هقولك حاجة ؛
لما تلاقي شخص بيجاهد وبدأ يبحث ويعرف في الدين وييجي يحكيلك شيء انت عارفه اعمل نفسك متعرفوش وفرحه بلاش تبين إنه قليل ولا تستهون بكلامه حتى لو بسيط ، لما تلاقي شخص مكنش بيصلي وبعدين بقى مُحافظ على كل الفروض ويبقى فرحان بِده متتبهاش بإنك بتصلي السنن والفروض عليه وتحسسه

إنه مُبالِغ في فرحته ، بلاش تضيع هِمتُه! لما حد يقولك إنه بيصلي قيام بجُزء وانت بتصلي بِـ خمسة متقللش منه مش يمكن بيصلي بخشوع أكتر منك وأجرُه عند الله أكبر؟ لما حد يقولك إن الوِرد بتاعه ١٠ صفحات وانت بتقرأ جُزء بعد كل صلاة متشوفش نفسك أحسن منُه " دِينَكَ دِينُ كَيْف مش كَم "..

لما تلاقي أي شخص بيبدأ يقوي علاقته بربنا بأي فرض أو سنة هو شايفها إنجاز ليه وبالنسبالك شيء عاديا اوعى تستهون بيه هو بيبقى في حالة صراع مع نفسه والشيطان مش سايبه في حاله فبلاش تبقى انت كمان عليه! "لا تكونوا عونًا للشيطانِ على أخيكم "ساعد أخوك يقرب مش يبعد وادعيله بالثبات والهداية

، مين يعلم مش يمكن يكون أقل منك عبادة بس أصدق منك فثوابه أكبر؟ لا ترى نفسك خيرًا من أحد لا يعلمُ أحدٌ منَّا مكانة أخيه عند اللَّه فلا تغتر ، كُن خَيْرٌ مُعين لِأَخِيك ، يُعينك اللَّه عَلَى طَاعَتِهِ :") 🌷💙