بما إنه صار مايعدي يوم الا وتجيني إستفسارات عن دراسة الطيران على الخاص.
قررت أسوي الثريد هذا وأغطي فيه كل النقاط الممكنه عشان أريحكم وأرتاح.
وين تدرس؟
كيف تدرس؟
كيف تتوظف؟ ..الخ
قررت أسوي الثريد هذا وأغطي فيه كل النقاط الممكنه عشان أريحكم وأرتاح.
وين تدرس؟
كيف تدرس؟
كيف تتوظف؟ ..الخ
قبل تقرأ اي حرف ترى عادي جدًا يكون عندي معلومة ولاثنتين غلط أو غير دقيقة ، الهدف اني اشارك اللي أعرفه
إن أصبت فمن الله وإن اخطأت فمني ومن الشيطان
اذا فيه اخطاء صححوها 🫡
إن أصبت فمن الله وإن اخطأت فمني ومن الشيطان
اذا فيه اخطاء صححوها 🫡
بداية لازم تفهم ياعزيزي حاجة مهمة، الطيران مو شهادة علمية تاخذها
الطيران زيه زي سواقة السيارة تاخذ الرخصة وتروح تتوظف فيها
طيب وش الرخص هذي وكم عددها؟
الطيران زيه زي سواقة السيارة تاخذ الرخصة وتروح تتوظف فيها
طيب وش الرخص هذي وكم عددها؟
المطلوب منك ياعزيزي رخصتين + تقيميين
- رخصة الطيران الخاص -> مُتطلب ٤٠ ساعة طيران كحد أدنى
- رخصة الطيران التجاري ٤٩ ساعة
- تقييم الطائرات متعددة المحركات ١١.٥ ساعة
- تقييم الطيران على الأجهزة ٤٠ ساعة
طبعا مافيه شخص يخلصها على الحد الأدنى والمتوسط تآخذ من الطلاب٢٠٠ساعة مُجتمعة
- رخصة الطيران الخاص -> مُتطلب ٤٠ ساعة طيران كحد أدنى
- رخصة الطيران التجاري ٤٩ ساعة
- تقييم الطائرات متعددة المحركات ١١.٥ ساعة
- تقييم الطيران على الأجهزة ٤٠ ساعة
طبعا مافيه شخص يخلصها على الحد الأدنى والمتوسط تآخذ من الطلاب٢٠٠ساعة مُجتمعة
السؤال البديهي من وين تآخذ الرخصة؟
تاخذها من أكاديمية طيران تعطيك رخص بس
أو تسوي زيي أنا تدرس جامعة بكالوريس + الرخص
وش الأفضل طيب؟ رأيي الشخصي ان مابينها فرق بس الأغلب يقولون الافضل انك تاخذ بكالوريس عشان سيرتك الذاتية وكذا ، وأنت بكيفك
تاخذها من أكاديمية طيران تعطيك رخص بس
أو تسوي زيي أنا تدرس جامعة بكالوريس + الرخص
وش الأفضل طيب؟ رأيي الشخصي ان مابينها فرق بس الأغلب يقولون الافضل انك تاخذ بكالوريس عشان سيرتك الذاتية وكذا ، وأنت بكيفك
وش اجراءات كل رخصة/تقييم
* تطير مع مدربك وتخلص الدروس والاختبارات المُتطلبة من المدرسة
* تختبر اختبار الطيران المحوسب للرخصة ويكون من الحكومة
* تختبر الاختبار العملي والشفوي من مُختبر طيارين مُعتمد من الحكومة
اذا انت رجال دمك حار يمديك تخلص كل الرخص في أقل من سنتين
* تطير مع مدربك وتخلص الدروس والاختبارات المُتطلبة من المدرسة
* تختبر اختبار الطيران المحوسب للرخصة ويكون من الحكومة
* تختبر الاختبار العملي والشفوي من مُختبر طيارين مُعتمد من الحكومة
اذا انت رجال دمك حار يمديك تخلص كل الرخص في أقل من سنتين
السؤال البديهي الثاني وش أفضل خيار تدرسها فالسعودية ولابرى؟
اتوقع الاجابة بسيطة وواضحة خذها برى عشان فرق السعر وفرق الخبرة والعراقة.
أقدم اكاديمية فالسعودية عمرها ٥ سنوات بينما في امريكا مثلًا بتلقى اكادميات اعمارها ٦٠ سنة وجودتها معروفة وسمعتها قوية
اتوقع الاجابة بسيطة وواضحة خذها برى عشان فرق السعر وفرق الخبرة والعراقة.
أقدم اكاديمية فالسعودية عمرها ٥ سنوات بينما في امريكا مثلًا بتلقى اكادميات اعمارها ٦٠ سنة وجودتها معروفة وسمعتها قوية
غير ان الاسعار فالسعودية مبالغ فيها وتصل للضعف وثلاثة.
وترى أمريكا ماهي الخيار الوحيد، عندك الأردن، السودان، جنوب افريقا، اسبانيا، ماليزيا. دول كثير وكل دولة لها ايجابيات وسلبيات، وانت رجال وعقلك في راسك اختار اللي يناسبك
وترى أمريكا ماهي الخيار الوحيد، عندك الأردن، السودان، جنوب افريقا، اسبانيا، ماليزيا. دول كثير وكل دولة لها ايجابيات وسلبيات، وانت رجال وعقلك في راسك اختار اللي يناسبك
عشان تعرف الفرق فالأسعار
فالسعودية الاسعار تبدأ من ٤٠٠,٠٠٠ ﷼ إلى ٥٥٠,٠٠٠
وفي أمريكا المتوسط ٢٠٠,٠٠٠ الى ٣٠٠,٠٠٠ وفيه ارخص بعد
فالسعودية الاسعار تبدأ من ٤٠٠,٠٠٠ ﷼ إلى ٥٥٠,٠٠٠
وفي أمريكا المتوسط ٢٠٠,٠٠٠ الى ٣٠٠,٠٠٠ وفيه ارخص بعد
لنفترض انك اخذت رُخصك كلها سواءً من السعودية ولا برى ومعاك ٢٠٠ ساعة طيران.
هل تروح للشركات وتبدأ تقدم عليهم؟ لا وألف لا، لانهم بيطردونك مع الباب ومحد بيعطيك وجه!
ليش؟ مافيه شركة طيران محترمه توظف طيار عنده أقل من ١٠٠٠ ساعة طيران. (طبعًا لكل قاعدة شواذ)
هل تروح للشركات وتبدأ تقدم عليهم؟ لا وألف لا، لانهم بيطردونك مع الباب ومحد بيعطيك وجه!
ليش؟ مافيه شركة طيران محترمه توظف طيار عنده أقل من ١٠٠٠ ساعة طيران. (طبعًا لكل قاعدة شواذ)
طبعا الشركات السعودية حاليًا توظف بـ ٢٥٠ ساعة، بس هذا الكلام مراح يطول
السؤال البديهي الآن كيف بتجيب باقي الساعات عشان تصل للألف او اي عدد ساعات تطلبه الشركة.
* تقدر تصير مدرب طيران وكل ساعات طلابك تحسب لك
* تقدر تستاجر طيارة لحالك او مع ناس زيك عشان تبنون وقت
السؤال البديهي الآن كيف بتجيب باقي الساعات عشان تصل للألف او اي عدد ساعات تطلبه الشركة.
* تقدر تصير مدرب طيران وكل ساعات طلابك تحسب لك
* تقدر تستاجر طيارة لحالك او مع ناس زيك عشان تبنون وقت
* تقدر تتوظف وظائف مؤقتة مثل طيار لرحلات القفز المظلي
عمومًا دبر نفسك مثل الرياجيل وجيب الساعات المطلوبة
عمومًا دبر نفسك مثل الرياجيل وجيب الساعات المطلوبة
على افتراض انك رجال كفو تعرف تداحم وتآكل بيمناك جبت الألف ساعة.. وين الوجهة الآن؟
في الوقت الحالي و "حسب علمي" مالك إلا طيران ناس لأن الخطوط السعودية وأديل عندهم طلابهم اللي مبتعثينهم ولك أن تتخيل ان كل السعوديين اللي درسوا على حسابهم ينافسون على شركة وحدة
في الوقت الحالي و "حسب علمي" مالك إلا طيران ناس لأن الخطوط السعودية وأديل عندهم طلابهم اللي مبتعثينهم ولك أن تتخيل ان كل السعوديين اللي درسوا على حسابهم ينافسون على شركة وحدة
عشان تعرفون صعوبة المنافسة طيران ناس فتحت التقديم قبل فترة للطيارين اللي معهم ٢٥٠ ساعة كحد أدنى..
اللي وصلوا لمرحلة الاختبارات ألف طيار، عاد ماندري كم اللي قدموا 😅
اللي وصلوا لمرحلة الاختبارات ألف طيار، عاد ماندري كم اللي قدموا 😅
بس على إفتراض انك رجال وكفو ماتعيق معك ان شاءالله ان ماقبلتك ناس بتلقى لك خطوط توظفك لو في بنغلاديش، الرياجيل مايكيدها شي والارزاق في يد الله.
وعلى افتراض انك بديت الدرآسة اليوم مراح تتخرج الا بعد ٣ سنوات. هذي فيها حياة وموت وشركات تفتح وشركات تقفل ماتدري وين رزقك
وعلى افتراض انك بديت الدرآسة اليوم مراح تتخرج الا بعد ٣ سنوات. هذي فيها حياة وموت وشركات تفتح وشركات تقفل ماتدري وين رزقك
لو افترضنا انك قُبلت في الخطوط فالاجراءات كالتالي
اول شيء تجتاز الفحص الطبي
بيدربونك على نوع الطيارة اللي بتتوظف عليه Type rating لمدة شهرين (تقريبًا) وبيكون على أصغر طائرة عندهم A-320 وبعدها بتطير ٥٠ رحلة (تقريبًا) كمساعد ثاني بدون راتب بس مكافأة،
اول شيء تجتاز الفحص الطبي
بيدربونك على نوع الطيارة اللي بتتوظف عليه Type rating لمدة شهرين (تقريبًا) وبيكون على أصغر طائرة عندهم A-320 وبعدها بتطير ٥٠ رحلة (تقريبًا) كمساعد ثاني بدون راتب بس مكافأة،
وعلى افتراض انك رجال كفو ودندون واجتزت كل الاختبارات العملية والورقية وقتها بتصير مساعد أول وتستلم راتب زي الناس الحلوة.
غالبًا تاخذ ٣ سنوات كذا كمساعد على طائرة صغيرة ثم زيها أول اقل كمساعد على طائرة كبيرة وبعدها تصير كابتن على طائرة صغيرة
غالبًا تاخذ ٣ سنوات كذا كمساعد على طائرة صغيرة ثم زيها أول اقل كمساعد على طائرة كبيرة وبعدها تصير كابتن على طائرة صغيرة
فيه معلومة نسيت أقولها اغلب شركات الطيران تشترط الطول يكون ١٦٥ كحد أدنى.
اللي انا اعرفه ان الخطوط عندهم طيارين بأقل من هذا الطول.
بس اذا انت ياعزيزي طولك ١٦٤.٩ أو اقل حاول تتأكد من المعلومة من مصدر دقيق قبل تبدى الدراسة وتخسر وقتك ومالك وجهدك
اللي انا اعرفه ان الخطوط عندهم طيارين بأقل من هذا الطول.
بس اذا انت ياعزيزي طولك ١٦٤.٩ أو اقل حاول تتأكد من المعلومة من مصدر دقيق قبل تبدى الدراسة وتخسر وقتك ومالك وجهدك
وللمرة الألف انا ما أنصحكم تدخلون طيران أو انصحكم ماتدخلون طيران.
قرار دراستك قرار مصيري في حياتك أنت ويحدد مصيرك ومستقبلك أنت. لو طلع خيار خاطئ محد بيتحمله غيرك.
عشان كذا انا ما أتخذ القرارات عن أحد كِلن وعقله في راسه ويعرف يدبر أموره
قرار دراستك قرار مصيري في حياتك أنت ويحدد مصيرك ومستقبلك أنت. لو طلع خيار خاطئ محد بيتحمله غيرك.
عشان كذا انا ما أتخذ القرارات عن أحد كِلن وعقله في راسه ويعرف يدبر أموره
الى هُنا انتهى السرد.
هذا اللي عندي طال عماركم، حاولت أختصر قدر الإمكان عشان محد يمل اتمنى انه يكون مفيد.
اللي عنده أي سؤال يتفضل تحت التغريدة هذي عشان تعم الفائدة للجميع
هذا اللي عندي طال عماركم، حاولت أختصر قدر الإمكان عشان محد يمل اتمنى انه يكون مفيد.
اللي عنده أي سؤال يتفضل تحت التغريدة هذي عشان تعم الفائدة للجميع
جاري تحميل الاقتراحات...