رتبها

⭕️ من ملفات المخابرات العامة المصرية
🔴 جواسيس الغواصات
⁃ رمزي محمد أحمد الشبيني
⁃ سحر إبراهيم محمد سلامة
3️⃣ الحلقة الثالثة والأخيرة
تانى يوم قابلت داود بنفس طريقة المرة اللى فاتت وادانى مبلغ كبير شوية تقريبا 2500 يورو و500 يورو لسحر
ومدنيش تكليفات خالص
ونبه عليا
👇🏻👇🏻

١-أن أبلغ سحر مش تجتهد نهائى فى أى موضوع تكتبه علشان متبقاش ملفته للنظر ومتحاولش تصور أى حاجة فى المنشآت العسكرية اللى بتدخلها
وتانى يوم رجعت على بريشيا فى انتظار مكالمة لمدة 5 أيام
ويوم 31 ديسمبر 2011 يوم رأس السنة قالى أنزل وأروح أوتيل فى بريشيا جنب البيت عندى وروحت أسال عن سعر

٢-الليلة فى الفندق بكام وأول ما دخلت الأوتيل لقيت داود قاعد ومعاه بنت مغربية اسمها "إلهام"
ودى أول مرة أشوف فيها داود فى البلد اللى أنا ساكن فيها فى بريشيا!!
وأخذنى داود أنا والبنت المغربية ودخلنا محل بيتز
وبعد كده روحنا قعدنا فى بار على البحر علشان نشوف الاحتفالات اللى بتعملها

٣- إيطاليا فى البحر بمناسبة رأس السنة
وفى نهاية اليوم قال :
⁃ إن هو راجع الأوتيل وتانى يوم يبقى يبلغنى!
وقالى :
⁃ إن إلهام شغاله معاه ومتقلقش منها وإنها دى زى داود بالظبط.
وتانى يوم فعلا صحيت من النوم أنا وإلهام لان هى كانت روحت معايا البيت عندى وقالتلى :
⁃ إن داود خلاص

٤-انتهى دوره معايا وإنها مكان داود ولو أنا احتجت أى حاجة أقولها.
وفضلت قاعدة معايا كذا يوم وعرضت عليا أن أنا أقعد معاها فى بيتها اللى فى مدينة بلزونا وهى تبعد عن بيتي حوالى 20 دقيقة بالقطار
وفضلت قاعد مع إلهام حوالى شهر أو شهر ونصف
وهى كانت خلال الفترة دى متكفلة بكل أمورى المادية

٥- وأنا ماخدتش منها فلوس
وخلال الفترة دى بدأت أخلص إجراءات تجديد الإقامة بتاعتى لأنها قربت تخلص
وقلت لإلهام إن أنا عايز أسافر مصر لكن هى قالت أن أنتظرها هتبلغنى بالوقت المناسب
وفعلا نزلت مصر وتقريبا كان فى مارس 2012 وروحت قابلت سحر واديتها 500 يورو اللى داود باعتهم
وكانت متضايقة

٦- جدا لأنها اتعودت تاخد 500 يورو بشكل شهرى وفى الغالب أن المرة دى طولت فى القاعدة فى إيطاليا
وفضلت قاعد فى مصر شهر إبريل ومايو ويونيو ومش بعمل حاجة خالص
وفى يوليو .. رجعت تانى على إيطاليا وقعدت مع إلهام فى بيتها وسألتها :
⁃ إذا كان فيه شغل جديد ولا لأ؟
وهى قالت :
⁃ إنها مش

٧- جالها أى تكليف جديد من تل أبيب ولو فيه حاجة جديدة هتقولى!
والفترة دى ظروفى بدأت تنهار وكنت بشوف لو فيه أى شغلانة أنزل أشتغلها وفضلت قاعد الفترة دى مع إلهام فى بيتها وساعات كنت بروح أقعد مع القسيس صديقى
ودخل علينا شهر رمضان ومفيش شغل مع المخابرات الإسرائيلية وقلت أن لازم أبلغ

٨-القنصل المصرى فى ميلانو
وفعلا بعت فاكس على القنصلية المصرية فى ميلانو وقلت
إن أنا اسمى "محمد رمزى" وبشتغل مع ناس من إسرائيل وكتبت رقم تليفونى
وطلبت من القنصل أن يكلمنى أو يقابلنى
وفعلا تانى يوم القنصل كلمنى بنفسه وقالى :
⁃ إن هو فى انتظارى بكره الساعة 10 صباحا فى القنصلية!

٩-وفعلا روحت القنصلية المصرية فى ميلانو والأمن فضل مقعدنى حوالى 4 ساعات يسألونى أنت عايز من القنصل إيه وأنا مقلتش حاجة خالص ليهم وإن أنا صديقه وعايز أقابله
المهم اليوم دا ماعرفتش أقابل القنصل وفضلت خلال الفترة دية بشتغل فى النقاشة وبنام عند أى حد من أصدقائى فى الإجازة
ولو معنديش

١٠- شغل أروح أقعد مع إلهام فى بيتها
لحد ما جه شهر أكتوبر 2012 ونزلت مصر على مطار برج العرب لأن التذكرة رخيصة وظروفى المادية كانت صعبة الفترة دى
وفضلت قاعد فى مصر مش بعمل أى حاجة لحد تقريبا شهر ديسمبر 2012
كلمتنى إلهام وقالت لى :
⁃ إن أنا أرجع إيطاليا وأجيب اللاب توب معايا

١١-والفلاشات اللى عندى أجيبها .. وإن هى هتدينى جهاز جديد فيه إمكانيات اكتر وبيصور كل حاجة من غير ما حد ياخد باله.
وروحت لسحر وأخدت اللاب توب والفلاشة ومكنش عليها حاجة لأن سحر مكتبتش .. لأن مكنتش فيه فلوس
وسافرت إيطاليا ونزلت على بيت إلهام .. وفضلت قاعد معاها كذا يوم
ورفضت تستلم

١٢- الجهاز والفلاشة
وبعد فترة قالتلى :
⁃إن أنا هروح أسلم الجهاز والفلاشة لواحد من المخابرات الإسرائيلية هيكون فى انتظارى فى السفارة الإسرائيلية فى أثينا فى اليونان .
ونزلت أنا وإلهام وحجزت لى تذكرة سفر على اليونان وعلى حسابها وكانت لمدة ليلة واحدة
وسافرت على اليونان
وفى أثينا

١٣- روحت على الأوتيل
وتانى يوم روحت السفارة الإسرائيلية فى أثينا ولقيت إن فيه خبر باسمى على البوابة ونفس الإجراءات اللى بتحصل فى دخول السفارة الإسرائيلية اتكررت معايا فى أثينا
ودخلت قابلت واحد اسمه يوسف وإلهام كانت قايلة لى إن أنا هقابله
وإن هو زى داود بالظبط
اديته الجهاز لاب توب

١٤-وقال لى :
⁃ إن هو اللى هيكمل معايا بعد كده مكان داود .. وإن قريبا هيقابلنى تانى علشان يسلمنى جهاز تصوير صغير جدا أصور بيه من غير ما حد ياخد باله!
وقال :
⁃ إن أنا أسافر مصر
وفوجئنا إن هو المرة دية بيطلب منى أشتغل فى شركة فى بلدنا فى المنوفية اسمها:
"عبودة العشماوى للأجهزة

١٥- الكهربائية"
أو شركة تانى اسمها :
"ابن الخطاب للمواد الغذائية"
فى شبين الكوم
وفوجئت إن هو عارف الشركتين وعارف أماكنهم
وطلب منى أن أشتغل فى أى شركة من الشركتين وأجمعلهم كل المعلومات والبيانات الخاصة بالشركة اللى هشتغل فيها
واجبلهم معاملات الشركة والفاكسات اللى بتيجى لهم واللى

١٦- بيبعتوها لأن الشركتين دول حجمهم كبير
وفى نهاية المقابلة إدانى مبلغ 3500 يورو
وأنا بقالى فترة ماخدتش فلوس منهم وخلصت المقابلة ورجعت على إيطاليا تانى
وروحت قعدت مع إلهام شوية وبلغت إلهام بالسفر
وكان فى شهر يناير 2012
ورجعت على مصر وبعد كده روحت على البيت وقعدت شوية وبعدين روحت

١٧- على الشركة عبودة العشماوى وقابلت الحاج "عبودة"
وقلت له إن أنا عايز أشتغل عندك فى الشركة
وأنا أعرف الراجل لأن هو من البلد عندنا وقالى لى مفيش مشكلة وتعالى اشتغل
وفعلا استلمت شغل فى الشركة وهى شركة كبيرة فى مجال الأجهزة الكهربائية وبتشتغل جملة وقطاعى
وهى عبارة عن مول كبير مكون

١٨-من 5 أدوار وبجواره عدة مخازن خاصة بالشركة
وفضلت شغال فى الشركة لحد شهر أبريل وباخد 1000 جنيه مرتب فى الشهر
ومش فاكر امتى بالظبط إلهام كلمتنى من إيطاليا وقالت لى :
⁃ أن أنا لازم أرجع إيطاليا حالا
وفعلا أخدت إجازة وروحت حجزت وسافرت إيطاليا
وإلهام استقبلتنى فى المطار وأخدتنى

١٩-عندها فى البيت وفضلت قاعد عندها يومين
وقالت لى :
إن أنا هروح أقابل يوسف فى السفارة الإسرائيلية فى أثينا فى اليونان
وحجزت تذكرة وسافرت وادتنى 300 يورو علشان أحجز الفندق والتاكسيات
وقابلت يوسف وقالى أكتب له تقرير وأنا قاعد معاه فى السفارة عن الشركة اللى اشتغلت فيها وادانى مبلغ

٢٠- 2500 يورو هدية من الموساد
وانقطعت علاقتى بسحر
وتوجهت إلى مبنى المخابرات العامة بحدائق القبة بس مش فاكر اسم الضابط اللى سألنى وحكيتلو كل اللى حصل معايا بالتفصيل
🔘 وكانت المتهمة الثانية قد أدلت باعترافات قالت فيها:
إنها تلقت تكليفات برصد المشروعات التى يمتلكها الجيش المصري من

٢١-أندية وفنادق ومصانع حربية ومشاريع صناعية وزراعية وكذلك إجراءات التجنيد داخل الجيش المصرى
وكتبت المتهمة تلك التقارير على جهاز لاب توب مشفر كانت المخابرات الإسرائيلية قد أرسلته لها عن طريق المتهم الأول
وكانت المتهمة تتسلم مبلغ 500 يورو عن كل تقرير ترسله.
وكان من أخطر التقارير

٢٢-التى أعدتها المتهمة فى 2010 :
⁃ عندما كتبت لهم .. أن مصر فى طريقها لشراء 4 غواصات دولفين ألمانية الصنع
⁃ بالإضافة إلى التوقيع على عقد بين مصر وروسيا على اتفاقية بتطوير 35 دبابة مصرية
⁃ بالإضافة إلى تقرير آخر عن طبيعة المناورات العسكرية للجيش المصرى
وتقارير أخرى عن تشكيل

٢٣-المجلس العسكرى وقت الثورة .. وطبيعة وشعبية التيارات الدينية.
وأدلت المتهمة خلال التحقيقات ايضا :
⁃ أنها أقامت علاقات مشبوهة للحصول على معلومات تتعلق بالأمن القومي.
وأنها استغلت عملها كصحفية للحصول على تلك المعلومات
وأضافت فى التحقيقات:
⁃ أنها حصلت على ملابس وهواتف محمولة

٢٤-ومستحضرات تجميل وعطور مقابل كتابة تقرير عن الجيش المصرى وتسليحه وأحداث ثورة 25 يناير.
وقالت :
⁃ إنها كانت تعتقد في بداية الأمر أن ضابط الموساد المتهم معها في القضية يعمل في المافيا الإيطالية وليس في الموساد الإسرائيلي.
وأضافت المتهمة في التحقيقات :
أنها حصلت على قرابة 2500

٢٥-يورو مقابل تقرير احتفالات القوات المسلحة بتخريج دفعات
وكانت تحصل على مبلغ 500 يورو كراتب عن كل تقرير
فيما كشفت تقارير الأمن القومي :
⁃أن المتهمة سيئة السمعة واعتادت ممارسة الجنس مع الرجال.
وبناء على ذلك..
أمر النائب العام بإحالة المتهمين إلى محكمة الجنايات واستمرار حبس

٢٦-المتهم الأول والثانية احتياطيا مع الأمر بالقبض على ضابطى الموساد الإسرائيلى وهم صموئيل بن زائيف
وديفيد وايزمان وحبسهما احتياطيا على ذمة القضية
🔘الحكم
وقضت المحكمة يوم السبت 28 مارس 2015 بالسجن المؤبد لمدة 25 عاما ل 3 متهمين بالقضية وهم
المتهم الأول : رمزي محمد احمد الشبيني

٢٧-وضابطان بجهاز الاستخبارات الإسرائيلي "الموساد"وهم
⁃صموئيل بن زائيف
⁃ديفيد وايزمان
وبالسجن لمدة 15 عاما بحق المتهمة الرابعة : سحر ابراهيم محمد سلامة
في القضية المعروفة إعلاميا باسم "شبكة جواسيس الغواصات الألمانية"
تمت بحمد الله
الى اللقاء وعملية جديدة
شكرا متابعيني 🌹🌹