بما ان الموضوع اتقفل و الضجة خلصت، ف انا عاوزة اكلمكم شوية مع تجربتي مع الحمل و الولادة و ما بعدهم و ايه الحلو و الوحش في الموضوع.
(دي فضفضة، مش لازم تجربتي تعُم عالكُل)
(دي فضفضة، مش لازم تجربتي تعُم عالكُل)
من اول يوم حمل -من قبل ما اعرف- و انا عندي اكتئاب شديد، مع mood swings غير مبررة. لما عرفت بدأت افهم شوية ان دا اكتئاب حمل. من اول يوم و انا عندي احساس اني هبقى ام فاشلة مع اني بشهادة كل الناس اكتر واحدة بتعرف تتعامل مع الأطفال والرُضع، كان عندي احساس لا يزول اني هفشل و مش جاهزة.
اول trimester مكنتش حاسة بالأعراض المعروفة (الدوخة و الترجيع و القرفة)، مكنتش حاسة ب اي حاجة غير اني متضايقة عشان بطلت كل حاجة ممكن تضرني انا او البيبي و طبعًا مضغوطة من كل النصايح بتاعة الحمل اللي معظمها ان مكانش كلها فتي رهيب و مرعب.
النصايح بقا اللي كلنا بنسمعها بتاعة ماتنزليش البحر، ماتقفيش كتير، نامي بدري عشان البيبي يطلع بينام بدري، ماتستحميش ب مياه سخنة -آه والله اتقال لي كدة- و تدخلات رهيبة في حياتي و حياة البيبي اللي لسة ماتولدش اصلًا ولا عرفنا نوعه
في تاني تلت شهور الإكتئاب قل لكن اعراض الحمل بدأت بقوة بقا، بقيت قرفانة من كل حاجة، وزني زاد و عضمي بقا بيوجعني كله مع اني باخد كل ادويتي، جلدي باظ و جالي اكزيما ملتهبة و بتوجع جدًا بحرقان، عندي حموضة مستمرة مهما خدت لها ادويا و طبعًا النصايح و الفتي مابيخلصوش، مكنتش بعرف اتنفس
طول الفترة دي كنت بتابع مع دكتورين، دكتورة مشهورة و شاطرة جدًا و دكتور كبير في السن و دا اللي ولد مامتي و عيلتي كلها ف كنت عاوزة اولد معاه. الاتنين كلامهم كان واحد و مافيش اي مشاكل لحد اخر trimester بقا
في الشهر الثامن الدكتورة كان عندها conference و مكانتش موجودة -هي عارفة اني مش هولد معاها و اني مجرد متابعة- و فضل الدكتور الكبير في السن اللي عاوزة اولد معاه ولكن التكنولوجيا عنده وقفت في التسعينات. يعني مثلًا جهاز السونار اللي بيستعمله هو هو اللي كان بيستعمله مع امي سنة ٩٦ 🤝🏼
جيت في اخر اسبوع في الثامن جسمي ورم فشخ، كله، مافيش اي اعراض مقلقة غير ان جسمي مليان مياه و ضغطي مظبوط عادي مافيش مشاكل، بكلم الدكتور بقا، مش بيرد.. العيادة مش بيردوا لحد ما فات اسبوع و دخلت في التاسع و كل دا جسمي عمال يملى مياه
لحد ما حسيت ب وجع في بطني من تحت، اكن في خبط من جوا كدة لكن مافيش اي حركة للجنين و الدكتور برضه مش بيرد لحد اليوم الرابع في التاسع لاقيته بيكلمني و قال لي ان عنده كورونا و كان تعبان و سايب خبر في العيادة يكلمونا بس اكيد نسيوا معلش و مش هعرف اولدك😅
الوجع اللي عندك بيجي كل قد ايه؟ كل تلت دقايق. طب did your water break؟ لأ مافيش اي حاجة.. ضغطك كام؟ عالي. انزلي للنائب بتاعي في المستشفى و هو هايكشف و يشوف في ايه.
روحت المستشفى بالشبشب اقيس الضغط و اكشف عادي لاقيتهم بيقولوا لي يلا انت لازم تولدي دلوقتي.. وانا لوحدي مع ماما. انت عندك تسمم حمل و الجنين عايش بمعجزة و لازم تولدي دلوقتي بعد ما ننزل ضعطك اتفضلي هوب هوب
ولدت خلال ساعتين، في رعب و بتشاهد وانا داخلة و قعدت يومين و روحت. و بدأنا مرحلة جديدة بقا و هي الرضاعة و الإختمام ب كائن جديد مش متعودين عليه نهائي.
الرضاعة مش شئ سهل زي ما كل الناس متخيلة، مش كل الناس بتخلف و تعرف ترضع على طول و في اخصائيين رضاعة و في اسباب كتير جدًا لرفض الطفل الرضاعة و ممكن الأم اصلًا ماينزلهاش لبن للرضاعة.
كل الكلام دا انا مكنتش اعرفه زيي زي تلت اربع الناس اللي بيقروا الثريد دا، عشان كدة بكتبه.
كل الكلام دا انا مكنتش اعرفه زيي زي تلت اربع الناس اللي بيقروا الثريد دا، عشان كدة بكتبه.
في حالتي انا و ليال كان عندها حاجة اسمها confusion. عشان انا كنت تعبانة ف اول حاجة اكلتها كانت من الببرونة، اللي ال flow بتاعها اسهل كتير من صدر الأم ف لو الطفل اتعود عليها في الاول هايرفض الرضاعة.
طبعًا خلصنا من نصايح الحمل، دخلنا على نصايح الرضاعة، و ال guilt tripping اللي الناس بتدخلنا فيه لمجرد انهم شافونا بنرضع طفل ببرونة بدل رضاعة طبيعية، و يابني حاولي دا مافيش زي لبن الأم، و اعملي مش عارف ايه و خدي ايه و فتي غير عادي، وصلت لدرجة ان في واحدة قالت لي رضعيها قدامي كدة.
مافيش مخلوق نصحني ب اخصائية رضاعة غير @OmnyaMagdy اللي لما كلمتني تطمن عليا انهارت لها و حكيتلها، عرفتني بعني ايه اساسًا و ان دا طبيعي و بيحصل مع ناس كتير و رشحت لي كذا حد كمان.
الرضاعة الطبيعية طبعًا جميلة و مفيدة و مافيش زيها، و بتعمل bond مع الطفل قوي جدًا. انا كان في ايام بعيط عشان حاسة انها ماتعرفنيش من كلام الناس اللي حواليا و نظراتهم ليها بالشفقة اكني بديها سم مش بأكلها لبن الدكتور اللي كاتبه لها.
و دا دخلني في loop اكتئاب ما بعد الولادة.
و دا دخلني في loop اكتئاب ما بعد الولادة.
ماتخطتش الموضوع غير بعد اتنين اخصائيين رضاعة و تلت شهور محاولة و هي رافضة تمامًا، و احساسي بالذنب ماقلش غير لما بدأت اتعرف على امهات ولادهم قد سني و بدأنا نتكلم كتير -ال facebook groups بدتي support هائل لكن اختاروا جروپس فيها ناس نضيفة- و عرفت ان دا طبيعي جدًا و اني مقصرتش.
الثريد الطويل العريض دا انا بكتبه ليه بتفاصيله دي كلها؟
عشان اقول ان الحمل و الخلفة مش حاجات بسيطة و سهلة، و مش عشان هم سُنة الحياة و عشان تستمر معناه ان كل الستات يقدروا عليهم. الموضوع صعب و طويل و مُرهق و فيه مشاعر مختلطة كتير، و احساس بالذنب لا ينتهي.
عشان اقول ان الحمل و الخلفة مش حاجات بسيطة و سهلة، و مش عشان هم سُنة الحياة و عشان تستمر معناه ان كل الستات يقدروا عليهم. الموضوع صعب و طويل و مُرهق و فيه مشاعر مختلطة كتير، و احساس بالذنب لا ينتهي.
مسئولية لا تنتهي، هاتتعلمي كل يوم معلومة مكنتيش تعرفيها، و لازم يبقى عندك ثقافة مش بس في ازاي هاتربي الطفل، لكن ازاي كمان هاتربي نفسك. المرحلة دي من عمري غيرتني ١٨٠ درجة، ديمًا بقول ان بنتي انقذت حياتي من bad habits كتير كانت ممكن توديني في داهية لو مكنتش بطلتهم عشان خاطرها.
لازم تقري بعد الولادة عن كل milestone هايمر بيها طفلك و ايه احتياجاته، لازم تعرفي ازاي تتصرفي لوحدك تمامًا، لازم متابعة شهرية مع دكتور شاطر و بيسمعك و مش بيستهون بكلامك. لازم تعرفي ان طبيعي في ايام هاتصحي من النوم مش قادرة تكوني ام ولا تشيلي مسئولية، لازم تتعلمي ت ask for help
الكلام دا للرجالة قبل الستات.
اسمع شريكتك.
لما ست تقول انا مش عاوزة اكون ام اعرف انها فعلًا مش عاوزة تكون ام، هي مش بتتدلع، this is not just a phase و هاتغير رأيها بعد فترة، هي عارفة قدراتها، هي متأكدة ان لو الطفل جه مش هاتدي له حقه كامل ولا هاتقدر تتجاوز مراحل كتير.
اسمع شريكتك.
لما ست تقول انا مش عاوزة اكون ام اعرف انها فعلًا مش عاوزة تكون ام، هي مش بتتدلع، this is not just a phase و هاتغير رأيها بعد فترة، هي عارفة قدراتها، هي متأكدة ان لو الطفل جه مش هاتدي له حقه كامل ولا هاتقدر تتجاوز مراحل كتير.
لو انت شايف انك محتاج تكون اب و تخلف و شريكتك مش عاوزة، اعرف ان العلاقة دي مش هاتكمل. حد هايضطر يتنازل عن احتياجاته و التنازل دا مش هايكون ايجابي. يا اما انت هاتتحرم من انك تكون اب لو دا حلمك، يا اما هي هاتشيل مسئولية روح طول عمرها الباقي عشان تحقق لك حلمك، و النتيجة طفل غير سوي.
الطفل مش وَنس، و مش عِزوة، و مش واجب عليك، و مش حاجة بتيجي عشان وقتها جه.
الطفل اختيار شريكين مع بعض، لو الأم مش جاهزة له يبقى مايجيش. و ماينفعش يجي للدنيا لو انتوا مش جاهزين نفسيًا و ماديًا و قاريين و فاهمين، ماينفعش يجي لو انت نفسيًا عندك مشاكل. ماينفعش يجي عشان يلطف الجو.
الطفل اختيار شريكين مع بعض، لو الأم مش جاهزة له يبقى مايجيش. و ماينفعش يجي للدنيا لو انتوا مش جاهزين نفسيًا و ماديًا و قاريين و فاهمين، ماينفعش يجي لو انت نفسيًا عندك مشاكل. ماينفعش يجي عشان يلطف الجو.
لو جبت طفل، مش واجب عليك تجيب طفل تاني عشان يونسه لو انت مش جاهز ماديًا و معنويًا و الأم بالذات جاهزة جسديًا. انا والدة بقالي سنة، لحد النهاردة جسمي متعافاش. لحد النهاردة الجرح بتاع الولادة ماقفلش ١٠٠٪. لحد النهاردة عضمي منهار من فترة الحمل اللي جابت لي التهاب مفاصل.
الكلام و النصائح اللي بنسمعها من الناس الكبيرة -مع كامل احترامي ليهم- تدخل من ودن و تخرج من التانية. بيقولوا مصايب مش نصايح. الطب اتقدم و اتغير كتير عن زمان، ف لو ربنا سترها معاهم في تربية عيالهم لما يقولوا لكم منا ربيت شخرومية شحط و قبيلة، مش بالضرورة خالص ربنا يسترها مع طفلك.
استشيري دكتور طفلك عن كل حاجة مهما كانت بسيطة، ياكل ايه و امتى و يتحرك ازاي و هل محتاج ڤيتامينات معينة ولا لا و هل التأخر في milestone معينة عادي ولا اقلق امتى، مش معنى ان حد قالك ابنك مابيمشيش ليه و هو عنده ٩ شهور دا ابني تسلق جبال اڤريست انك تقلقي، طبيعي.
اعذروني لو طولت عليكم.
و ادلوا بدلوي هذا و اتمنى لكم الرفاء و البنين و السعادة الأبدية و الاختيارات الصائبة.
و السلام عليكم و رحمة الله و بركاته.
و ادلوا بدلوي هذا و اتمنى لكم الرفاء و البنين و السعادة الأبدية و الاختيارات الصائبة.
و السلام عليكم و رحمة الله و بركاته.
جاري تحميل الاقتراحات...