لو شوفت حد بيكتب وينشر بوستات دينية وانت عارف انه غير كدة ماتستعجلش وتقول عليه منافق
لا هو مش منافق ولا عنده شيزوفرينيا ولا حتى مريض هو بس بيحاول
هو مش مبسوط من التشتت ال هو فيه وتناقض الافكار وحب الحياتين مع بعض وقلبه مش مريحه لان فطرته سليمة بس الدنيا اللي مش سليمة.

هو بيبقى قاصد يسيب الباب مفتوح بينه وبين ربنا
خايف منه بيلف يلف ويرجعله لانه ملوش غيره.
ممكن يكون بيكتب بوستات دينية وافعاله غير كدة وبيقول يمكن تكون صدقة جارية ليه بعد ما يموت وربك يستجاب.
ممكن تكون سجارته فى بوقه مابتفارقوش ومع ذلك بيطلع لله كتير او بيراعى اسرة غلبانة فقيرة.

ممكن تكون شايفه بيحب الاغانى و دايما بيسمع اغانى لكن مش بيسيب ركعة الوتر أخر الليل
هو مش مبرر لكن صدقونى الشباب بتحاول تكون كويسة وخوفه من ربنا بيخليه دايما سايب ابواب خير مفتوحة بينه وبين ربه و دى والله كبيرة عند ربنا.
أقسم بالله العظيم أعرف شخص مكانش محافظ على صلاته

و مع ذلك كان كل يوم جمعة يروح المسجد ٧ صباحا يمسح الحمامات و ينضف سجاد المسجد و يكنس كل شبر في المسجد واستمر سنين على الحال دة.
ما تستعجلوش في الحكم على حد لأنه احتمال يكون أفضل عند ربنا منك

يا جماعة والله في فتحات وأبواب صغيرة جدا بتبقى بين العبد وربه و بتبقى سبب ان ربنا يفتحله جميع الابواب المقفولة وانت وقتها بتبقى مستغرب لدرجة الاعتراض على حكمة ربنا والعياذ بالله.