رتبها

"ده أنا هشرب من دمك"
جملة بتقولها بعض الأمهات لما حد من ولادها يعمل حاجة تعصبها أو لما تتأخري بره..لكنها كانت عادة يومية الشخص ده!
تابع الثريد👇

السلام عليكم وثريد جديد عن" ملكة الدم"
هي إليزابيث باثوري حاكمة ترانسلفانيا بمملكة المجر..واللي اتعرفت بالأنثى القاتلة المتسلسلة الأكثر عنفًا وشرًّا في التاريخ
ميفوقهاش كمصاصة دماء"vampire"
غير الكونت دراكولا"فلاد الثالث"واللي ارتبط اسمه بترانسلفانيا برضه ف عهد سابق!

اتولدت إليزابيث باثوري لعائلة أرستقراطية غنية ف مملكة المجر عام ١٥٦٠م عيلتها كانت غريبة أوي؛ فعمتها/خالتها علمتها المازوخية والسادية من صغرها، أما عمها/خالها فكان بيدعوها لعبادة الشيطان-والعياذ بالله-

ولما وصلت لسن ١١-١٢ سنة اتخطبت ل"فيرنتس ناداسدي"
واللي كان من عيلة أرستقراطية تانية..وبعد حوالي سنتين من الخطوبة حملت من واحد أقل منصب منها ومن خطيبها..خطيبها يسكت إزاي؟!
ده أنا راجل أوي؛ فقام بإخصاء الراجل ده وقطعه لحتت
وأخفى المولدة واللي كانت طفلة عن العيون..

واتجوزوا ف ١٥٧٥م لما بقى عمرها ١٤ سنة
وحكم جوزها قلعة "Csejte"
واللي موجودة حاليًّا ف سلوفاكيا..ولأن جوزها كان جندي طموح فكان ف حروب ضد العثمانيين..وإليزابيث كانت نعم الزوجة ف غيابه؛ فكانت بتجيب عشاق ليها بس خلفت منه ٤-٥ أطفال ونعم الزوجة.
طيب منين جت حكاية ملكة الدم دي بقى؟

فمرة كانت بتتعامل مع إحدى خادماتها فعورتها ونسيت تمسح الدم عن إيدها
ولما رجعت تغسله لقت تجاعيد إيديها راحت!
وإحدى الروايات بتقول إن ساحرتها قالتلها لو قتلتي البنات الشباب هترجعي زيهم فبدأت تعذب وتقتل الخدم والفقيرات موقفتش لحد كده لا،

لما الموضوع مجبش نتيجة راحت بعد كلامها مع الساحرة لبنات النبلاء في المنطقة
بس وحبت الموضوع بقى🤷.
فكرة إن شربها للدم هيرجعها شباب كانت مسيطرة عليها فكانت يإما بتطعنهم يإما بتعض أثداءهم ووشوشهم وأدرعتهم..تقطعهم بالمقص أو تغز شفايفهم بالدبابيس أو تحرقهم بالحديد والعملات المعدنية

بعضهم كانوا بيتضربوا لحد الموت والبعض التاني كان بيموت من التجويع مش بس كده ده كانت بتستحمى ف بحر دمائهن..
وجوزها كان كابح رغباتها لحد ما فكان عاملها أوضة كده للتعذيب واللي هو قد إيه أنت زبالة وحنين..
الموضوع بدأ يسمع لما وصل لبنات العائلات النبيلة وهنا كان لازم التدخل

تدخل الحاكم"ماتياس الثاني"ملك المجر ساعتها وبدأت التحقيقات ف١٦١٠م
من السلطات المجرية بطلب من جيورجي ثورزو اللي اتعهدله فيرنيتس جوزها بمسألة الورث بعد وفاته،
وف ديسمبر من نفس السنة اتقبض عليها
مع ٤ من الخدم والمقربين كانوا بيساعدوها
والحكم إيه؟

اتحكم على تلاتة منهم بالإعدام
والرابع بالسجن المؤبد
وكانت جريمتهم قتل وتعذيب ٨٠ فتاة عذراء!!
لكن
بعض الشهادات بتقول إنها عذبت ما يقرب من ٦٠٠ فتاة وجايز المحاكمة كانت بسبب بنات النبلاء بس.
ولمكانة عيلتها طبعًا فهي متحاكمتش لكن

لكنها اتحطت قيد إقامة جبرية ف قلعتها..ف أوضة ملهاش شبابيك بس فتحة صغيرة للشمس والأكل
إلا إنها مستحملتش أكتر من ٣ سنين وماتت في أغسطس ١٦١٤م بعمر ال٥٤ سنة.
فهل كان ليها دور في اكتشاف علاج البشرة بالبلازما؟!