رتبها

كده هتقع!!
عشان باصص تحت رجليك بس، عشان بتذاكر للسنة دي بس، عشان مخطط لسنة واحدة بس، عشان مبتعلمش حد تاني اللي تعرفه، ولا بتحاول تساعد، وعشان بتعمل محتوى يتشاف النهاردة بس.
كمل السرد عشان عايزك في موضوع 👇 ✍️
(1/6)

عن نفسي... مع تقسيم الرحلة بتاعتك لأجزاء صغيرة، بس للأسف فيه ناس بينشغلوا عن المرحلة اللي هما فيها لدرجة أنهم بينسوا أصلاً هما بيعملوا اللي بيعملوه ليه، وبيتعاملوا مع المرحلة دي على أنها نهاية المطاف وسباق 100 متر، لازم يبذلوا كل ذرة طاقة عندهم عشان يخلصوه. 👇
(2/6)

لكنها في الحقيقة ماراثون وعايز نفس طويل قوي عشان تكمله لأخره.
تخطيطك لسنة واحدة بس عشان تعمل فيها كل حاجة، من أكبر الأخطاء اللي ممكن تقع فيها، خطط لـ3 وأربع وخمس سنين، وقسمهم لمراحل، وامشي بانتظام وبقدر يحافظ على طاقتك اللي هتحتاجها طول المشوار.
👇
(3/6)

وفي الوقت ده، متنشغلش 100% بنفسك بس، لكن كمان شوف اللي حواليك، وحاول تساعد ولو بني آدم واحد بس، وأيوه ده خير مطلوب تعمله، لكن كمان محاولتك لنقل المعرفة اللي وصلتلها هيديك فرصة تراجع وتفهم أكتر وبالتالي هتبقى أفضل، فساعد الناس تنجح أنت كمان هتنجح.
👇
(4/6)

وأخيراً... إعمل محتوى Trendy زي ما أنت عايز، بس لازم برضه تعمل محتوى Evergreen الناس محتاجينه في أي وقت، مش بس وقت ما منى زكي قلعت تليفونها، ولا لما آبل عملت مؤتمر جديد.
كلنا بنعمل محتوى عشان الفلوس... بس لو مش مدخل جنبها "مساعدة الناس"، مش هتكمل.
👇
(5/6)

الـ Trend
بيموت ومحدش بيدور عليه تاني، وأنت ومحتواك هتحصلوهم.
اشتغل لبكرة وبص لقدام مش تحت رجليك.
خطط لسنين جاية مش بس السنة دي.
غير عقليتك وطريقة تفكيرك عشان يتماشي مع اللي بتتعمله
اتغير accordingly :)
ياريت تتفرج على الحلقات الموجودة في التغريدات الجاية، هتنفع كتير قوي
(6/6)

20 حاجة خليهم من عاداتك... هيفرقوا كتير! 👇
youtu.be