ثريد عن معاناة جيل ال ٩٠ والاسباب يلي خلت اغلبهم مرضى نفسيين وعجز العلماء عن حل مشاكلهم:
١- ابو كيس: شخصية مجهولة مش معروف اذا كان يحط كيس براسه او حامل كيس وشغلته يخطف الاولاد، مجرد ذكر اسمه بخليك تروح تقعد بالزاوية من تم ساكت.
٢- الاب ما كان يتدخل الا لما تكون المشكلة كبيرة وآكل شحاطة عراسك بدك ٥ قطب، بيقعد بيسألك اسئلة وبيقلك بنبرة عالية جاوب، وبس ترد بيقلك عم ترد جواب بوجي!
٣- غرفة الجرادين: هي عبارة عن غرفة موجودة بكل مدرسة بيتهدد فيها الطلاب بحال حكي كلمة بالصف وشرط ينحط عدينيك لبن قبل ما تفوت عليها، ليش؟ بعدن لهلئ ما عندن جواب.
٤- الاغاني يلي كانت منتشرة بمراهقتهم عالشكل: عيد ميلاد جرحي انا، دايمًا دموع، سبتيني ليه، نازل للبحر اشكيلو اسرار عذابي، تترجى فيا، باب عم يبكي..
٥- بعدهم لحد اليوم اهاليهم بيربحون جميلة انه كانوا يشترولهم حفاظات وما كانوا يستعملولن شقف قماش.
٦- اذا شي مرة رجعت عالبيت وآكل قتلة من رفيقك او اي شخص تاني كان بيك يعطيك مفتاح الجنط لتخبطه عراسه وممنوع ترجع عالبيت اذا مش ضاربه.
٧- انت رجال، كلمة دايمًا تستعمل لما تزعل او تبكي، انت رجال ممنوع تبكي، يعني ممكن تكون كاسر ايدك بس ممنوع تبكي، واذا بتبكي بتاكل قتلة لانك عم تبكي.
٨- ما كان في شي اسمه تنمّر، والمتنمر كان محبوب من الكل ويسمى منيك والكل يحلم يكون متله.
٩- الحب كان عبارة عن انك تكزدر لبنت مشي ويا ويلك ويا سواد ليلك اذا شافك خيها.
١٠- كانوا يسمعوا نتائج الامتحانات الرسمية عالراديو، وخود عقلق، والساقط كان ينشهر اكتر من الاول علبنان، ولما يروحوا عالجامعة اللبنانية تتعلق نتائج الامتحانات عالحيط.
وبالآخر بيجي حدا بيسألك انت ليش هيك كئيب وانطوائي ووحيد وكاره لنفسك وراسك مربع
حتى عايامهم كان عمرو دياب كبير
جاري تحميل الاقتراحات...