رتبها

أبارك لجميع اخواني المقبولين في جامعات وكليات السلطنة، وفي هذه السلسلة من التغريدات بتكلم عن أنسب الأجهزة وأفضلها للدراسة واللي راح تساعدكم بشكل كبير في دراستكم عن تجربة ✌🏻
إذا كنت مشغول فضّل التغريدة ❤️ وارجعلها ولا تنسى تدعمني بالرتويت والشير.
#القبول_الموحد

كعادة كل سنة اسوي مثل هذه الثريدات لأن طبيعي جدا تجربة كل سنة تتغير وتصير أفضل بالنسبة لي خاصة واحب انقل لكم تجربتي عشان تستفيدوا.
قبل لا أبدأ هذا حسابي في الانستجرام اذا تحب تضيفني اتشرف بالجميع.

كثير للأمانة استفسارات توصلني هل اشتري ايباد او لابتوب للدراسة؟ لازم تعرف انه الايباد جهاز يكمّل اللابتوب، اللابتوب يفيدك كثير في تخصصات الهندسة والبرمجة والتخصصات اللي تحتاج برامج ما تتوفر إلا لأجهزة اللابتوب اما ماعدا ذلك فالايباد أفضل خيار لك بعد تجربة لمدة ٥ سنوات.

استخدمت الايباد من سنة ثانية لي في الجامعة ومستمر للآن عليه، الايباد جهاز خفيف سهل الحمل تقدر تحط فيه كتبك واوراقك PDF وتطبيقاتك المهمة وتزامن كل ملفاتك بين اجهزتك بسهولة بدلًا عن الاوراق وللأمانة فادني كثير، اعرف اشخاص تطبع اوراق اسبوعيًا لكل شابتر اما انا ما طبعت من سنة ٢ 😂♥️.

أما عن انسب الايبادات للدراسة، فأفضل ايباد مناسب وسعره جدا ممتاز هو الايباد الجيل التاسع، وعشان تستمتع أكثر بالايباد لازم تشتريلك قلم بحيث تكتب كل نقاطك وملاحظاتك وتلخص دروسك بسهولة وبكل متعة.
الايباد متوفر في كل المحلات وبأسعار متفاوتة.

الايباد اللي بعده هو ايباد اير الجيل الخامس بمعالج M1 حجم شاشة ممتاز وما يختلف عن البرو كثير وتقدر تستخدمه لكل امورك، للدراسة للتعديل على الصور والمونتاج والألعاب.
اذا تريد ايباد حجم شاشته اكبر ف عليك بالايباد برو 12.9 انش لكن سعر غالي ويعتبر هذا الايباد احترافي ✌🏻

أما اذا كنت مقرر تاخذ لابتوب ف أول شيء لازم تحدد نوع النظام اللي تريده هل تريد ماك ؟ او ويندوز؟ او كروم من جوجل؟
وراح اعطيك افضل المواصفات اللي تناسبك ك طالب جامعي وبناءً عليها اختار الجهاز اللي تريده من الشركة اللي تريدها.

إذا كنت تريد ماك بوك فأفضل مواصفات حاليًا.
معالج M1
مساحة تخزين 256 جيجا او 512 جيجا
ذاكرة عشوائية 8 جيجا
طبعًا مؤخرًا نزل معالج M2 ف تقدر ايضًا تاخذه افضل واسرع من المعالج M1
لكن نصيحة اذا خذيت ماك بوك لا تاخذ بمعالجات انتل لأن الـM1 أفضل وأسرع وراح يعطيك تجربة استثنائية.

أما بالنسبة للأجهزة اللي تعمل بنظام ويندوز، فأفضل مواصفات هي
معالج i5 او i7 من انتل
ذاكرة تخزين 256GB SSD او 512GB
ذاكرة عشوائية 8 جيجا رام
وطبعًا كلما زدت في المعالج والذاكرة والرام زاد سعر الجهاز
وطبعًا تختلف الأسعار من شركة لأخرى ✌🏻

وحاليًا بمناسبة العودة للدراسة في مراكز تجارية ومحلات كثيرة مسوية عروض لأجهزة اللابتوب والايباد، بذكرها في التالي؛
• محل EPhone
• إي ماكس
• جادجتس
• شرف دي جي
• كارفور
• اللولو
• أمازون
كل هذيلا عندهم عروض قوية، خذلك لفة قبل لا تشتري وتعرف على الأسعار وقارن 👍🏻.

ما أنسى أيضًا اخواني اللي افتخر فيهم شركة عنصر العُمانية 🇴🇲 وضروري تاخذلك لفة على متجر عنصر وتشوف الأجهزة الجديدة اللي توفرت معهم وما غلط تاخذلك واحد وجهاز ترس جربته ممتاز جدًا وانصح فيه.
رابط متجر عُنصر
onsor.om