أنا بصلي بس بسـرح فِ الصلاة؟!
ومش بخشع ! اعمل ايه ؟!
بصلى وبس ومش بحس بأي خشوع
طيب صل ع النبي وركز/ي معاي في الكلمتين دول
(1)_ ربنا سبحانه وتعالى قال :
"وانها لكبيرة الا علي الخاشعين "
هي ايه يارب اللي كبيرة وصعبة ؟!
الصلاة .. كبيرة جداً على أي حد

إلا على الى بيخشعوا في الصلاة ")
طب هي ايه مواصفات الخاشعين يارب ؟!
"الذين يذكرون الله قياماً وقعوداً وعلي جنوبهم "
اذا نعمل ايه عشان نكون من الخاشعين ؟!
لسانك تشغله في ذِكر الله طول اليوم ...
يعني وانت نايم قايم قاعد تردد على طول

"لا إله إلا الله -سبحان الله -الحمدلله- الله اكبر - استغفر الله ولا حول ولا قوة الا بالله ...."
فترة قصيرة جدا و هتلاقي ربنا قذف حُب الصلاة في قلبك
(2)_حِب الله .. صلى حُباً في جلال الله
مش بس عشان جنة أو نار
حِبه علشان ربنا بستحق إنك تحبه
"حب اللَّه رزق💚

(3)_انت لما بتصلي بالسور الي انت حافظها
ف دا اللي بيخليك تصلى بدون تركيز ...
لأنك عارف إنك مش هتغلط !
لكن لو حفظت كل يوم 5 آيات من القرآن الكريم 📖
وصليت ف كل صلاة بآية جديدة من اللي حفظتهم ...
تركيزك كُله هيكون ف انك ما تغلطش .. وساعتها هتركز

وياسلام لو كُل آية تحفظها تعرف تفسيرها 💚
هتحس انك وانت بتصلي في عالم تاني")
خشوع وتأمل لما تقرأ هيخلي قلبك طاير💚