احمد زكي باشا او شيخ العروبه كما اطلقوا عليه هو من ادخل علامات الترقيم ع اللغه العربيه اللي هي علامات الاستفهام و التعجب و القوسين و الفاصله و نقط الحذف و الاختصار و الشرطه— ووضع قواعدها و اسسها و اختصر حروف الطباعه بدل ما كانوا ٩٠٥ شكل خلاهم ١٣٢فقط و ٤٦ علامه
و هو مصري ولد بالاسكندرية سنه ١٨٦٧ م و شغل مناصب رفيعه المستوي زي انه كان رئيس لجامعه القاهره و مترجم ف مجلس الوزراء لانه كان يتقن الانجليزيه و الفرنسيه و اللاتينيه و عنده مكتبه هي من اكبر المكتبات ف العالم العربي و أحد أعيان النهضة الأدبية في مصر، ومن رواد إحياء التراث الإسلامي
مع العلم هو كان متأثر ب رفاعة رافع الطهطاوي في مجال الترجمة، ونقل الآثار الأدبية والفكرية من اللغة الفرنسية إلى اللغة العربية، و جمال الدين الأفغاني في تحرير الفكر والإيمان بالشرق، والنهضة اللي تصدر لها محمد عبده
مع العلم كمان انه عضو ف الجمعيه الجغرافيه الملكيه و له مؤلفات ابرزهم هو معجم الخريطة التاريخية للممالك الإسلامية و قبل ما انسي هو خريج مدرسه الحقوق اللي بقت فيما بعد كليه الحقوق و وتدرج في المناصب لحد ما بقي سكرتيرًا لمجلس النظار سنة 1330هـ/1911م
و ايام الخديوي تقدم بمشروع لإحياء الأدب العربي ل مجلس الوزراء، فأقره في جلسته اللي ترأسها الخديوي عباس حلمي في 24 أكتوبر 1910م واعتمد مجلس الوزراء ل المشروع دا مبلغ 9,392 جنيه مصري وهو مبلغ كبير جدا وقتها تحت إشراف المجلس الأعلى لدار الكتب المصرية
. في المشروع دا تمت طباعة كتير من الكتب بتحقيق أحمد زكي زي نكت الهميان في نكت العميان للصلاح الصفدي، والأصنام للكلبي، والأدب الصغير لابن المقفع، والتاج في أخلاق الملوك المنسوب للجاحظ، والجزء الأول من كتاب مسالك الأبصار في ممالك الأمصار للعمري. بس كدا
لو حد حابب ينقل الموضوع يا ريت يكتب انه منقول مني #نسرين_العيداروس
جاري تحميل الاقتراحات...