ممكن تكون هذة افضل نصائح اقدمها من خلال تجربتي في #سوق_الاسهم_السعودي في فترات مختلفة، فترات الصعود والفرح وفترة الهبوط والقلق. #تاسي فرحني وحزني كثير، هذة النصائح (من التجربة والخبرة والتعلم المستمر)غير مرتبة بحسب الاهمية (كلها مهمة):
١- امور لازم تتعلمها، تحليل مالي (قراءة القوائم المالية، فهم النسب المالية، فهم وضع الشركة المالي، فهم النتائج المالية)، تحليل فني (مناطق العرض والطلب، تحديد الاتجاة العام للسهم)، ادارة المحفظة (زيادة كميات، تخارج من السهم، تجميع بالسهم، تنويع الشركات من قطاعات مختلفة) (الالتزام)
٢- السوق ربح وخسارة، موب بس ربح. تقبل الخسارة كما تتقبل الربح.
٣- تعلم السباحة قبل الذهاب لصيد السمك، تعلم تعلم تعلم بعدها ادخل السوق.
٣- تداول بقرارات مدعومة بأرقام وليس قرارات عاطفية، لا تستبدل سهم الرجحي بـ سهم الانماء عشان خدمة العملاء قدمو لك خدمة.
٣- تعلم السباحة قبل الذهاب لصيد السمك، تعلم تعلم تعلم بعدها ادخل السوق.
٣- تداول بقرارات مدعومة بأرقام وليس قرارات عاطفية، لا تستبدل سهم الرجحي بـ سهم الانماء عشان خدمة العملاء قدمو لك خدمة.
٤- لا تشتري سهم هرفي عشان عندهم وجبة تحبها، لا تشتري سهم وقت اللياقة عشان عندهم عروض، لا تشتري سهم دار الاركان عشان (شعارهم زين) لا تشتري سهم ارامكو عشان البنزين بيرتفع، لا تشتري سهم الحبيب عشان عندهم دكتوره حلوه. تعامل مع الاسهم بالارقام فقط لا تربطها بشي ثاني ماله علاقة.
٥- ابتعد عن القرارات العاطفية، احس انه بيرتفع، قلبي يقول انه بيوصل ٦٦.٤١، احساسي يقول انه نجم السنه (هذة كلها خرابيط وكلام فاضي).
٦- لا تصدق كلام (المحللين) اختبرهم، ارجع لتغريداتهم قبل وقارنها مع النتائج. (البعض) مصرفين وليس محللين.
٦- لا تصدق كلام (المحللين) اختبرهم، ارجع لتغريداتهم قبل وقارنها مع النتائج. (البعض) مصرفين وليس محللين.
٧- اي محلل يعلق كفو، شنب، عداك العيب، بطل، شيل يا مدير، مضارب وحش، مضارب كريم، المضارب زعلان من زوجته. هذة خرابيط (ابتعد عنه).
٨- اي محلل عنده ٥٦٢،٤٩٠ متابع انتبه منه، ممكن تكون ارقامه صحيحة، ولكن الوقف عنده مصيبة اغلب المتابعين يبيعون عنده. (تأثيره قوي).
٨- اي محلل عنده ٥٦٢،٤٩٠ متابع انتبه منه، ممكن تكون ارقامه صحيحة، ولكن الوقف عنده مصيبة اغلب المتابعين يبيعون عنده. (تأثيره قوي).
٩- اعتمد على نفسك، مافي احد راح يحط الاكل في فمك غير (امك) انت تخسر غيرك يربح (مستحيل) الكل يربح في الاسهم، الاسهم ( بخور يستمتع بها الجميع، والاخير يلتقط الجمره ومحد يبي يستلمها بعدة).
١٠- تعامل مع اي سهم تشتريه كأنك شريك في الشركة وليس كـ شخص يشتري بـ ٨٨ ويبيع عند ٨٩.
١٠- تعامل مع اي سهم تشتريه كأنك شريك في الشركة وليس كـ شخص يشتري بـ ٨٨ ويبيع عند ٨٩.
١١- تابع النتائج المالية لازم تفهم وش تعني، ارباح ٧٦٤٤٧٨٩٧٤٤٪ قد لا تعني شي لدى سهم (حزين، تعيس، مريض) قد تعني من سالب الى سالب آخر.
١٢- سهم دخلت فيه و واثق فيه (بعد التحليل المالي والفني والفحص) ينزل ٩٪ المفروض انك ما تخاف ما يعني لك شي لأنك (عارف البير وغطاه)
١٢- سهم دخلت فيه و واثق فيه (بعد التحليل المالي والفني والفحص) ينزل ٩٪ المفروض انك ما تخاف ما يعني لك شي لأنك (عارف البير وغطاه)
١٣- سهم قرمبع ما يسوى ريال، يقولون لك في بطنة ٦٨٩٨٦٤٥٨٪ لا تدخله او خلك حذر، يقظ، فطين، (ذولا مثل نافخ الكير) ان كسبت زين، وان خسرت بتصيح تبي فلوسك من (المحتالين) يتقضي ٤٦٨٥ يوم تحاول ترجع فلوسك وبالنهاية بتقول حسبي الله عليهم وترضى بالواقع.
١٤- #اسواق_المال ليست جمعية خيرية، فيها صناديق يبون يجملون الوجة، فيها طحاطيح يلبسون ساعات بقيمة سيارتك، فيها دلخ يعتقد انه (مستثمر) يتلزخ ٤ سنوات ومبسوط واذا رجع رأس ماله قال (الصبر مفتاح الفرج) ويبدأ يتفلسف عن الصبر. لا تكون مثله.
١٥- السوق اكبر منك تراك تطلب شاورما من خيراته (بشكل غير مباشر) تجيك فلوس منه بطريقة غير مباشره حتى وانت مادخلت ولا تعرف عن #تاسي اي شي.
١٦- ناس تدخل تبي العوائد (مصدر دخل) ناس تبي فارق السعر، ناس مستثمرة (تشتري وما تبيع)، لازم تعرف وش تبي بالضبط لازم تعرف مكانك بالسوق.
١٦- ناس تدخل تبي العوائد (مصدر دخل) ناس تبي فارق السعر، ناس مستثمرة (تشتري وما تبيع)، لازم تعرف وش تبي بالضبط لازم تعرف مكانك بالسوق.
١٧- لا تسمي نفسك مستثمر اذا انت ما تعرف معنى (حقوق الأولوية، ولا تعرف الفرق بين زيادة رأس المال وتخفيض رأس المال، ولا تعرف معنى اسهم النمو ، أسهم العوائد ، اسهم الخشاش ، والاسهم القيادية).
١٨- تاريخ الاحقية (في توزيعات الارباح) يعني انك تحصل على التوزيعات النقدية اذا قفل السوق والأسهم في محفظتك (تبيع من بكرة مع الافتتاح تستحق الارباح) يعني تخلي السهم ينام عندك يوم.
١٩- في الغالب، في اليوم الثاني ينزل سعر السهم (تقريباً بنفس قيمة التوزيع) سهم ممتاز تلقطه هنا 😉
١٩- في الغالب، في اليوم الثاني ينزل سعر السهم (تقريباً بنفس قيمة التوزيع) سهم ممتاز تلقطه هنا 😉
٢٠- واخيراً، تشتري سهم وينزل عن مشتراك لا تشتري زيادة ( لا تصدق الي يقولون لك تعديل المتوسطات) هذة خرافة، الارقام تنفي هذة الخرافة. تشتري زيادة (فقط) اذا رجع وتجاوز سعر مشتراك. اصبر على الهبوط لكن لا تشتري زيادة وتعمق الخسارة.
تقريباً هذا كل شي، اذا خطر على بالي شيء راح اذكره في هذا الموضوع.
جاري تحميل الاقتراحات...