رتبها

"الجواز منظومة فاشلة خلينا نحب أحسن "
#الصحوبية
من قديم الأزل والفلاسفه مختلفين مع بعض عن #الحب "هو ضعف ولا قوة"
بعضهم بيشوف أن الحب بيخلي الإنسان ضعيف، بيضحي، بيتنازل، بيتسامح، وبيتعلق، وبيحزن علي الفراق
والبعض شايف إن نفس الكلام ده هو منتهي القوة؛

ماهي قوة إن أنا أعطيك كل ما أملك، قوة إن أنا يبقي جوايا طاقة من العطاء أخصصها ليك أنت بس علشان بحبك، قوة إن أنا أعرف أسامحك وأفتكر ذكرياتك الحلوة معايا.
وأنا طبعا مع الفريق اللي بيشوف #الحب قوة ؛وعموما شعور الحب هو شعور بيهز البني أدم
ودايما في الشريعه عندنا ربنا بيعلمنا

في القرأن، وسيدنا رسول الله بيعلمنا في السنه، أن الحب شعور غالي .. لازم يكون ليه وقت معين يتغلف الشعور ده بأن اللي بتحبه يبقي مسؤول عنك مش بس يديك عاطفة، يديك الأول تركيز وإهتمام وشيء من الخصوصية والتوحيد "أنت وبس" وخوف عليك
لأنك أنت وأنت بتدي كلك كده لازم يكون في شيء من المقابل

اللي يجبر الخاطر ويشعر الإنسان بالأمان
وده اللي يخليك تفهم ليه الدين بتاعنا بيقول متحبش بدري [ بتكلم طبعا عن الولاد والبنات ومفهوم #الصحوبية]
لما بنكبر وننضج وتكون علاقة الحب تحت مظلة الأهل بتحمي من الطيش والأذية، لكن لما بتبقي الصحوبية بدري بيبقي فيها أذية كتير

وربنا مش بيحرم حاجة علشان يضغط علينا ويديق علينا "ما جعل عليكم من الدين من حرج" #قرأن
إنما لو ربنا حرم علينا حاجة أو قال لينا إستنوا شوية عليها يبقي حبا فينا وحماية لينا من غرائزنا ورغبتنا.
من وجهة نظر السيكولوجي والعلم : ليه #الصحوبية اللي بتبقي بدري دي بتبقي غلط ؟!!

بتحكي بنت وبتقول كانت في علاقة من عشر سنين وللأسف إنتهت ومنهارة طبعا (بتعيط، مضايقة، حياتها تقربيا إتشقلبت، مش حاسة بطعم الحياة خالص)
دايما هنا السؤال يبقي قصدك إيه بكلمة #علاقه
لما بنروح ساعتها للتعريفات بتاعت صحوبية عندنا دايما نقول إن في "علاقة إلتزام، وعلاقة ما قبل الإلتزام

اللي هيا الحتة بتاعت الخطوبة وقراية الفاتحة، يعني لحد ما يبقي في زواج "
وفي العلاقات اللي إحنا بدعنها #بدعة من مية سنة من خمسين سنة مش عارفة من إمتي !!
فكرة إن إحنا مع بعض بس مفيش حاجة رسمي، وده اللي إحنا نقصد بيه #الصحوبية

ودايما الجدل الداير إن طيب مع الصحوبية دي ما أنا قولتلها بحبك وعايز أتجوزك، ده حرام ولا حلال؟!
طبعا أنا معنديش أي فكرة ده حرام ولا حلال ولا هتناقش ف الدين وأقول رأيي
بس أقدر أقولك علي اللي كتبوه في الكتب واللي قالوه علماء النفس في هذا الموضوع ؟
ليه ممكن تكون الصحوبية ذات ضرر

علي الإنسان؟
الفكرة إن مشاعر البني أدم بتتحرك بشكل سريع جدا مع معرفة الجنس الآخر وخاصة لو فيها شرط القبول "يعني حد أنا قابله،أنا مهتم إن أنا أعرف عنه أكتر"
والقبول ده أمر لا واعيا يعني مش بالورقة والقلم ولا حاجه
بعد القبول بتبتدي تروح أو متروحش
لو روحت وقربت بيبتدي الجسم يفرز

كيماويات ومواد كيماوية وهرمونات شديدة التأثير إسمها لوحده للناس اللي تعرفها تخض(التوستسترون، الدوبامين، والسيروتينين والنورادرينالين، اكوسيتوسين،فاسوبرسين، نوروبينفيرين)
حاجات لطيفة جدا
هذة الكيمياء في المخ ليها متعة فائقة بتخليك صحي
بتخليك كفاءتك أعلي، مركز مع اللي قدامك

بتظهر أحسن صورة ليك، بتخليك متأثر جدا، شايف الدنيا وردية جدا، متفائل جدا، بتشوف نفسك بشكل أحسن، بتحب نفسك وبتقترن حبك بالحالة دي بالشخص اللي قدامك،فبيبقي وجوده مع وجود الحالة دي،وبتسترجع الحالة دي مع وجوده،فكل ما يبقي موجود بالتليفون أو المقابلة بتسترجع الحالة دي
ودي حالة جميلة

كل الكلام ده عظيم وحلو لكن ؟!
عندك مشكلتين هنا :
المشكلة الأولي إن دي حالة إستثنائية، الجسم مبيفضلش فيها علطول بعد 6شهور تقربيا بيبتدي الوضع يرجع لحالته الطبيعية وتبتدي أنت تفقد الطعم ده، فتبتدي تحس أن في حاجة مش كويسة !
بس دي مش أسواء المشاكل ؟!
المشكلة الحقيقة لو أن ربنا مأردش

وكلنا عارفين أن ممكن ربنا ميردش وكل اللي حوالينا شافوا الحاجات دي "أهل بيرفضوا، بني ادم بيتغير، شيء من السوء ظهر عليها أو عليه " فأنت تجي تشوف ان الشخص مش تمام !
إنفصلتوا...💔
الإنفصال موجع جدا جدا جدا جسمانيا
المسألة ملهاش علاقة خالص بأفكارك ولا بسنك الصغير أو الكبير، مفيش حاجة

إسمها إسترجل هنا ابدا
البطن بتتقفل وعقل بيقف ونرجع لحالة البداية لما حكت البنت عشر سنين ومش حاسة بالحياة تماما وده شيء موجوع جدا جدا جدا
المشكلة كمان ان المشاعر اللي اتولدت دي أن بحس معاها انه مش هترجع تاني
#الكلمة اللي بنقولها دايما هو في حد بيقي زي فلان

هو في حد هيقدر يحبني زي فلانه !
فأنت عقلك كمان بيقول الدنيا مقفولة
أنت بتأذي نفسك أذية كبيرة جدا جدا جدا في دخولك في العلاقة دي #الصحوبية لو مكملتش و حتي لو كملت
شخص بحبه جدا علمني حاجة لطيفة أوي قالي :"الصحوبية غلط ، لأن إحنا مفروض عندنا قدر كبير من الإلتزام ناحية نفسنا ،

إن احنا نحترم مشاعرنا"
المشاعر دي أصدق حاجة فيك ♥️
علماء النفس بيقولوا كده .. الحاجة الوحيدة اللي صادقة المشاعر، افكارك ممكن تكون غلط، متركبة غلط، معتقداتك ممكن تكون جايبها غلط، مفيش أي مشكله يعني جات من مصدر مش مناسب
_لكن مشاعرك عاملة زي السينسور بتاع العربية

النور اللي بيطلعلك في التابلوه مفيهوش غلط "البنزين خلص ، أو الموتور فية مشكلة "
المشاعر كده بتقولك أن ده حلو ، ده وحش، مشاعر صادقة تماما
أنت من باب حفظك لمشاعرك إنك تحافظ عليها جوه الإطار اللي يحسسك أن الأمور سليمة
إحنا بنضحي بيها في قصة #الصحوبية

آخر حاجة في الموضوع ده إحنا لما بنيجي نصاحب بنحس ان #الحب له لذة جميلة اوى، المشاعر دي ليها لذة جميلة اوى
وبعدين نيجي نتجوز .. الجوازة ممكن تطلع مش مناسبه ، يبقي العيب فين !
الحب كان جميل والصحوبية كانت جميلة يبقي العيب فين ! بس العيب ف الجوازة 🤦🏻‍♀️
إنما لو جينا قلبنا الموضوع

وإبتدينا نروح لناحية من نواحي إن أنا أختار بعقلي وبالقبول ده ومرجعيتي وبعدين أخش في علاقة بعد كده هيتولد الحب والمشاعر ؟!
آه هيتولد الحب والمشاعر
طب لو باظت الجوازة اي الغلط ؟
المشاعر موجودة والحمدلله والجواز كان معاه المشاعر الطيبة، وأنا عشت جزء من الجواز كويس ،

يبقي أرجع تاني لإختياري وأقول أنا اللي إخترت غلط ، وأبتدي أشوف الخطأ الصحيح .
أما في حالة الحب أنا مبخدش بالي من الموضوع وأعيد القرة ميت مرة وأفضل أعمل ده تاني وتالت ورابع وأنا معتمد إن الحلو في الحب أما السيء في الجواز

لغاية ما نوصل للأسف لفكرة أن
"الجواز منظومة فاشلة خلينا نحب أحسن "
#cpd
#ثريد
#علم_النفس
#الصداقة
#الزواج ❤️🌻

@rattibha اشكرك 🌻🙏🏻

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد