أول ما بدأت كاريير الماركتنج وبعدين شفَّت للديجيتال ماكانش فيه حجم الكورسات الأونلاين اللي بقى موجود دلوقتي، المعرفة بقت أكثر تطورًا والحصول عليه كمان أسهل. في الثريد ده هاجمعلكم 8 كورسات أرشحها لأي حد عايز يبدأ في مجال الماركتنج/ الديجيتال ماركتنج و 7 نصايح من تجاربي الشخصية 🧵
موقع LinkedIn Learning عامل حاجة ظريفة اسمها: Learning Paths، عبارة عن مجموعة من الكورسات بتاخدهم ورا بعض عشان تبني skills sets في مجال معين (تاخد خطوة معينة). لو عايز تبدأ في كاريير الماركتنج أرشحلك:
(1/8) Become a Marketing Specialist:
linkedin.com
(1/8) Become a Marketing Specialist:
linkedin.com
لكن لو عايز تبدأ في كاريير الديجيتال ماركتنج أرشحلك:
(2/8) Become a Digital Marketing Specialist:
linkedin.com
(2/8) Become a Digital Marketing Specialist:
linkedin.com
موقع Coursera عليه دلوقتي كورس حلو برضه عاملاه جوجل اسمه:
(3/8) Google Digital Marketing & E-Commerce:
coursera.org
مناسب برضه للي عايز يتخصص ديجيتال ماركتنج.
(3/8) Google Digital Marketing & E-Commerce:
coursera.org
مناسب برضه للي عايز يتخصص ديجيتال ماركتنج.
أما لو عايز تاخد ال certification من جامعة Illinois، فهاتلاقي التخصص بتاعهم موجود على كورسيرا هنا:
(4/8) Digital Marketing Specialization by Illinois:
coursera.org
(4/8) Digital Marketing Specialization by Illinois:
coursera.org
وجوجل نفسها بالمناسبة عندها certification مجانًا في أساسيات الديجيتال ماركتنج:
(5/8) Fundamentals of Digital Marketing:
learndigital.withgoogle.com
(5/8) Fundamentals of Digital Marketing:
learndigital.withgoogle.com
فيسبوك كمان عمل كورس على Coursera للديجيتال ماركيتيرز:
(6/8) Facebook Social Media Marketing:
coursera.org
(6/8) Facebook Social Media Marketing:
coursera.org
ولو روحنا لموقع Udemy من المواقع المشهورة وعليه ماستر-كلاس متكامل عن الديجيتال ماركتنج:
(7/8) Digital Marketing Masterclass
udemy.com
(7/8) Digital Marketing Masterclass
udemy.com
أما بقى أكتر كورس لقيت عليه ترشيحات من شباب كتير جدًا أخدوه مؤخرًا فهو ال Nano Degree بتاعة Udacity:
(8/8) Digital Marketing Nanodegree by Udacity:
udacity.com
(8/8) Digital Marketing Nanodegree by Udacity:
udacity.com
نيجي لفقرة النصايح (أخ كبير وكلامي غير ملزم):
1. الكورس مش نهاية الطريق، ده يا دوبك أول خطوة في طريق طويل هاياخد منك سنين عشان تتعلم وتبني كارييرك.
1. الكورس مش نهاية الطريق، ده يا دوبك أول خطوة في طريق طويل هاياخد منك سنين عشان تتعلم وتبني كارييرك.
2. الكورسات ده حاجة من حاجات كتير بتكتسب منها المعرفة، من غير ال learning by doing مش هاتتعلم حاجة. والحل؟ دور على Internship. بس نقي مكان سمعته كويسة وفيه ناس هاتتعلم منهم مش يسحلوك في donkey work عشان هاتاخد ملاليم.
3. هاتاخد كورس أونلاين/ أوفلاين محتاج تبص على: 1) مين ال instructor؟ رأيي الشخصي ابعد عن اللي عايش حياته كمدرب وبس. اللي هايفيدك أكتر حد عنده خبرة عملية وعمل/ مازال بيعمل الحاجات ديه بإيده مش مجرد محاضر ممتع ومجهزلك ماتيريال وكلام حلو. 2)بص على ال learning outcomes واسأل عليها..
...أما موضوع الشهادة فده مش مهم باستثناء واحد بس، وهو إنها تكون من مكان credible وكبير زي شركات: جوجل، فيسبوك..الخ أو مكان معروف إنه أكاديميًا تقيل عالميًآ زي ال AUC أو Edinburgh..الخ. لأن الشهادة هنا تعبير عن جودة المحتوى مش أكتر. لكن إنت اللي يهمك مش الشهادة بل المادة العلمية.
4. هدف الكورس مش انك تستمتع. هاتروح تحضر ورشة ولا كورس والمدرب يبسطك ويخليك طالع متكيّف، هاتخلص الكورس هاتلاقي نفسك مش عارف لسه أي حاجة ولا تطبّق حاجة. هدف الكورس إنك تتعلم، والتعلم عايز حد يحكيلك هو عملها ازاي، ويشارك معاك الغلطات اللي غلطها والدروس اللي اتعملها.
5. استكمالًا لأول نصيحة: إنت مش بس محتاج كورس، إنت محتاج learning routine. لازم تحط لنفسك learning goals، ويومك لازم يكون في وقت محدد (ساعة أو ساعتين) بتقرا وتتفرج وتسمع. المحتوى اللي موجود دلوقتي بقى accessible وبأشكال متنوعة مناسبة لتفضيلات أي حد في في اكتساب المعلومات.
6. زي أي خطة، نجاحها مش إنها تبقى مثالية، نجاحها في إلتزامك بيها، ماتحطش أهداف كبيرة في الأول، امشي خطوات صغيرة مستمرة أحسن من إنك تضغط نفسك بمجهود كبير فتكسل بعد تاني أسبوع. الموضوع بالظبط عامل زي ال fitness، تمرينة صغيرة كل يوم أفيدلك من تمرينة طويلة في اليوم ماتستمرش عليها.
7. ̶أ̶ن̶ا̶ ̶ع̶ا̶ي̶ز̶ ̶ك̶و̶ر̶س̶ ̶ب̶ا̶ل̶ع̶ر̶ب̶ي̶. رجاءًا ماندخلش المناقشة ديه، كلنا اتعلمنا الإنجليزي بالممارسة، عوّد دماغك إنها تستهلك محتوى بالإنجليزي وإنت هاتلاقي المشكلة اختفت. ضايع تمامًا، سهلة: اتعلم. يوتيوب عليه عشرات ال channels المتخصصة اللي تقدر تاخدك من الصفر حرفيًا.
أخيرًا: الثريد بيحاول يجاوب على سؤال رشحلي كورس أبدأ بيه الماركتنج/ الديجيتال. لكنه مش بيجاوب على أسئلة تانية زي: هل الماركتنج مناسب ليا؟ ..نبقى نفرد للأسئلة ديه ثريدز تانية. وأكرر: خبراتي الشخصية ≠ إجابات مثالية. اسمع لخبرات الآخرين وجرّب بنفسك واتعلم هي ديه سنة الحياة.
بعد أخيرًا: بالتوفيق ليكم جميعًا في مساعيكم الطيبة 🙂
جاري تحميل الاقتراحات...