ثريد عن تجربتنا في شراء شقة من الحكومة بنظام التمويل العقاري المدعم من البنك المركزي بفايدة ٣% بما ان كذا حد سألني 🧵
تنويه: أولا تجربتنا كانت في شرا شقة تبع مشاريع الحكومة وماشتريناش شقة من مالك لكن هحاول اقول اللي اعرفه.
ثانيا الأرقام اللي هتكلم بيها تنطبق على اسعار الشقق ما قبل تعويم شهر مارس.
ثانيا الأرقام اللي هتكلم بيها تنطبق على اسعار الشقق ما قبل تعويم شهر مارس.
الحكومة طرحت شقق في ٣ مشاريع: سكن مصر - دار مصر- جنة مصر شهر فبراير اللي فات وكل الشقق كانت بتتباع بنظام التمويل العقاري ومش بنظام الأقساط الربع سنوية زي الطروحات اللي فاتت. المشاريع دي كانت مطروحة في محافظات مختلفة وكل مشروع في بينه وبين التاني فروقات هوضحها قدام.
مشروع سكن مصر: مساحات مختلفة بتبدأ من حاجة و٧٠ متر، المشروع محاط بسور شجري، مفيش اسانسير وفي محلات اسفل العماير.
دار مصر: كومباوند بسور وأمن، فيه جناين اكتر جوا، العماير فيها اسانسيرات ومساحات الشقق اكبر.
جنة: زي دار مصر بس أماكنها افضل احيانا وفي بيسين جوا رغم انه مش فارق
دار مصر: كومباوند بسور وأمن، فيه جناين اكتر جوا، العماير فيها اسانسيرات ومساحات الشقق اكبر.
جنة: زي دار مصر بس أماكنها افضل احيانا وفي بيسين جوا رغم انه مش فارق
بالنسبة لأسعار الشقق، هي بتختلف من منطقة لمنطقة ومشروع لمشروع. عادة سكن مصر بيكون أقل سعرا، يليه دار مصر وبعده جنة. لكن مفيش سعر ثابت للمتر
نيجي لشروط التمويل العقاري. ايه الشقة اللي ينفع اشتريها في مبادرة ال٣% وايه الشروط اللي الشخص لازم تنطبق عليه عشان يقدم؟ الحكومة حطت ضوابط للشقة اللي ينفع تتمول وهي نوعا ما بتحدف الناس تجاه مشروعات الحكومة لصعوبة استيفائها في شقق كتير برة مشروعات الحكومة اقروا الصور دي بتمعن
بكل بساطة عشان هتسأل كتير. لو دخلك ١٠ الاف اول اقل لو اعزب، أو ١٤ الف او اقل لو أسرة، وسعر الشقة تحت ١،٤٠٠،٠٠٠ ف انت هتستفيد بمبادرة ٣%. لو دخلك اكتر من كدا او سعر الشقة فوق ١،٤٠٠،٠٠٠ هتخش مبادرة ٨% ودي فوائدها عالية اوي اوي
الفائدة بتكون متناقصة، بس مثلا لو واخد تمويل بمليون جنيه، بعد ال٣٠ سنة هتبقى دفعت فوائد تقريبا نص مليون جنيه كمان. أما لو ٨% هتبقى كأنك دفعت ثمن التمويل زائد مرة ونص زيه فوائد وده كتير اوي بصراحة على مشروع حكومي. اقروا الشروط كويس هي واضحة في الصور اللي فوق.
وجب تنويه بردو ان بسبب زيادة اسعار البناء والشقق قانون التمويل العقاري في الطروحات الجاية هيرفع الحد الأقصى لسعر الشقق في التمويل وكمان هيزود الدخل اللي يعتبر متوسط. مش عارفة الأرقام بالضبط هتبقى كام.
نيجي لبروسيس الحجز:
الحكومة بتطرح كراسات الشروط لكل مشروع اونلاين وبتتيح فرصة شهر تقريبا عشان دفع جدية الحجز وارفاق الريسيت وشوية مافتت على موقع صندوق الإسكان لتأكيد جدية الحجز.
سكن مصر: ٤٠ الف جنيه زائد ٥٠٠ جنيه كراسة شروط
دار مصر: ٦٠ الف و٥٠٠
جنة: ٨٠ الف و٥٠٠
الحكومة بتطرح كراسات الشروط لكل مشروع اونلاين وبتتيح فرصة شهر تقريبا عشان دفع جدية الحجز وارفاق الريسيت وشوية مافتت على موقع صندوق الإسكان لتأكيد جدية الحجز.
سكن مصر: ٤٠ الف جنيه زائد ٥٠٠ جنيه كراسة شروط
دار مصر: ٦٠ الف و٥٠٠
جنة: ٨٠ الف و٥٠٠
في فترة دفع جدية الحجز المفروض تنزل تدخل المشروع اللي حابب تحجز فيه وتبدأ تختار عماير شايف مكانها كويس بالنسبة لأولوياتك (باصة على جنينة او بيسين، بحري او قبلي) وتحط ارقام الشقق اللي ممكن تحجزها. في صفحة اسمها "معلومة وخبر من وزارة الاسكان" بتنزل guide ازاي تعرف رقم الشقة اللي
انت شايفها وتعرفك طريقة ترقيم الشقق جوا العماير عشان مش كل شقة هتخش العمارة تجيب رقمها. بتحط ليست ب٧٠ او ٨٠ شقة ممكن تعيش فيهم وكل شقة بيكون ليها كود في كراسة الشروط. بعد إغلاق باب جدية الحجز بيبدأ حجز الوحدات اونلاين وكل كام يوم مخصصين لحجز مشروع معين بس.
النظام بيكون بأولوية الحجز ف لما الموقع يفتح الحجز بتدخل كود اول شقة، لو حد لحقها قبلك هيقولك ف تدخل كود تاني شقة، لحد ما ترسى على واحدة ويجيلك رسالة على الموبايل تأكد حجز الوحدة. بعد مرحلة حجز الشقق، صندوق التمويل العقاري بيبدأ يحول الملفات للبنوك اللي مشاركة في المبادرة
وبيبعتلك رسالة يقولك ان تم تحويلك للبنك الفلاني. في حالتنا التحويل حصل بعد اسبوعين من حجز الشقة وكان خلال رمضان، والبنك لم يتواصل معانا الا بعد العيد الصغير. البنك بعت مستعلم ميداني في السكن والشغل وأخدوا اسبوعين تلاتة لحد ما البنك طلب التوجه للفرع عشان نعرف الoffer ونستكمل
الإجراءات. عايزة أقف هنا واقول كام نقطة. أولهم ان كل بنك بيكون ليه سياسة مختلفة في التمويل، بمعنى ان فيه بنوك بترفض اصحاب الأعمال الحرة وفي بنوك بتوافق لو معاهم سجل تجاري وبطاقة ضريبية، وفي بنوك بتوافق بس بتطلب نص ثمن الشقة مقدم مش ١٥ او ٢٠% عادي
في حالة انك اتحولت لبنك رفض طلبك تقدر تطلب تحويل لبنك آخر مناسب اكتر لتمويل شقتك. لو بقى رفض البنك حصل بسبب عدم استيفائك لشرط بديهي وماخدتش اي تمويل في الاخر.. بيتخصم ١.٥% من ثمن الشقة الإجمالي من مقدم جدية الحجز، والباقي بيتردلك، لأن في ناس كتير بتقدم بدون اي دراسة وفهلوة.
في نقطة مهمة ان المفروض قسط الشقة وأي ديون عليك لا تتعدى ٤٠% من إجمالي الدخل اللي حضرتك مقدم بيه. ف لو عندك كريديت كارد تسده، ولو واخد اي قروض تاني هتأثر على قيمة التمويل اللي البنك ممكن يساهم بيه.
طيب فلنفرض انك دخلك ١٠ الاف جنيه وعايز شقة قسطها ٤٦٠٠ مثلا هيحصل ايه؟ هقولك المبادرة فيها اوبشن أقساط تصاعدية عشان تقدر تاخد اكبر تمويل والاقساط تكون معقولة. ف البنك ممكن يقولك هدفعك ٢٥٠٠ بس كل شهر بس هخلي القسط متصاعد القيمة اول ١٠ سنين ب٧% كل سنة.. في اخر المدة القرض بيكون اتسد
وبفايدة ٣% عادي. كذلك لو شخص مرتبه مثلا ٦ الاف جنيه ممكن البنك يخليله القسط متصاعد سنين اكتر عشان يقدر ياخد القرض. طيب كل البنوك بتعمل كدا؟ على حسب
في بنوك بتسمح بالتصاعد ٣٠ سنة كاملين، وفي بنوك ٢٠ بس، وبنوك ٥ بس.. والحقيقة ان الموضوع بيعتمد على حاجات في الدراسة الائتمانية على أساسها بيديلك افضل أوفر يقدر يعمله. البنك بيبقى عايز يديك القرض لأنه البنك المركزي بيحاسبه على فرق الفايدة (٧% زيادة) ف هو مستفيد.
البنك عمل الدراسة الائتمانية وادالنا أوفر فيه قسط مناسب متصاعد لمدة ٢٥ سنة والمقدم كان ٢٠% (شامل جدية الحجز)، والمبلغ بتاع التمويل كان شامل ل٥% وديعة الصيانة اللي لازم تتدفع في الأول. بعد دفع المقدم البنك بيمضيك على شيكات وبيبقى في عقد ثلاثي بين الشاري والبنك الممول والجهاز
البنك بيمضي وحضرتك بتمضي بعدين العقد بيروح الجهاز عشان يتمضي.. بعدين البنك بيسلمهولك عشان تروح الجهاز بنفسك تستلم. بيطلبوا التعاقد على عدادات الكهربا والماية والغاز وبيدوك محضر استلام تستلم الشقة بيه. احنا لسة مش معانا عقد الشقة والحقيقة الprocess بطيئة جدا
لأن الحجز بدأ في نص فبراير وليومنا هذا مفيش شقة معانا. عايزة اكلمكم شوية عن مميزات وعيوب المشاريع دي بردو عشان تبقوا عارفين:
المميزات: الكومباوندات ظريفة ونظام التمويل بيتيح انك تشتري شقة كويسة في مكان مش عشوائي بسعر معقول
تشطيب الشقق ذوقه كويس ومعقول وتقدر تنقل تقعد فيها على طول
تشطيب الشقق ذوقه كويس ومعقول وتقدر تنقل تقعد فيها على طول
العيوب: البروسيس بطيئة والبنوك مش دايما عندهم بروتوكول واضح
الشقق سعرها يعتبر غالي على الvalue بتاعتها لكن هي لا تزال ارخص من الكومباوندز التقليدية بحبة حلوين
التشطيب مستخدم فيه حاجات كتير درجة تانية وغالبا بعد كام سنة هتحتاج تغير حاجات كتير في السباكة والنقاشة لأنهم بيسترخصوا
الشقق سعرها يعتبر غالي على الvalue بتاعتها لكن هي لا تزال ارخص من الكومباوندز التقليدية بحبة حلوين
التشطيب مستخدم فيه حاجات كتير درجة تانية وغالبا بعد كام سنة هتحتاج تغير حاجات كتير في السباكة والنقاشة لأنهم بيسترخصوا
أخيرا: ده لينك البيدج اللي عرفنا منها كل المعلومات عشان لو حد عنده اي تساؤلات زيادة لأني قلت كل اللي اعرفه وغالبا هيجيلي اسئلة كتير ف بعتذر عن الرد لأني مشغولة معظم الوقت
facebook.com
facebook.com
معلش لأني نسيت احط حاجة في الثريد. الشقق اللي تنفع تمويل عقاري برة الحكومة لازم تكون:
مبنية وكاملة التشطيب
مسجلة بالشهر العقاري
ليها حصة في الأرض
سعرها لا يتعدى ال١،٤٠٠،٠٠٠ لو هتخش مبادرة ال٣%
مبنية وكاملة التشطيب
مسجلة بالشهر العقاري
ليها حصة في الأرض
سعرها لا يتعدى ال١،٤٠٠،٠٠٠ لو هتخش مبادرة ال٣%
جاري تحميل الاقتراحات...