متفتكرش نفسك إنك تايه جوة القناة وتدي شعور لنفسك إنك أنت فين من الناس الملتزمة دي..
الشعور ده إن دل فإنما يدل علي إنك فيك خير وبتأنب وبتجاهد نفسك عشان تكون كدة..
متقللش من نفسك دي أفكار شيطانية وطباع سلبية بتخليك عاجز عن فعل أي طاعة ، حاول وحاولي إنك تصلي قيام النهاردة ،

القيام مش صعب وإنك تقف كتير ، انت قوم الليل بالقليل وبعدها مش هقولك هتحس بالراحة النفسية الـ هتخليك تصلي دايمًا
لكن هقولك هتعرف تتنفس فـ الازمان دي..
حاول إنك تحافظ وتحافظي على أذكار الصباح والمساء ويكون ليك ورد من القرآن ولو بالقليل محدش بقى مرة واحدة ملتزم..

لازم تتعب ولازم تقابل ناس تقولك انت هتعمل فيها شيخ وناس تقولك ياخي الدين يسر متبسطها شوية والـ يقولك انت هتقولي حرام وحلال
أوعى تسمع للناس دي انت ماشي صح ما دام مع ربنا..
وحاول تغير طريقتك نصحك باللين واليسر بس اوعي تتنازل في أمور الدين عشان حد..

قال رسول الله ﷺ " يأتي زمانٌ على أمَّتي القابض على دينه كالقابض على جمرةٍ من النار "
عشان كده الملتزم بيبان إنه ملتزم وده مش رياء ولا حب اظهار التدين..
الفكرة إنه لما الدين بقى غريب الناس عاملة إننا بنقول خواطر ولا كلام محدش يقدر ينفذه 👌🏻💙
منقول