ثريد عن الابتعاث في امريكا كطبيب مقيم بحكم اني واجهت صعوبة كبيرة بالبحث عن معلومات في هالموضوع بتكلم ليش تروح امريكا ووش المميزات وش العيوب فرص القبول والية التقديم وكل شي متعلق بالموضوع رغم اني اعتقد ثريد واحد ما يكفي … (١)
اولا قلت طموح لان القبول في امريكا ماهو سهل انت بتقدم مع الاف من الاطباء نخبة النخبة من جميع انحاء العالم ومن امريكا نفسها فالقبول ماهو سهل ولكن ماهو مستحيل ابدا. طيب نبدا اصلا ليش اروح امريكا ؟ الاجابة بكل اختصار امريكا هي سقف الطب وفارقه عن اي دولة بالعالم افضل ١٠ مستشفيات ..٢)
بالعالم ٥ منها في امريكا ولو تاخذ افضل ١٠٠ مستشفى بالعالم تلاقي النسبة الاكبر امريكا وبفارق كبير. الشي الاخر البيئة في امريكا مختلفة اغلب اللي حولك وصلوا بعد عناء كبير والوصول لامريكا اصعب بكثير من باقي الدول فالناس اللي حولك شغوفين جدا بالعمل. ايضا في امريكا فيه مسارات … (٣
غير موجودة بالسعودية زي Meds/peds في اربع سنوات تاخذ البورد الامريكي بالمدسن والبيدياترك وهذي نقطة حلوة ايضا الماسترز والفيلوشيب خيارات اكثر بكثير واذا خلصت الفيلو شيب وبتاخذ سب فيلو عندك كل التخصصات الدقيقة بمجالك. ايضا واهم نقطة تهمني هي ان الفرص في امريكا اذا انت شخص شغوف..(٤
ممكن تصل لافضل مستشفيات العالم وتنتهي بفيلو شيب في هارفارد في مستشفى ماستتوتش مثلا وكل ولاية بتلقى مستشفى قوي جدا. اللي يتابع كورة اقدر اشبهها بدوري الانجليزي بالمقارنة بباقي الذوريات . طبعا فيه مستشفيات عاديه في امريكا فيه ٥٠٠٠ مستشقى مصنف في امريكا فمهم جدا وش المركز اصلا ؟
يعني ممكن تجيب قبول في مستشفى عادي جدا في امريكا ويجيك قبول في كندا مثلا وهنا لا تقارن وتحسب حساب امور كثيرة. طبعا التخصصات الجراحية والتنافسية زي العيون والجلدية والخ القبول فيها صعب جدا كاجنبي ضروري جذا تعمل حساب هالنقطة لكن الانترنال مدسن بيدياترك فاملي مذسن ماهو صعب
طيب انا ابي انترنال مدسن في امريكا مثلا وودي بمستشفى قوي! هنا تكمن الصعوبة القبول بالانترنال مدسن ماهو صعب في امريكا بس القبول في مركز قوي نعم ماهو سهل ابدا فضروري تبحث عن المراكز اللي انت تبي تروح لها وتشوف متطلباتهم عشان تزيد فرص قبولك وممكن اتكلم عنها ايضا مرة ثانية.
نقطة اخيرة الملحقية مسويه اتفاقية في ٣ جامعات في امريكا لدعم الاطباء السعوديين وواحد منها يعتبر مركز جدا ممتاز…. طيب ليش ما اروح باختصار الطريق ماهو سهل بتختبر ٢ ويفضل تسوي ابحاث وممكن حتى تتدرب في امريكا + بعدين تذخل بالماتشنق وحسب القبول وش يجيك وبعد الرزدنسي فيه منافسة …
فالطريق ماهو سهل لكن مقدور عليه غير نقطة الغربة والمادة اللي ممكن تفرق حسب السبونسر تبعك اذا هو يعطيك والمستشفى يعطيك وضعك ممتاز اذا تستلم بس من السبونسر غالبا بترجع مطفر بعكس عندنا هنا الرواتب ممتازة والصرفية بسيطة. ايضا في حال اشتغلت كاستشاري في امريكا الرواتب اعلى من هنا
فقط كاستشاري. طبعا كل المعلومات اللي فوق اجتهاد شخصي ووجهة النظر الموضوع قابل للنقاش اذا فيه اي تعديل او تصحيح منشن بحيث الكل يستفيد وشكرا.
جاري تحميل الاقتراحات...