وبقيت أبص لنفسي وأقول بقى انت ياللي كنت ٦ سنين بتتكلبش وتنام ع الأرض بابك بيتقفل ويتفتح بمزاج الشاويش بسيوني ومش عارف تخش الحمام ٥ دقايق وتحت رحمة شوية مخبرين وأمناء بيحددولك تلبس ايه وتاكل ايه وتشرب ايه ويحلقولك زيرو بعد كل زيارة ويتحكموا فيك وف أهلك،
تبقى قاعد مع مع الناس ديه وهما اللي نفسهم فيك، وتكون كل الحاجات ديه هي السكة اللي وصلتك لكده ف الآخر!
وللي ميعرفش، ديه هتكون أول تجربة جامعية ف حياتي كلها بعد ما السجن سرق مني ٥ سنين البكالوريوس بالكامل وخلصت هندسة ميكانيكا عين شمس كلها جواه من غير ما أحط رجلي ف الكلية ولا مرة.
وللي ميعرفش، ديه هتكون أول تجربة جامعية ف حياتي كلها بعد ما السجن سرق مني ٥ سنين البكالوريوس بالكامل وخلصت هندسة ميكانيكا عين شمس كلها جواه من غير ما أحط رجلي ف الكلية ولا مرة.
اللحظة ديه عظيمة بشكل مش عارف أوصفه، عشان ديه حلم خيالي كنت بحلمه طول الست سنين ف السجن كل يوم، معجزة مستحيلة التحقيق وأنا بكتب على ورق متهرب ف طرة ووادي النطرون وبخرجه متخبي ف شراب ف الغسيل عشان يتنشر ويقراه شوية ناس على فيس بوك،
وأصحى كل يوم أبص ع الحيطة اللي كاتب عليها "رُبَّمَا مَنَعَكَ لِيُعْطِيَك."، وف كل مرة أفكر ياااه تخيل لو خرجت بعد كل السنين ديه وسافرت وبقيت كاتب ليه لازمة بجد ف يوم: حلم!
إحساس تحقيق حلم صعب بعد معافرة طويلة ومقصودة ومخططة لحد ما تشوفها قدامك جابت نتيجتها هو إحساس مفيش حاجة تضاهيه، أتمنى ربنا يكتبه للكل.
نص الحلم اتحقق ونص المعجزة بقى واقع، ودلوقتي قدامي مشوار جميل وأصعب ومنافسة على مستوى فوق أي حاجة جربتها ف حياتي عشان أحققه بالكامل.
نص الحلم اتحقق ونص المعجزة بقى واقع، ودلوقتي قدامي مشوار جميل وأصعب ومنافسة على مستوى فوق أي حاجة جربتها ف حياتي عشان أحققه بالكامل.
هتبسط انهارده، ومن بكرة شغل من تاني. يا رب نفضل كل ما تعتِّم، نِلمَع، ونثبت إن لسه في أمل إن الأحلام ساعات، ولو بعد حين، بتتحقق.
الحمدلله يا رب، الحمدلله.
الحمدلله يا رب، الحمدلله.
جاري تحميل الاقتراحات...