ثريد على السريع 🫡
أعزائي المبدعين/ت
يظهر في الآونة الأخيرة بعض الوكالات التي تستغل المصممين وتوظفهم برواتب مرتفعة نوعا ما ويرجع سبب هذه الرواتب الى ان الوكالة يكون عندها ضغط اعمال .. لكن مجرد أن ينتهي الضغط تبدأ الوكالة بافتعال المشاكل ومحاولة استفزاز الموظف لتقديم استقالته.

وبهذا تكون الوكالة وظفت شخص انجز جميع اعمالها وتكون رواتبه على ارتفاعها ما تعدت ال ٢٠٪ من تكاليف المشروع وهو امر مريح جدا للوكالة وانخفاض مستوى الذمة عندهم وهو امر وارد عند كثير من الوكالات 🤭 طيب كيف تعرفون هالعينات من قبل لا تشتغلون معهم؟؟

١- يقولك فترة تجربة ٣ أشهر على الرغم انه يدري انك محترف.
٢- يحاول يضغطك بفترة التجربة علشان يحاول يخلص المشاريع .
٣- يدلعك بهالفترة دلع لدرجة تحس آنك سلطان بروناي.
٤- ما يعطيك عقد عمل واضح ويعطيك عرض وظيفي فقط موضح فيه انهم بالحاجة لك وانك اخر حبة.

٥- ما يخليك تقابل العميل ويكتفي باعطائك بريف علشان العميل ما ياخذك من عنده.
٦- تكون طلباتك أوامر خلال هالفترة لدرجة انك ممكن تشتغل دبل ساعاتك الفعلية.
كلموني كثير على نفس المشكلة للأسف 🥲 وكيف الحل ووش السواة ؟

طريقة تجنب الزواحف 🤓
١- اطلب عقد سنوي واضح وقبل لا توقع اعرضه على محامي.
٢- التزم بساعاتك الفعلية فقط اللي حددها مكتب العمل وانتبه تسوي فيها بوكيمون متعدد الوظائف وقابل للتطور.
٣- لسانك حصانك ولا يلعب عليك احد في الدوام ويقول انا اخوك وفضفضلي.
دمتم أقوياء ومدركين 🫡