تقدر تقولي إيه لزمة الشهادة وأنت متقدرش تتكلم عن التخصص المكتوب فيها نص ساعة من غير تحضير؟

التويت مش دعوة لإهمال الموضوع تماما، لكن الشغل النهاردة مش بعدد الشهادات ولا بـ كاتب إيه في الـ CV.
الشغل النهاردة بـ "بتعرف تعمل المكتوب ده كويس ولا لأ؟"
الشغل النهاردة بـ"بتعرف تشتغل مع فريق ولا لأ؟"
الشغل النهاردة بـ"بتعرف تتواصل مع غيرك ولا لأ؟"
مش بالشهادة بس!

وعشان توصل في مجالك للمستوى ده، لازم تجتهد وتتعب وتتخلص من عقلية "لم المنهج"، عشان الحياة العملية مفيهاش "لم منهج"…
أنت في امتحان لقدراتك ومعرفتك بشكل يومي.
لذلك لا تقيم نفسك بشهادة ولا تقيم غيرك بشهادة… التقييم بالمعرفة والاستعداد للتعلم والتطور بشكل يومي ومستمر.

معرفتش تدخل ثانوية عامة؟ وإيه يعني؟ لا نقصت رجل ولا إيد ولسه عايش… ادخل اللي جالك واجتهد عشان تتعلم اللي عايزه.
ولو مجيبتش مجموع عشان الكلية اللي عايز تدخلها عشان Title قبل اسمك، وإيه يعني برضه… أدخل اللي جالك واشتغل على اللي عايزه.