تعالو احكيلكم كده - للي مهتم يعني - عن خناقه بقالها كام شهر بين الخطوط القطريه ( افضل خطوط طيران ف العالم ) وبين شركه Airbus بسبب طيارات من طراز A350 واللي بسببها القطريه طالبه تعويضات ١.٥ مليار دولار من ايرباص وطبعا ايرباص قالتلهم دا هناك ف الخليج مش عندنا
الخطوط القطرية من كام شهر كده بعتت لشركة أيرباص قالتلهم ان طياراتكم ال A350 اللى واخدينها فيها مشاكل ف البدن الخارجي ,, الطلاء بيشقق ودا بيأثر على السلامة بتاعة الطيارة وعايزين رد ضروري لأن تقريبا نص الأسطول من النوع دا حصل فيه نفس المشكله ( ٢٠ طيارة )
وطبعا علشان المشاكل دى فقامت هيئة الطيران المدنى القطرية بوقف نص الأأسطول كله من الطيران بسبب مشاكل الهيكل الخارجي اللى القطرية قالت انه ممكن يؤثر على سلامة الطيارة والركاب ككل
القطرية كانت اول شركة طيران ف العالم ف ٢٠١٥ تطلب الطراز دا وتشتغل بيه كانت طالبه ٣٩ طيارة
القطرية كانت اول شركة طيران ف العالم ف ٢٠١٥ تطلب الطراز دا وتشتغل بيه كانت طالبه ٣٩ طيارة
ايرباص كانت بتسلم طلبيات الطيارة فى معادها عادى لحد ما القطرية من كام شهر قالتلهم لاء بقي معلش خلي الطيارات عندكم لحد ما تقولولنا ايه المشكلة دى لأن مش بس المشكلة فى الطلاء كمان الألياف المضادة للصواعق باظت بسبب ان الطلاء بيقشر وطبعا نص الأسطول واقف ودى خسارة كبيرة
الخطوط القطرية كانت كمان عاملة طلبية من طراز A350-1000 اللى هو الطراز الأكبر من ال A350 العادية , اللى بتشيل ٣٥٠ راكب , كانو طالبين ١٩ طيارة , قامت ايرباص قالتلهم مش عايزين تستلمو ال A350? طيب مفيش A350-1000 ورفضت ايرباص تسلم طلبيات الطيارة دى
طبعا قبلها كانت الخطوط القطرية رفعت قضيه وطالبت ايرباص بتعويض ١.٥ مليار دولار بسبب مشاكل السلامة ف الطيارة , ايرباص ردت عليها بأن أيوه الطياره فيها مشاكل فعلا بس تتعلق بالجوده مش بالسلامة - فرق كبير جدا - وأن الطيارة مؤمنة بالكامل ومفيش مشكلة خالص من ناحية السلامة ف أنها تطير
مش بس كده , ايرباص كمان وقفت للقطرية طلبية ٥٠ طيارة من طراز A320-Neo بسبب نفس المشكلة وقالت ان القطرية بتختلق مشكلة علشان تقلل اسطولها من الطيارات اللى بتطير مدي أطول بسبب التعافي البطيء للنوع دا من الرحلات وعلشان كده مصممة على التعويض
القطرية قالت الكلام دا مش حقيقي , بالعكس احنا رجعنا تانى طيارات ال A380 ( أكبر طيارة ركاب ف العالم ) للخدمة واستأجرنا طيارات تانيه علشان هنحتاج نسد العجز والفجوه فى فترة كاس العالم .. ولسه الحرب شغاله بينهم 🙅♂️
بالمناسبة بقي
بيلونو الطيارات باللون الأبيض على طول - ماعادا حاجات مختلفه زى الطيران الأردني - علشان الأبيض بيعكس الحرارة - درس تالته أول - وطالما بيعكس الحرارة فهيبقي افضل للركاب ومربح لشركات الطيران اقتصاديا طبعا
اللون الابيض كمان رخيص ف الدهان , وش لاكية والباب يبقي فله
بيلونو الطيارات باللون الأبيض على طول - ماعادا حاجات مختلفه زى الطيران الأردني - علشان الأبيض بيعكس الحرارة - درس تالته أول - وطالما بيعكس الحرارة فهيبقي افضل للركاب ومربح لشركات الطيران اقتصاديا طبعا
اللون الابيض كمان رخيص ف الدهان , وش لاكية والباب يبقي فله
اللون الابيض كمان بيعمل انعكاس للضوء فبيقلل شويه الطيور اللى بتخبط ف الطيارة وممكن تعمل كوارث جويه والأهم من كل دا انه بيكشف طبعا الشقوق والخدوش الصغيره بسهوله فمهندسين الطيران ميتعبوش يعني علشان يوميتهم غاليه بصراحه
شكرا للي بعتلي علي معلومه ال ٥٠ طياره ، اسف الطلبيه اللي وقفت كانت لل A321-neo مش للA320 🤷🏻♂️
للي كان متابع الثريد دا وخناقة ايرباص مع القطرية
ايرباص من كام يوم لغت صفقة ال ١٩ طيارة ال A350 هيا كمان للقطرية وبكده مبقاش قدام القطريه غير انها تروح لبوينج بعد ما ايرباص لغت تقريبا كل طلبيات الطيارات بتاعتها
وهتكمل بقي الخناقه ف المحاكم لحد ما نشوف مين فيهم هيكسب التعويض
ايرباص من كام يوم لغت صفقة ال ١٩ طيارة ال A350 هيا كمان للقطرية وبكده مبقاش قدام القطريه غير انها تروح لبوينج بعد ما ايرباص لغت تقريبا كل طلبيات الطيارات بتاعتها
وهتكمل بقي الخناقه ف المحاكم لحد ما نشوف مين فيهم هيكسب التعويض
جاري تحميل الاقتراحات...