قلبك مش هيجمد ، تفكيرك مش هينضج ومش هتفهم نفسك بين يوم وليله
دي رحلة هتاخد سنين بين خوف وتردد و قلق و تعب نفسي ، خذلان من اقرب الناس ليك ، محاولات فاشله كتيره
كلها دروس بتصنعك .. في حين ف وقتها بتفكر انك بتضعف في الحقيقه انت بتقوى ، بتبقى فاكر انك بتموت .. بس انت بتتولد من جديد

التربيه مش من الأهل
الحقيقه الاهل ممكن يربوك على النمط اللي يعرفوه اللي شايفين انه ده الافضل ليك ولمستقبلك
بس الحياه عارفه افضل اسلوب لتربيتك شكله ايه .. عارفه عيوبك ايه وايه الدروس اللي من خلالها تقدر تصلح هذه العيوب
الحياه عارفه ازاي تربيك وتصنعك عشان تكون احسن نسخه من نفسك

مش من الأهل *فقط*
اكيد الاهل ليهم عامل كبير في تربيتك
بس لو مقدرتش تفهم طريقة العالم في تربيتك .. هتفضل تقاوم دروسه ليك و هتفضل خايف من التغيير وعايز تتمسك بما نشأت عليه وهتلاقي نفسك في الاخر عايش بشكل لا يمثل حقيقتك
لما تقابل تحدي في الحياه
إسأل نفسك ازاي اطور نفسي من خلاله ☀️

كلنا في الحياه بنتعرض لفقد وخساره وازمات .. محدش حياته مثاليه
اوعى تكون مفكر الناس اللي انت منبهر بحياتهم .. متعرضوش لخسارات !
القوي في الحياه هو اللي بيكمل المعركه بما تبقى معه من ادوات .. مبيستسلمش ويقعد يبكي ويتحسر ويشفق على ذاته بسبب ما تعرض له من خسارات
اتحرك و متقفش ☀️