ودي كلنا نسوي مبادرة ونتكاتف عليها ونسوي حملة كبيرة ضد الكفيهات او المطاعم اللي تشغل موسيقى
ياخي كل شي تقبلته الا اننا ناكل ونتقهوى على موسيقى وعلى معصية الله!
يعني كيف يقابلون نعمة الله بمعصيته!
معقوله مايفكرون ان النعمة من الله وقادر ياخذها منهم بغمضة عين!

اذا تشوفون الموسيقى تطور والله انها انحلال ولا فيها ذرة تطور
وان التطور والتقدم والحضارة هي بمراقبة الله وبترك معاصيه وبحمده وشكره على النعم
ضروري ضروري نقاطعهم عشان يعرفون ان الله حق
يعني مدري وش اقول كيف يبغونا ناكل على معصية الله!

وبالنسبة للكفيهات ترا الاكثر جايين يبغون هدوء ورواق بعيدًا عن ازعاج العالم الخارجي يبغون الهدوء تزعجونهم كمانن بموسيقى وطنطة وخرابيط ليه؟
ترا لو يبغون يسمعونها بيشغلونها ببيتهم ويسمعونها والا وش فرقت عندكم؟
والا بتكون حصرية عندكم!
ماغير ذنوب على الفاضي

والله يهدي الجميع ولكن ضروري اصحاب المطاعم والكفيهات يوصلهم كلامنا وصوتنا وضيقتنا وانكارنا للمنكر ولو بالكلام ماحنا ساكتين لكم