معنى جميل❤️
_
كان م. فاضل سليمان بيقول في محاضرة
"أنت مش في الدنيا دي عشان تختبر ربنا!
مش هنا عشان تشوفه هو رحمن وعادل
ومجيب للدعاء زي ما قال لنا ولا لأ! أنت هنا اللي بتُختبر مش العكس! دا امتحانك انت هتشوف انت عبد حقيقي لله سبحانه وتعالى ولا لأ!

هتصبر على القضاء ولا هتدب في الأرض وتقول ليه بيحصلي كدا؟ هتشكر الله على نِعمه ولا هتتولى وتقول إنما أوتيته على علم عندي؟" الواحد أحيانًا بينسى نفسه والله وبينسى مكانه والعياذ بالله! بيظن إنّ ليه حق مكتسب في العافية وفي إجابة الدعاء وفي قضاء الحاجات ولما بيُحرم -ولو فترة قصيرة-

بيجزع! مع إنّ الدنيا في الأصل دار بلاء دار شقاء وكبد وفتنة والأصل في العبودية الخضوع والتسليم وواجب على العبد فيها إنه يعلم أنه ليس له من الأمر شيء، ويعرف إنه زي ما قال د. حازم شومان كدا مش هتبتلى فيها إلا في الشيء اللي تقول فيه إلا ده! عشان ربنا يختبر إيمانك وتسليمك

"ومازادهم إلا إيمانًا وتسليمًا.."
الله يرضينا بما ارتضاه لنا من أقدار
ويبلغنا من العبودية ما يرضيه عنّا
ويرزقنا حسن الخلق
وحسن القول
وحسن العمل♥️