرة.. كان يجب أن يكون لديهم أداة خاصة صغيرة للإمساك بها". قال ريتشارد رودس، نائب رئيس تطوير ملابس الضغط XEMU

ناسااستثمرت أكثر من300 مليون$ في تطوير بدلة الفضاء xEMU. ويذكر أن الفريق قد اختبر عشرات المكونات وقيّم مزايا وعيوب كل خيار.
وقال إن التحدي الأكبر الذي يواجه بدلات Artemisهوالتأكد أنها مناسبة لاستكشاف القمر. البدلة بتتكون من الآلاف من الأجزاء بيتم الحصول عليها م جميع أنحاء امريكا

وأضاف أن بناء بعض الأجزاء قد يستغرق ما يصل إلى عام، لكن ناسا تعمل على تقصير هذه المدة الزمنية.العلماء في "ناسا" عملوا على تطوير بدلتين، واحدة للسير على القمر بيضاء ومقلّمة بالأزرق والأحمر أطلق عليها اسم "كزيمو"

وأخرى للرحلة من الأرض إلى القمر خفيفة اكتر ولونها برتقالي اسمها "أورايون كرو سورفايفل سوت".

#البرمجة بين رحلات ابوللو ورحلات آرتيمس :
من ناحيه الهاردوير الكمبيوتر علي ابولو كانت المعالجه الخاصه به اقل من سرعه جهازك الكمبيوتر المحمول او موبيلك الذكى بكتير اوي ولوحه المفاتيح وكانت تسمى فى الكود بكلمه ال DSKEY اى الشاشه ولوحه المفاتيح
svtsim.com

svtsim.com

من ناحيه الكود ونظرا لانه كان شئ جديد على الجميع فلم يكن لدى ناسا فريق لعمل الكود فاستعانت بمهندسين من ال MIT وهم من قاموا بعمل الكود بالكامل بقيادة سيدة اصبحت مشهور بصورتها وهى بجوار الكود وهو مطبوع
وهى مارغريت هاميلتون
الكود مكتوب بالكامل بلغه ال Assembly

الكود منقسم الى جزئيين وجزء الخاص بمركبه القياده Comanche055 وهذا الجزء هو الذى يستخدمه الملاحيين فى الذهاب والعودة من القمر والجزء الاخر وهو الجزء الخاص بالمركبهLuminary099 التى سوف تهبط على القمر وهى لن ترجع الى الارض مره اخرى
لذك يعتبر هناك اتنين كمبيوتر منفصيل لكل مركبه

الكود كان مطبوع وتم الاحتفاظ به فى ال MIT وتم تصويره وقام متطوعين بكتابته مره اخرى وقاموا بنشره اخيرا على GitHub واصبح متاح للجميع وهو مجهود كبير
github.com

github.com

لغة البرمجة المستخدمه في آرتيمس او رحلات ناسا مؤخرا مفيش مصدر رسمي اتكلم عنها لكن علي موقع ريدت شخص اتوصف انه شغال في ناسا ان لغة البرمجة المستخدمة هي في الاساس JAVA و ++C وبعض من لغة البايثون

معلومة جانبية "بوينج" هي المصنعة لصاروخ SLS لرحلات آرتيمس اما الكبسولة اوريون اللي صنعها "لوكهيد مارتن"

آرتيمس والصين :
المنافسة بين امريكا والاتحاد السوفيتي تعتبر اهم الأسباب في رحلة ابوللو 11 بعد رائد الفضاء الروسي جاجارين اصبح اول انسان يسافر في الفضاء حول الارض 1961 فوضعت امريكا هدف لنفسها بوضع انسان علي القمر وتحقق عام 1969 معلنة بشكل كبير فوز امريكا بالسباق الفضائي

في القرن الجديد ظهرت الصين كقوي عظمي واعلنت الصين نجاح المسبار القمري "تشانغ آه-4"في الهبوط علي الجانب المظلم للقمر 2019 ووجود اخبار عن نية الصين عن نيتها لهبوط اول صيني علي القمر رجع السباق الفضائي مره تانيه ولاثبات الهيمنة أمريكا قررت تعيد رحلة ابوللو

لدرجة ان رئيس ناسا بيل نيلسون: "نريد أن نذهب إلى القطب الجنوبي (للقمر)، حيث توجد الموارد"،خاصه المياه المجمدة وقال كمان : لا نريد أن تذهب الصين إلى هناك وتقول هذه أرضنا"!!

وعن محاولة الاطلاق النهاردة بيوصف مايك سارافين المسؤول في "ناسا" "ليس هناك ما يضمن أننا سننجح في عملية الإطلاق ، لكننا سنحاول".
وبيوضح كمان ي ان أرتيميس نحتاجها لهبوط أول امرأة والرجل الثاني على سطح القمر بحلول 2025 و تأسيس "أول وجود طويل الأمد على سطح القمر"

"سنستخدم ما نتعلمه على القمر وحوله لاتخاذ الخطوة العملاقة التالية، المتمثلة في إرسال رواد الفضاء الأوائل إلى المريخ".

ناسا قامت بنشر العد التنازلي للإطلاق

تم لحد الآن ملئ خزان الأكسجين بنسبة 40% وبدأ الملء اليدوي للهيدروجين السائل ويتم تبريده لدرجة -252 تحت الصفر

صورة من نصف ساعة من موقع الإطلاق

توقع لتأخر مدته ساعتين

ناسا منزله صورة لصاروخ SLS تتعمل خلفيات للموبايل

#Artemis

تحديث :
المهندسين مكملين في اختباراتهم الأخيرة وبيستكشفوا اخطاء نظام الفصل السريع اللي بيربط النظام الأرضي بالصاروخ وبيصلحوا الأخطاء دي وفي نفس الوقت تم ملء نظام الأكسجين السائل بنسبة 99% !

بيتم حاليا استكمال ملء الهيدروچين السائل بشكل يدوي وبمعدل بطئ

حالاً : حدوث تسرب اثناء محاولة نقل الوقود للصاروخ ومنجحتش محاولات الإصلاح لحد دلوقتي !

رسمياً تم تأجيل إطلاق الصاروخ SLS مرة ثانية للأسف ليوم 6 سبتمبر

التصريح الرسمي.

لحدموعد محاولة الاطلاق القادمة هتكلم عن #القمر وحقيقة هبوط الإنسان عليه والرد ع التشكيك الخاص بالموضوع ده وهنبتديه من #فيلم #عسل_اسود في مشهد بين
@ahelmy
وحماصه
-هي أمريكا مش طلعت القمر يامصري صح يا مصري؟
طيب ازاي العلم كان بيرفرف مع انهم قالولنا في المدرسة ان القمر مفيهوش هوا

هل العلم فعلا بيرفرف ؟ الرد :
الساري اللي تركب عليه العلم لما كان بيتغرز علي سطح القمر كان قماش العلم نفسه بيتحرك بسبب محاولات التثبيت واهتزاز الساري نفسه وبيتشد بشكل عرضي لعدم وجود جاذبية تقوم بشد قماش العلم لأسفل وحسب ” رالف باومان“
ده الفيديو الحقيقي لغرز العلم :

من المركز الألماني لأبحاث الطيران والفضاء ولعدم وجود هوا علي سطح القمر
” فرفرفه العلم“ الناتج عن الاهتزاز ثبت علي الشكل ده وبالتالي الناس افتكرت ان دي غلطه اخراجيه
طيب هل تعرف شكل العلم الأمريكي دلوقتي عامل ازاي؟؟

العلم الأمريكي ده المتكون من الالوان الاحمر والأزرق اتحول كله للون الابيض بسبب الاشعه فوق بنفسجية اللي جايه من الشمس

تاني تشكيك: ازاي قفزات رواد الفضاء علي القمر مكنتش كبيره والمفروض توصل لمتر في كل قفزة ؟ لازم نعرف ان رواد الفضاء عشان يمشوا علي القمر مش بيمشوا زي خطوات الانسان علي الأرض ولكن هما بيقفزوا قفزات بين مكان للتاني وده عشان ان الجاذبيه علي القمر ضعيفة وهي قد سدس جاذبية الأرض

ولما نعرف ان وزن البدله اللي بيلبسها رواد الفضاء حوالي ٨٥ كيلو فنقدر نفهم ليه المشي علي القمر والقفزمكنش لارتفاع كبير وانهم بيمشوا ويتحركوا بدون حريه كبيره
وفوق ده كله مكنش المهم ابدا ارتفاع القفزات بشكل محدد ولكن كمان ان رواد الفضاء تعمدوا يقفزوا صغيرة عشان امور تتعلق بالسلامة

تالت تشكيك ليه في خلفيات الصور وفيديو الهبوط علي القمر مكنش باين النجوم اللي بنشوفها في السما؟ النجوم مبتظهرش في الصور التي نشرها رواد الفضاء عشان الرحله نفسها كانت بالنهار ” نهار القمر ” .وبيستمر نهار القمر لمده اسبوعين من ايام الارض وبسبب التباين بين سطح القمر في النهار

والظلام في خلفية الصور كان اقوي من انه يبين اي نقط مضيئة واللي هي النجوم .

رابع تشكيك ليه زوايا الضل في الصور علي القمر مش مناسبه ؟
اللي بيشككوا بيقولوا ان زوايا الضل في الصور بتوضح ان فيه اكتر من مصدر للضوء وده دليل ان الصور دي تمت في استديوهات وعشان كان كده فيه اكتر من ضل وفي كذا زاوية . وده وضحه مال فإنّ السبب في ده هو ان المطبات الموجودة على

سطح القمر كتيرة وباحجام مختلفة وده بيخلي شكل الضل مشوه اوقات اطول واوقات اقصر.

خامس تشكيكك ليه مركبه الوصول للقمر عند هبوطها معملتش اي آثر او حفر ؟ رالف باومان وضح ان مكان الهبوط علي القمر ليست رأسية ، بل المركبه هبطت علي القمر من الجانب. كمان محركات المركبة نفسها معندهاش القوة التي تخليها قادرة على إحراق حفرة في الصخر الصلب للقمر.

كما أن رواد الفضاء في رحلات أبولو 11، و 14، و15 إلى القمر (3 من 6 رحلات)، حطوا مرايات عاكسة على السطح، فممكن اللي فاكر ان الموضوع مؤامرة أمريكية أن يجرب بنفسه باستخدام ادوات معينه ، كل اللي عليه هو أن يسقط ضوء ليزر على المرايات دي وهيستقبل انعكاس الضوء للأرض مرة أخرى

وفوق كل ده في ان اللي اشتغل في مشروع الهبوط علي القمر يقدروا بالآلاف من العلماء والمهندسين والعمال في البعثات الفضائية ال ٦، ”ومتهيالي أنه صعب جدا ان الواحد يتكتم على عمليات التزييف على دي لسنين كتير
وكل ده بيجي ضمن حملة تشكيك في في العلم خصوصا علم الفضاء وانتشار نظريات المؤامرة

وان ناسا مخبيه علينا الحقائق ولحد دلوقتي محدش بيجاوب علي سؤال مهم هي ليه هتعمل ده ؟! وهتستفاد بايه لما تقول ان هي وصلت القمر او ان الارض مسطحه
!؟

وبالمناسبة مراصد العالم اثناء رصدها لظاهرة خسوف القمر صورت ظل كوكب الأرض علي القمر وكان دائرياً وحتي هنا في مصر قام مرصد حلوان @NRIAG برصد اخر خسوف للقمر ويظهر فيه دائرية الأرض علي القمر

لايف من ناسا لمحاولة اطلاق صاروخ آرتيميس للقمر اليوم في محاولة جديدة مع بعض الاختبارات النهائية

اطلاق الصاروخ بنجاح أخيرا.

8.8 مليون رطل من الدفع.
أربعة محركات رئيسية من طراز RS-25 واثنان من معززات الصواريخ الصلبة تعمل على تشغيل صاروخ نظام الإطلاق الفضائي الافتتاحي لوكالة ناسا من مركز كينيدي للفضاء في فلوريدا هذا الصباح باستخدام Orion for Artemis I

في اليوم الثالث من مهمة #Artemis I وبعد منتصف الطريق إلى القمر ،
مع مناوره للالواح الشمسية.
استخدم مراقبو الطيران الكاميرات لفحصه

المركبة الفضائية بتصور نفسها صور سيلفي
مهمة #Artemis I ناقصلها يومين عشان توصل للقمر:

مدير وكالة ناسا: سوف يتم الإعلان يوم 3 أبريل عن 4 أسماء لرواد الفضاء للمهمة أرتيميس 3 لتعود ناسا بواسطتهم الي القمر مُهمة العودة الى القمر.
3 رواد فضاء من أميركا والأخير من كندا.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد