امتيازاتك مع الآخر هو الشيء الوحيد الي انت غالباً ما تدركه.
ممكن تحس أن امتيازك الاكبر مع شخص معين انك تعطيه او تفزع له الخ..
وبعد مدة تكتشف ان اكثر شيء يحبه فيك وجودك وفكاهتك او استشاراتك واهتمامك لتفاصيلهم الصغيرة..
فغالباً يخطئ الانسان في تقدير صورته بالنسبة للاخرين..

لهذا اي امر تعطيه لا تربطه بصورتك الشخصية..
ممكن تشوف نفسك انسان معطاء ولكن الناس ما يهمها عطائك يهمها روحك..
ممكن تشوف نفسك تقدر الاخر ولكن الاخر ينتظر منك امور ثانية غير التقدير والمدح ..

اغلب الامور الي نقوم فيها بشكل عفوي هي مرآتنا امام الاخرين.
ممكن شخص يطبخ اكلة صغيرة والكل يُقبل وينهيها لانه اكثر شيء يحبوه فيه هو طبخه..
وممكن شخص بارع بالاستشارات والتهدئة النفسية الناس ما تحب اكله او طبخه..
فيظن انهم يحبو الطباخ اكثر منه مع انه اكثر شخص يستمع لهم ويرشدهم!

فغالباً المستشار هنا مش وظيفته يطبخ عشان يكسب تقدير الاخرين..
هو ادرك نقطة قوة مشتركة بينه وبينهم ولازم يسعى من خلالها ويكون الطبخ امر ثانوي..
بينما الاول (الطباخ) هذي وسيلة تعبيره الاولى وهو السبيل الي يخليه متصل بالناس..
اثنينهم لو قلدو بعض بيخسروا جودة حياتهم الاجتماعية.

الناس لما تقدر شخص على عطاءه المادي
مو مثل تقدر شخص على عطاءه الكلامي الخ
كم مر عليكم شخص الكُل مقبل عليه ويحبه مع انه ما يقدم شي سوى الكلام المعسول والحلو ؟
وكم مر عليكم شخص محد يقدره مع انو مقدم امور ضخمة وقيمتها كبيرة؟
الفرق ان الاول ادرك نُقطة قوته الاجتماعية والثاني لا