رتبها

أنت حرفيًا بتدمر كل فرصة ليك في المستقبل بعدم تكيفك مع التغيرات اللي بتحصل من حواليك، وبتقول لنفسك حاجات زي : 👇🏾 تابع السرد
(1/7)

الإنجليزي مش مهم واستعراض وكلام من النوع ده.
مع أنك النهاردة مش هتعرف تشتغل شغل كويس إلا لو كان معاك إنجليزي "على الأقل". 👇🏾 2/7

البرمجة مالهاش دعوة بمجالي… أتعلمها ليه؟
محدش قال تبقى مبرمج محترف، لكن اللي بقوله أنك تعرف وتتعلم الأساسيات، لأنها داخلة مجالك يعني داخلة، ولو مش النهاردة يبقى بكرة.
ده غير الفوايد التانية الكتير قوي 👇🏾3/7

أنا محبش أقرأ!
برضه محدش قالك تقرا كتاب في اليوم ولا حتى نص ولا ربع…
٤-٥ صفحات في اليوم بس… لكن استمر.
الفوايد اللي هتعود عليك من القراية "لا تعد ولا تحصى". 👇🏾 4/7

لا أنا مش هشتغل على المنصة دي عشان بتدعم مش عارف مين!
طيب وأنت بتستخدم تويتر وفيسبوك ويوتيوب وتيكتوك وآبل وجوجل وغيرهم من المنصات اللي بتدعم جدًا كل حاجة أنت ضدها… قاعد ليه؟
لو فعلًا صادق في كلامك… إقفل كل حاجة :)
لكن الواقع بيقول "أنت بتشتغل عليهم مش جاي تحب فيهم" 👇🏾5/7

لا أنت مش هتابع كذا عشان (شكله، لبسه، إلى آخره.)
طيب ولو ده أحسن فرصة ليك عشان تتعلم حاجة بجد… هتروح للجودة الأقل عشان واحد/ة شعرهم مش عاجبك؟! ده عقل؟ 🧠👇🏾6/7

بص للأمور بواقعية أكتر… وقيم موقفك بشكل حقيقي.
محدش قال تتخلى عن اللي مصدق فيه، لكن خد اللي ينفعك.
الدنيا بتتحرك بسرعة قوي، وأنت واختيارك… يا تفضل في مكانك، يا تتحرك معاها. 7/7

🧠 لو عجبك الثريد 🧵 واستفادت منه… اعمل ريتويت لأول تويت 👇🏾

في الفيديو ده بتكلم عن أهمية تعلم الإنجليزي وإزاي غير حياتي
ENGLISH LEARNING
إزاي الإنجليزي غير حياتي | ليه لازم تتعلم إنجليزي مهما كان مجالك
youtu.be